നെയില്‍ പോളിഷ് തെരഞ്ഞെടുക്കുമ്പോള്‍ ശ്രദ്ധിക്കുക

Make Up

oi-Saritha

By Veena

Published: Tuesday, May 22, 2012, 14:22 [IST]

ഒരു നെയില്‍ പോളിഷ് തെരഞ്ഞെടുക്കുന്നതില്‍ എന്താണിത്ര പറയാന്‍ എന്നാവും പലരുടേയും ചിന്ത. നല്ല നിറം നോക്കി തെരഞ്ഞെടുക്കണം, അല്ലാതെന്ത് എന്നുള്ള ചോദ്യവും പ്രസക്തം.

ഏതു ചെറിയ കാര്യത്തിനും ശ്രദ്ധിക്കേണ്ട വലിയ സംഗതികളുണ്ടാകും. ഇതുപോലെയാണ് നെയില്‍ പോളിഷിന്റെ കാര്യവും.

മിക്കവാറും പേര്‍ വസ്ത്രത്തിനിണങ്ങിയ അതേ നിറത്തിലുള്ള നെയില്‍ പോളിഷ് തെരഞ്ഞെടുക്കും. ഇത് ആവശ്യമില്ലെന്നാണ് മേക്കപ്പ് വിദഗ്ധരുടെ അഭിപ്രായം. വസ്ത്രത്തിന്റെ നിറത്തിലല്ലാ, ഇതിന് ചേരുന്ന വിധത്തിലുള്ള നെയില്‍പോളിഷാണ് തെരഞ്ഞെടുക്കേണ്ടത്.

മറ്റു മേക്കപ്പുകള്‍ക്ക് ചേര്‍ന്ന നിറത്തിലുള്ള നെയില്‍ പോളിഷ് തെരഞ്ഞെടുക്കുന്നവരുണ്ട്. ഉദാഹരണത്തിന് ലിപ്സ്റ്റികിന്റെ നിറം തന്നെ നെയില്‍ പോളിഷിനും ആയാലോ എന്ന് ചിന്തിക്കുന്നവരുണ്ട്. ഇത്തരം തെരഞ്ഞെടുപ്പ് ബോറെന്നു പറയാനേ ആകൂ.

നെയില്‍ പോളിഷിലും ആധുനികത വേണമെന്നുള്ളവര്‍ പുതിയ ട്രെന്റ് എന്താണെന്ന് മനസിലാക്കുക. ഇതനുസരിച്ച് നെയില്‍ പോളിഷും തെരഞ്ഞെടുക്കാം.

സന്ദര്‍ഭത്തിനനുസരിച്ചു വേണം നെയില്‍ പോളിഷ് തെരഞ്ഞെടുക്കേണ്ടത്. ഓഫിസിലും ഓഫീസ് സംബന്ധമായ ചര്‍ച്ചകളിലും മറ്റും പങ്കെടുക്കുമ്പോള്‍ ഇളം നിറത്തിലുള്ള, ലളിതമായവ ഉപയോഗിക്കുക. പുറത്ത് ചുറ്റിയടിക്കാനുള്ള പദ്ധതിയാണെങ്കില്‍ മിക്കവാറും ഏതു നിറങ്ങളും കൂടെപ്പോരും. വിവിധയിനം ഷേഡുകളും ഡിസൈനുകളുമുള്ള നെയില്‍ പോളിഷുകള്‍ തെരഞ്ഞെടുക്കാം.

വേനല്‍ക്കാലത്ത് കടുത്ത നിറങ്ങളുള്ള നെയില്‍ പോളിഷുകളായിരിക്കും നല്ലത്. മഞ്ഞുകാലത്ത് ബ്രൗണ്‍, ഗോള്‍ഡന്‍, ചുവപ്പ് നിറത്തിലുള്ള നെയില്‍ പോളിഷുകള്‍ തെരഞ്ഞെടുക്കാം.

കൈകളുടെ നിറവും പ്രധാനം. വളരെ വെളുത്ത നിറമുള്ളവര്‍ കടുത്ത നിറത്തിലുള്ള നെയില്‍പോളിഷുകള്‍ ഉപയോഗിക്കരുത്. ഇത് കൈകളുടെ ഭംഗി തന്നെ കളയുകയാണ് ചെയ്യുക. ഇതുപോലെ സ്‌ക്വയര്‍ നഖമുള്ളവര്‍ വല്ലാതെ ലൈറ്റായ നെയില്‍ പോളിഷുകള്‍ ഉപയോഗിക്കരുത്.