മയിലാഞ്ചിച്ചുവപ്പു കൂട്ടാം

മയിലാഞ്ചി കയ്യിലണിയുന്നത് ഇന്ത്യയില്‍ മാത്രമുള്ള ഒരു പരമ്പരാഗത ചടങ്ങാണെന്നു പറയാം. വിവാഹമുള്‍പ്പെടെയുള്ള പല സന്ദര്‍ഭങ്ങളിലും സ്ത്രീകള്‍ ഇത് കയ്യിലണിയാറുണ്ട്.

വധു കയ്യില്‍ മയിലാഞ്ചിയണിയുന്നത് ഇന്ത്യയിലെ മിക്കവാറും എല്ലാ സംസ്ഥാനങ്ങളിലുമുള്ള ഒരു ചടങ്ങാണെന്നു വേണമെങ്കില്‍ പറയാം. വധുവിന്റെ മയിലാഞ്ചിയുടെ നിറം കൂടുന്നതിനനുസരിച്ച് വരന് സ്‌നേഹവും കൂടുമെന്നും പറയാറുണ്ട്. വരന്റെ സ്‌നേഹത്തിന്റെ ആഴമളക്കാനുള്ള ഒരു മാര്‍ഗമെന്നു വേണമെങ്കില്‍ പറയാം.

ചിലരുടെ കയ്യില്‍ സ്വാഭാാവികമായും മയിലാഞ്ചി നിറം നന്നേ ചുവപ്പായി മാറും.ചിലരുടെ കയ്യിലാകട്ടെ, മയിലാഞ്ചി ചുവക്കുകയുമില്ല്. മയിലാഞ്ചി നല്ലപോലെ ചുവക്കാന്‍ ചില വഴികളുണ്ട്.

മയിലാഞ്ചിയുടെ ഇല രാത്രി മുഴുവന്‍ ചൂടുവെള്ളത്തിലിട്ടു വയ്ക്കുക. പൊടിയാണെങ്കില്‍ ചൂടുവെള്ളത്തില്‍ കലക്കി വയ്ക്കണം. തേയിലവെള്ളമായാല്‍ കൂടുതല്‍ നല്ലത്. ഇത് മയിലാഞ്ചി കൂടുതല്‍ ചുവക്കാന്‍ സഹായിക്കും.

മയിലാഞ്ചിക്കൂട്ടില്‍ അല്‍പം കാപ്പിപ്പൊടി കലക്കി വയ്ക്കുന്നതും നല്ലതാണ്. ഇതും മയിലാഞ്ചിയുടെ നിറം വര്‍ദ്ധിപ്പിക്കും.

ചെറുനാരങ്ങാനീരില്‍ പഞ്ചസാര കലക്കി മയിലാഞ്ചിപ്പൊടിയില്‍ ചേര്‍ക്കാം. ഇതും മയിലാഞ്ചിയുടെ നിറം വര്‍ദ്ധിപ്പിക്കും.

കയ്യില്‍ കൂടുതല്‍ നേരം മെഹന്തി വയ്ക്കുന്നതും നല്ലത്. ഇത് ഉണങ്ങിത്തുടങ്ങുമ്പോള്‍ നാരങ്ങാനീരില്‍ പഞ്ചസാര കലര്‍ത്തി ഈ വെള്ളം കൊണ്ട് നനയ്ക്കണം.

ഗ്രാമ്പൂ ഒരു തവയിലിട്ട് ചൂടാക്കുക. ഇതിനു മുകളില്‍ ഹെന്നയിട്ട കൈകള്‍ ഉയര്‍ത്തിപ്പിടിച്ച് ഈ ആവി കൈയില്‍ കൊള്ളിക്കുക. മെഹന്തി കഴുകിക്കളഞ്ഞ ശേഷം വേണം ചൂടു പിടിക്കാന്‍.

പഞ്ചസാര പൊടിച്ചതും നേരത്തെ പറഞ്ഞ രീതിയില്‍ തവയിലിട്ടു ചൂടാക്കുന്നത് ഗുണം ചെയ്യും.

വേദനയ്ക്കായി പുരട്ടുന്ന ഓയിന്റ്‌മെന്റുകളും ക്രീമുകളും ഹെന്നയ്ക്കു നിറം നല്‍കാന്‍ സഹായിക്കും. ഹെന്നിയിട്ട് കഴുകിക്കളഞ്ഞ കയ്യ് തുടച്ച ശേഷം ഇവ പുരട്ടുക. ഇത് ചര്‍മത്തിനടിയില്‍ നിന്നും ചൂട് ഉല്‍പാദിപ്പിക്കും. ഇത് ഹെന്നയ്ക്ക് നിറം നല്‍കുകയും ചെയ്യും.

ഹെന്നയിട്ട കൈകള്‍ സോപ്പുവെള്ളം പോലുള്ളവയില്‍ നിന്നും മാറ്റി സൂക്ഷിക്കുക.അല്ലെങ്കില്‍ ഇത് ഹെന്നയുടെ നിറം കുറയ്ക്കും.