രാത്രി മേക്കപ്പിടുമ്പോള്‍ ശ്രദ്ധിക്കൂ

Make Up

oi-Saritha

By Veena

Published: Monday, October 3, 2011, 10:10 [IST]

മേക്കപ്പ് സൗന്ദര്യം കൂട്ടുവാനുദ്ദശിച്ചുള്ളതാണ്. എന്നാല്‍ സന്ദര്‍ഭത്തിനനുസരിച്ച് അതിനു ചേരുന്ന മേക്കപ്പിട്ടില്ലെങ്കില്‍ കാണുന്നവര്‍ക്ക് അരോചകമായിത്തോന്നും. കല്യാണത്തിനു പോകാനുളള മേക്കപ്പല്ലാ, മരണവീട്ടിലിടുക. അതുപോലെ രാത്രി മേക്കപ്പു ചെയ്യുമ്പോഴും ശ്രദ്ധിക്കണം. പകല്‍ നിങ്ങള്‍ ഒരുങ്ങുന്ന അതേരീതിയിലാകരുത് രാത്രി മേക്കപ്പിടുന്നത്.

രാത്രി കഴിവതും സ്വാഭാവികമായ രീതിയില്‍ ഒരുങ്ങുവാന്‍ ശ്രദ്ധിക്കുക. അതിനായി ആദ്യം വേണ്ടത് നിങ്ങളുടെ നിറത്തിനു ചേരുന്ന ഫൗണ്ടേഷന്‍ ക്രീമിടുകയാണ്. മുഖത്തെ പാടുകള്‍ മറക്കാന്‍ ഇത് സഹായിക്കും. ഫൗണ്ടേഷന്‍ ക്രീം കഴുത്തിലും ചെവിയിലും കയ്യുകളിലും ഇടണം. അല്ലെങ്കില്‍ മുഖത്തിനും മറ്റു ഭാഗങ്ങള്‍ക്കും വേറെ വേറെ നിറം തോന്നും.

നിങ്ങളുടെ കണ്ണുകളോണോ അതോ ചുണ്ടാണോ കൂടുതല്‍ ഭംഗിയാക്കേണ്ടത് എന്നാദ്യം തീരുമാനിക്കുക. ചുണ്ടാണെങ്കില്‍ കടുത്ത നിറത്തിലുള്ള ലിപ്സ്റ്റിക് ഉപയോഗിക്കുക. കണ്ണുകള്‍ക്കുള്ള മേക്കപ്പ് ലളിതമാക്കുക.

കണ്ണുകള്‍ ഭംഗിയാക്കാനാണ് ഉദ്ദേശ്യമെങ്കില്‍ നല്ല ഐലൈനറും മസ്‌കാരയുപയോഗിക്കുക. കണ്ണു ഭംഗിയായി എഴുതാം. മസ്‌കാരയുപയോഗിച്ച് കണ്‍പീലികള്‍ കൂടുതല്‍ മനോഹരമാക്കാം.

ധരിക്കേണ്ട വസ്ത്രം മുന്‍കൂട്ടി തെരഞ്ഞെടുക്കണം. ഇതിനായി ആവശ്യമെങ്കില്‍ ഇന്റര്‍നെറ്റ് സഹായവും തേടാം. ഏതെങ്കിലും സിനിമയിലെ നായികയെപ്പോലെ ഒരുങ്ങാനാണ് നിങ്ങള്‍ ആഗ്രഹിക്കുന്നതെങ്കില്‍ അതിനു ചേര്‍ന്ന വേഷവിധാനങ്ങള്‍ മുന്‍കൂട്ടി തയ്യാറാക്കി വക്കണം.

ഹാന്റ്ബാഗില്‍ ലിപ്‌ഗ്ലോസ്, ഐലൈനര്‍, പൗഡര്‍, കണ്ണാടി, പെര്‍ഫ്യൂം എന്നിവയും സൂക്ഷിക്കുക. ആവശ്യമെങ്കില്‍ നിങ്ങള്‍ക്ക് ഇത് ഉപയോഗിക്കാന്‍ സാധിക്കും.