മയിലാഞ്ചിച്ചുവപ്പു നീണ്ടു നില്‍ക്കാന്‍

Published: Thursday, August 22, 2013, 15:35 [IST]

സ്ത്രീകളുടെ മേയ്ക്കപ്പില്‍ മെഹന്തി അഥവാ മയിലാഞ്ചിയ്ക്ക് വലിയ പ്രാധാന്യമുണ്ട്. വിവാഹത്തിനും മറ്റ് വിശേഷാവസരങ്ങളിലുമെല്ലാം മയിലാഞ്ചിയണിയുന്നത് മിക്കവാറും സ്ഥലങ്ങളില്‍ പതിവുമാണ്.

കഷ്ടപ്പെട്ടിടുന്ന മയിലാഞ്ചി അധികം നീണ്ടുനില്‍ക്കാത്തതാണ് പലരുടേയും പ്രശ്‌നം. മയിലാഞ്ചിച്ചുവപ്പു കൂടാനും കൂടുതല്‍ കാലം നീണ്ടു നില്‍ക്കാനും സഹായിക്കുന്ന ചില വഴികളെക്കുറിച്ചറിയൂ,

കഴുകണം

മയിലാഞ്ചിയിടുന്നതിനു മുന്‍പു തന്നെ കയ്യ് വൃത്തിയായി കഴുകണം. ടോണര്‍ ഉപയോഗിച്ചു കഴുകുന്നതാണ് നല്ലത്.

കട്ടിയായി മയിലാഞ്ചിയണിയുക

കട്ടി കൂടിയ രീതിയില്‍ മയിലാഞ്ചിയണിയുക. കനം കുറച്ചിട്ടാല്‍ ചുവപ്പു കുറയും. വീതി കുറഞ്ഞ ഡിസൈനാണെങ്കിലും കട്ടിയായി മയിലാഞ്ചിയിടുന്നത് കൂടുതല്‍ ചുവപ്പു നല്‍കും.

കൂടുതല്‍ നേരം

കൂടുതല്‍ നേരം മെഹന്തി കയ്യിലിരിയ്ക്കുന്നത് കൂടുതല്‍ ചുവക്കാന്‍ സഹായിക്കും.

ചെറുനാരങ്ങാനീരില്‍ പഞ്ചസാര

ചെറുനാരങ്ങാനീരില്‍ അല്‍പം പഞ്ചസാര കലക്കി ചൂടാക്കുക. ഇത് മയിലാഞ്ചിയിട്ടിരിയ്ക്കുന്നതിന്റെ മുകളില്‍ തളിയ്ക്കുക. ഉണങ്ങുമ്പോള്‍ ഇത് തളിച്ചു കൊടുത്താല്‍ മതി. മയിലാഞ്ചിയ്ക്കു കൂടുതല്‍ ചുവപ്പു ലഭിയ്ക്കാന്‍ ഇത് സഹായിക്കും.