വാലന്റൈനായി അണിഞ്ഞൊരുങ്ങൂ

Make Up

oi-Saritha

By Veena

Published: Wednesday, February 1, 2012, 13:40 [IST]

അഞ്ജനക്കണ്ണെഴുതി, ആലിലത്താലി ചാര്‍ത്തി... കേള്‍ക്കാനിമ്പമുള്ള ഈ വരികള്‍ കാമുകനായ് അണിഞ്ഞൊരുങ്ങിയിരിക്കുന്ന സ്ത്രീയുടെ മാനസികാവസ്ഥയെയാണ് കാണിക്കുന്നത്. ഇതുപോലെ കമിതാവിനായ് വാലന്റൈന്‍സ് ദിനത്തില്‍ നിങ്ങള്‍ക്കും അണിഞ്ഞൊരുങ്ങാം, അത് സ്ത്രീയാണെങ്കിലും പുരുഷനാണെങ്കിലും.

സാധാരണ സ്വന്തം ഇഷ്ടത്തിനാണ് നാം ഒരുങ്ങാണ്. എന്നാല്‍ പ്രണയദിനത്തില്‍ പ്രിയപ്പെട്ടവരുടെ ഇഷ്ടത്തിന് അണിഞ്ഞൊരുങ്ങുക. കമിതാക്കളാണെങ്കില്‍ പരസ്പരം ഇഷ്ടമുള്ള വേഷങ്ങളെക്കുറിച്ച് അറിയാന്‍ പ്രയാസവുമില്ല.

അതുപോലെ മേക്കപ്പിന്റെ കാര്യത്തിലും, എന്തിന് ഹെയര്‍സ്റ്റൈല്‍ പോലും പങ്കാളിയ്ക്കു വേണ്ടിയാകാം. ഇഷ്ടമില്ലെങ്കിലും ഇത് ഒരു ദിവസത്തെ കാര്യമല്ലേയുള്ളൂവെന്ന് സമാധാനിക്കുക.

വാലന്റൈന്‍സ് ഡെയില്‍ ഇഷ്ടമുള്ള നിറത്തിനു പകരം ചുവന്ന നിറത്തിലുള്ള വസ്ത്രങ്ങള്‍ തെരഞ്ഞെടുക്കുന്നതും നല്ലൊരു കാര്യമാണ്. എന്നാല്‍ ചുവപ്പു മാത്രമെ ഇത്തരം സന്ദര്‍ഭങ്ങളില്‍ ധരിക്കാവൂ എന്നുമില്ല.

പാര്‍ട്ടികള്‍ക്കും മറ്റും പോകുകയാണെങ്കില്‍ അതിനനുസരിച്ചുള്ള ഒരുക്കങ്ങളാണ് വേണ്ടത്. പാര്‍ട്ടിക്കു ചേര്‍ന്ന വേഷവും അതിന് ചേരുന്ന വേഷവിധാനങ്ങളും മുന്‍പേ കൂട്ടി തയ്യാറാക്കണം.

എത്രയൊക്കെ ഒരുക്കങ്ങളുണ്ടെങ്കിലും ഇതിനേക്കാളുമൊക്കെ പ്രധാനം മനസിന്റെ പൊരുത്തമാണെന്ന് മനസിലാക്കുന്നതാണ് പ്രധാനം.