ഇരട്ടത്താടി; അഭംഗി കുറക്കാം

ആദ്യമായി ചെയ്യേണ്ടത് ഇരട്ടത്താടിയില്‍ നിന്നും മറ്റുളളവരുടെ ശ്രദ്ധ തിരിച്ചുവിടുകയെന്നതാണ്. മുഖത്തു മേക്കപ്പ് ചെയ്യുമ്പോള്‍ കണ്ണുകള്‍ ഐലൈനറുകള്‍ ഉപയോഗിച്ചെഴുതി മനോഹരമാക്കാം. അല്ലെങ്കില്‍ മനോഹരമായ വലിയ കമ്മലുകളിടാം. നിങ്ങളുടെ മുഖത്തു നോക്കുന്നവര്‍ ഇതു രണ്ടുമായിരിക്കും കൂടുതല്‍ ശ്രദ്ധിക്കുക.

മുടി കെട്ടുമ്പോള്‍ കുറച്ചു മുടി മുഖത്തേക്കു വീണുകിടക്കുന്ന വിധത്തില്‍ കെട്ടുക. ഇരട്ടത്താടിയുള്ളവര്‍ക്ക് നീളമുളള മുടിയാണ് യോജിക്കുക. താടിയുടെ അഭംഗി മുടി കുറച്ചുകാണിക്കും.

കോളറുള്ള വസ്ത്രങ്ങള്‍ കഴിവതും ഒഴിവാക്കുക. തുറന്ന കഴുത്തുളള വസ്ത്രങ്ങളായിരിക്കും ഇത്തരക്കാര്‍ക്ക് നല്ലത്. കഴുത്തിനു ചുറ്റും സ്‌കാര്‍ഫോ സ്‌റ്റോളോ ധരിക്കുന്നത് നന്നായിരിക്കും.

കഴുത്തില്‍ ചെറിയ മാലയോ പെന്റന്റോ ധരിക്കുക. വലിയ പെന്റന്റുകള്‍ ഇരട്ടത്താടി എടുത്തുകാണിക്കും.