സുന്ദരിയാകാന്‍ സ്വാഭാവിക മേക്കപ്പ്

മുഖത്തിന്റെ സ്വാഭാവിക നിറത്തിലുള്ള ഫൗണ്ടേഷന്‍ തിരഞ്ഞെടുത്ത് മുഖത്തിടണം. അല്ലെങ്കില്‍ കണ്‍സീലര്‍ ഉപയോഗിക്കാം. മുഖത്ത് വടുക്കളും പാടുകളുമുണ്ടെങ്കില്‍ കണ്‍സീലറായിരിക്കും നല്ലത്. ഇതിന് മീതേ പൗഡറിടുകയുമാകാം.

കവിളുകളില്‍ റൂഷ് പുരട്ടരുത്. അതിന് പകരം പാന്‍കേക്ക് ഉപയോഗിക്കാം. കവിളിലാണ് ഇതു പുരട്ടുക. മുഖത്തെ നിറത്തിനേക്കാള്‍ അല്‍പം ഇരു നിറമാകണം. എന്നാലേ കവിളുകളുടെ ഭംഗി എടുത്തു കാണിക്കൂ.

ചുണ്ടില്‍ ലിപ്സ്റ്റിക്കോ ലിപ്‌ഗ്ലോസോ ഉപയോഗിക്കരുത്. ചുണ്ടിന്റെ നിറം തന്നെയുള്ള ലിപ്സ്റ്റിക് നേര്‍മയായി ഇടാം. ലിപലൈനര്‍ വരച്ച് ചുണ്ടിന് ആകൃതി വരുത്തിയ ശേഷം വേഷം ലിപ്സ്റ്റിക് ഇടാന്‍. ചുണ്ട് വരളാതിരിക്കുവാന്‍ ശ്രദ്ധിക്കണം. വരണ്ട ചുണ്ട് വൃത്തികേടാവുകയും ലിപ്സ്റ്റിക് എടുത്തുകാണിക്കുകയും ചെയ്യും.

കഥ പറയുന്ന കണ്ണുകള്‍ ഏതു തരം മേക്കപ്പില്ലാണെങ്കിലും പ്രധാനമാണ്. കണ്ണുകളില്‍ നല്ലപ്പോലെ മഷിയെഴുതണം. ഇതിന് കണ്‍മഷിയോ അല്ലെങ്കില്‍ ഐലൈനറോ ഉപയോഗിക്കാം. ഐഷാഡോ ഉപയോഗിക്കുന്നത് കണ്ണുകള്‍ കൂടുതല്‍ എടുത്തുകാണിക്കും. വെളുത്ത നിറമുളളവര്‍ക്ക് ബ്രൗണ്‍ നിറത്തിലുള്ളതും ഇരുണ്ട നിറമുള്ളവര്‍ക്ക് ചാരനിറത്തിലുള്ള ഐഷാഡോയും യോജിക്കും. കണ്‍മഷിയും ഐഷാഡോയും ഏതാണ് ഒരേ ഷേഡു വരുന്നതായിരിക്കും കൂടുതല്‍ ഭംഗി.