മറുകുകള്‍ മേക്കപ്പിലൂടെ മറയ്ക്കാം

മറുകുകള്‍ മറയ്ക്കാനുള്ള ഏറ്റവും എളുപ്പമുള്ള മാര്‍ഗം കണ്‍സീലര്‍ ഉപയോഗിക്കുന്നതാണ്. നിങ്ങളുടെ ചര്‍മത്തിന്റെ നിറത്തിനു ചേര്‍ന്ന കണ്‍സീര്‍ തെരഞ്ഞെടുക്കുക. മറുകുള്ളിടത്ത് ഇത് അല്‍പം കട്ടിയില്‍, എന്നാല്‍ എടുത്തുകാണിക്കാത്ത വിധത്തില്‍ ഉപയോഗിക്കാം.

ചര്‍മത്തിന്റെ നിറത്തേക്കാളും വെളുപ്പാണ് മറുകിനെങ്കില്‍ നിങ്ങളുടെ നിറത്തേക്കാളും അല്‍പം ഇരുണ്ട കണ്‍സീല്‍ ഉപയോഗിക്കുക. ഇരുണ്ട നിറത്തിലാണ് മറുകെങ്കില്‍ ഇളം നിറത്തിലുള്ള കണ്‍സീലര്‍ ഉപയോഗിക്കാം.

കണ്‍സീലറിന് പകരം ഫൗണ്ടേഷന്‍ ക്രീമുകള്‍ ഉപയോഗിച്ചും മറുകു മറയ്ക്കാം. പരന്നു കിടക്കുന്ന തരം മറുകാണെങ്കില്‍ ഫൗണ്ടേഷന്‍ ക്രീം ഉപയോഗിക്കുകയായിരിക്കും നല്ലത്. ആദ്യം ഫൗണ്ടേഷന്‍ ലോഷന്‍ പുരട്ടിയ ശേഷം പൗഡറിടണം.

ചിലര്‍ക്ക് അസാധാരണമായി നിറങ്ങളിലുള്ള മറുകുകള്‍ കണ്ടേക്കാം. ഇവ ഫൗണ്ടേഷന്‍ ഉപയോഗിച്ചോ കണ്‍സീലര്‍ ഉപയോഗിച്ചോ മറയ്ക്കുവാന്‍ ബുദ്ധിമുട്ടാണ്. ഉദാഹരണത്തിന് ചിലരുടെ മറുകുകള്‍ ചുവപ്പോ ഇളം പച്ചയോ അല്ലെങ്കില്‍ നക്ഷത്ര അടയാളമുളളവയോ ആയിരിക്കും. ഇത് മേക്കപ്പിലൂടെ മറയ്ക്കുവാന്‍ ബുദ്ധിമുട്ടാണ്. ഇത് ഐലൈറിന്റെയോ ലിപ്‌സ്‌ററിക്കിന്റെയോ സഹായത്തോടെ ടാറ്റൂ പോലെയാക്കി മാറ്റാം.

മറുകുകള്‍ മാററുവാനായി ശസ്ത്രക്രിയകളും ഇപ്പോള്‍ നടത്തിവരാറുണ്ട്.