അനാര്‍ക്കലി ഫാഷനുകള്‍ നോക്കൂ

കരീന കപൂര്‍

ഹീറോയിന്‍ എന്ന ചിത്രത്തിന്റെ പരസ്യപ്രചരണങ്ങള്‍ക്ക് പച്ച അനാര്‍ക്കലി ചുരിദാറിട്ടാണ് കരീന കപൂര്‍ ഒരിക്കല്‍ എത്തിയത്. കടും പച്ചനിറത്തില്‍ പിങ്ക് ബോര്‍ഡറും സ്വര്‍ണനിറത്തിലുള്ള എംബ്രോയ്ഡറിയുമുള്ള ഇൗ അനാര്‍ക്കലി ചുരിദാര്‍ കരീനയുടെ സൗന്ദര്യത്തിന് മാറ്റു കൂട്ടി. വെള്ള നിറത്തിലുള്ള അനാര്‍ക്കലി ചുരിദാറിട്ടും കരീന മറ്റൊരു ചടങ്ങില്‍ പങ്കെടുത്തിരുന്നു. നീണ്ട കൈകളും പിങ്ക് നിറത്തിലുള്ള ബോര്‍ഡറുമായിരു്ന്നു ഇതിന്.

ഐശ്വര്യ

ഐശ്വര്യ റായും പല സന്ദര്‍ഭങ്ങളിലും അനാര്‍ക്കലി ചുരിദാറില്‍ തിളങ്ങിയിട്ടുണ്ട്. വെള്ള നിറത്തിലും സ്റ്റോണ്‍ നിറത്തിലുമുള്ള അനാര്‍ക്കലി അണിഞ്ഞ ഈ സുന്ദരിയെ ചിത്രത്തില്‍ കാണാം.

ദീപിക പദുക്കോണ്‍

ലെഹംഗയെ അനുസ്മരിപ്പിക്കുന്ന വിധത്തിലുള്ള അനാര്‍ക്കലി ചുരിദാറിട്ട് നടി ദീപിക പദുക്കോണ്‍ ഒരിക്കല്‍ എത്തിയിരുന്നു. വെള്ളയും വൈന്‍ റെഡ് നിറവുമുള്ള ഈ വേഷം അടിഭാഗത്ത് ധാരാളം ഫ്രില്ലുകളോടു കൂടിയുള്ള ഒന്നായിരുന്നു.

പ്രിയങ്ക ചോപ്ര

പ്രശസ്ത ഫാഷന്‍ ഡിസൈനറായ മനീഷ് മല്‍ഹോത്രയുടെ ഫാഷന്‍ ഷോയില്‍ പങ്കെടുത്ത പ്രിയങ്ക ചോപ്രയുടെ ക്രീം നിറത്തിലുള്ള അനാര്‍ക്കലി ചുരിദാറും ശ്രദ്ധ നേടി. ക്രീം ദുപ്പട്ടയും പിങ്ക്, ചുവപ്പ് എംബ്രോയ്ഡറിയുമായിരുന്നു ഇതിന്.

മാധുരി ദീക്ഷിത്

മാധുരി ദീക്ഷിത് പല സന്ദര്‍ഭങ്ങളിലും അനാര്‍ക്കലി ചുരിദാറിട്ട് പരിപാടികളില്‍ പങ്കെടുക്കാറുണ്ട്. ഒരു റിയാലിറ്റി ഷോയില്‍ പങ്കെടുക്കാനെത്തിയ മാധുരി മഞ്ഞ, ഓറഞ്ച് നിറങ്ങളിലുള്ള അനാര്‍ക്കലി ചുരിദാറിട്ടാണ് എത്തിയാത്. സ്വര്‍ണനിറത്തിലുള്ള എംബ്രോയ്ഡറിയും കല്ലുകളും മാധുരിയുടെ വേഷത്തിന് അഴകു കൂട്ടി.

അനുഷ്‌ക ശര്‍മ

പുതിയ തലമുറയിലെ നടിയായ അനുഷ്‌ക ശര്‍മ പല സന്ദര്‍ഭങ്ങളിലും അനാര്‍ക്കലി ചുരിദാര്‍ ധരിക്കാറുണ്ട്. ഒരു റിയാലിറ്റി ഷോയില്‍ പങ്കെടുക്കാനെത്തിയ അനുഷ്‌കയുടെ ക്രീം നിറത്തിലുള്ള അനാര്‍ക്കലി ചുരിദാര്‍ ശ്രദ്ധ പിടിച്ചു പറ്റി.