നെയില്‍ പോളിഷ് റിമൂവറിന് പകരം

ഇതിനുള്ള ഏറ്റവും നിസാര പരിഹാരം ഉള്ള നെയില്‍ പോളിഷിന് മുകളിലൂടെ വീണ്ടും നെയില്‍ പോളിഷിട്ട് ഉടന്‍ തന്നെ ഒരു പഞ്ഞി കൊണ്ട് തുടച്ചുകളയുക എന്നതാണ്. നഖത്തില്‍ നിന്നും പഴയ അവശിഷ്ടവും പോകും.

ചെറുനാരങ്ങ നഖത്തില്‍ ഉരച്ചാലും പോളിഷ് പോയിക്കിട്ടും. വീട്ടാവശ്യത്തിന് വിനെഗര്‍ വാങ്ങിയിട്ടുണ്ടെങ്കില്‍ ഇതും പോളിഷ് റിമൂവറായി ഉപയോഗിക്കാം. ഇതില്‍ ചെറുനാരങ്ങ, ഓറഞ്ച് എന്നിവയുടെ രണ്ടോ മൂന്നോ തുള്ളി ജ്യൂസും ചേര്‍ക്കാം. ഇതില്‍ പഞ്ഞി മുക്കി നഖം തുടക്കാം.

ആല്‍ക്കഹോളും നല്ലൊരു നെയില്‍ പോളിഷ് റിമൂവറാണ്. വീട്ടില്‍ വിസ്‌കിയോ ബ്രാണ്ടിയോ ഇരിപ്പുണ്ടെങ്കില്‍ ഇതില്‍ അല്‍പം പഞ്ഞിയിലെടുത്ത് നഖം തുടയ്ക്കാം.