ലിപ്‌സ്റ്റിക് പോയോ?

സ്ത്രീകളുടെ സൗന്ദര്യത്തില്‍ ചുണ്ടിന് ചെറുതല്ലാത്ത സ്ഥാനമുണ്ട്. തൊണ്ടിപ്പഴം പോലുള്ള ചുണ്ടുകളെന്ന് കവി വര്‍ണന തന്നെ ഇതിന് ഉദാഹരണമാണ്.

ചുവുന്ന തുടുത്ത ചുണ്ടുകളെന്നത് ചിലര്‍ക്കു മാത്രം ലഭിയ്ക്കുന്ന സൗഭാഗ്യമാണ്. ഇതില്ലാത്തവര്‍ക്കുള്ള പരിഹാരമാര്‍ഗമാണ് ലിപ്‌സ്റ്റിക്.

സൗന്ദര്യത്തില്‍ ചുണ്ടുകളെ അവഗണിയ്ക്കാനാവത്തതു കൊണ്ടുതന്നെ ലിപ്‌സ്റ്റിക്കിനേയും തള്ളിക്കളയാനാവില്ല. പല നിറത്തിലുള്ള ലിപ്സ്റ്റിക്കുകള്‍ ഇപ്പോള്‍ ലഭിയ്ക്കും. ഇത് സൗന്ദര്യം വര്‍ദ്ധിപ്പിയ്ക്കുന്നതിന് സഹായിക്കുകയും ചെയ്യും.

എന്നാല്‍ ലിപ്സ്റ്റിക്കിടുന്നവര്‍ നേരിടേണ്ടി വരുന്ന പൊതുവായ ഒരു പ്രശ്‌നമാണ് ലിപ്സ്റ്റിക് പെ്‌ട്ടെന്നു മാഞ്ഞു പോകുന്നത്. ലിപ്സ്റ്റിക്കിന്റെ നിറം മങ്ങിപ്പോകാതെയിരിക്കാന്‍ ചില വഴികളുണ്ട്. ഇ്ത്തരം വഴികളെക്കുറിച്ചറിയൂ,

ലിപ്സ്റ്റിക് ഉപയോഗിയ്ക്കുന്നതിന്റെ തലേന്നു രാത്രി ഇത് ഫ്രിഡ്ജില്‍ വയ്ക്കുക. ഈ ലിപ്സ്റ്റിക് ഉപയോഗിയ്ക്കുന്നത് ലിപ്സ്റ്റിക്കിന്റെ നിറം കൂടുതല്‍ നേരം പോകാതിരിയ്ക്കാന്‍ സഹായിക്കും.

തീരെ കുറഞ്ഞ അളവില്‍ അല്‍പം പൗഡര്‍ ചുണ്ടുകളിലിടുക. ഇതിന് മീതേ ലിപ്സ്റ്റിക്കിടുന്നത് ലിപ്സ്റ്റിക് നിറം നീണ്ടുനില്‍്ക്കാന്‍ സഹായിക്കും.

തടിച്ച ചുണ്ടുകളുള്ളവര്‍ ഇരുണ്ട നിറങ്ങളിലുള്ള ലിപ്സ്റ്റിക് ഉപയോഗിയ്ക്കുക. ഇത് ഇത്തരം ചുണ്ടുകള്‍ക്ക് ഭംഗി നല്‍കും. ഇത്തരക്കാര്‍ ആദ്യം ചുണ്ടില്‍ ലൈനര്‍ ഉപയോഗിച്ച ശേഷം ലിപ്സ്റ്റിക് ഇടുക. ഇത് നല്ലതാണ്.

പ്രായമുള്ള സ്ത്രീകള്‍ കൂടുതല്‍ കടുത്തതും ഇരുണ്ടതുമായ നിറങ്ങളിലെ ലിപ്സ്റ്റിക് ഉപയോഗിക്കാതിരിയ്ക്കുക. ഇത്തരക്കാര്‍ക്ക് ലൈറ്റ് നിറത്തിലെ ലിപ്സ്റ്റിക്കുകളാണ് ചേരുക.

രണ്ടു നിറങ്ങളിലെ ലിപ്സ്റ്റിക്കുകള്‍ കൂട്ടിക്കലര്‍ത്തി ഉപയോഗിക്കരുത്. ഇത് ലിപ്സ്റ്റിക് പെട്ടെന്ന് പോകുവാനുള്ള സാധ്യത കൂട്ടും. മാത്രമല്ല, ചുണ്ടു തന്നെ ചിലപ്പോള്‍ വൃത്തികേടാകുകയും ചെയ്യും.