പ്രണയദിനത്തില്‍ സാരിയും ചേരും

Make Up

oi-Saritha

By Veena

Published: Tuesday, February 14, 2012, 16:02 [IST]

ചുവപ്പിനെ ഒഴിവാക്കാനാവില്ല, വാലന്റൈന്‍സ് ഡെയില്‍. ചുവന്ന വസ്ത്രം നിര്‍ബന്ധമുള്ളവര്‍ക്ക് തിരഞ്ഞെടുക്കാനും നിരവധി. ഗൗണ്‍, ചുരിദാര്‍, സ്‌കേര്‍ട്ട് അങ്ങനെ പോകുന്നു. എന്നാല്‍ വാലന്റൈന്‍സ് ഡെയ്ക്കും പാരമ്പര്യത്തികവ് കൊടുക്കണമെന്നുണ്ടെങ്കില്‍ ചുവന്ന സാരിയായാലോ.

പഴമ തൊട്ട് പുതുമ വരെയെത്തും ഈ ചേലയുടെ മാഹാത്മ്യം. എന്തൊക്കെ ഫാഷന്‍ വന്നാലും വിശേഷാവസരങ്ങളില്‍ നമ്മുടെ സ്ത്രീകള്‍ മുന്‍തൂക്കം കൊടുക്കുന്നത് സാരിക്കു തന്നെ. ഇത് വീട്ടമ്മയായാലും സിനിമാതാരമായാലും.

വാലന്റൈന്‍സ് ഡെയ്ക്ക് ചുവന്ന നിറത്തിലുള്ള സാരി തെരഞ്ഞെടുക്കുമ്പോള്‍ പ്ലെയിന്‍ സാരിയായിരിക്കും കൂടുതല്‍ നല്ലത്. പ്രത്യേകിച്ച് സില്‍ക്, ഷിഫോണ്‍ സാരികള്‍. വശങ്ങളില്‍ ലേസുള്ള സാരികളും തെരഞ്ഞെടുക്കാം.

സാരിക്കു ചേര്‍ന്ന ബ്ലൗസ് പ്രധാനം. സ്പഗാറ്റി, ബിക്കിനി ടൈപ്പ് ബ്ലൗസുകളായിരിക്കും പാര്‍ട്ടികള്‍ക്ക് കൂടുതല്‍ നല്ലത്.

വേഷത്തിന് ചേര്‍ന്ന ആഭരണങ്ങളും തെരഞ്ഞെടുക്കണം. സ്വര്‍ണം ഒഴിവാക്കി ലളിതമായ പ്ലാറ്റിനം, ഡയമണ്ട് ആഭരണളോ ഫാന്‍സി ആഭരണങ്ങളോ നന്നായിരിക്കും. ഹാര്‍ട്ട് ആകൃതിയുള്ള ആഭരണങ്ങള്‍ നന്ന്.

മേക്കപ്പും ഹെയര്‍ സ്റ്റൈലും സാരിക്കിണങ്ങും വിധമാകാന്‍ ശ്രദ്ധിക്കണം.

അല്‍പം ഹീലുള്ള ചെരിപ്പുകള്‍ ധരിക്കാം.

ചുവന്ന സാരിയില്‍ നിങ്ങളുടെ പ്രണയം ജ്വലിക്കട്ടെ.