ഭംഗിയുള്ള കണ്‍പീലികള്‍ വേണോ?

രാത്രി ഉറങ്ങാന്‍ പോകുന്നതിന് മുന്‍പ് കണ്‍പീലികളില്‍ ആവണക്കെണ്ണ പുരട്ടുന്നത് പീലികള്‍ വളരാന്‍ നല്ലതാണ്. ഒലീവ് ഓയില്‍ പുരട്ടുന്നതും നല്ലതാണ്.

കണ്‍പീലികള്‍ക്ക് കട്ടി തോന്നാന്‍ മേക്കപ്പിന് സഹായിക്കാനാകും. മസ്‌കാര പുരട്ടുന്നത് കണ്‍പീലികള്‍ക്ക് നീളവും കറുപ്പും തോന്നിക്കും. പടരാത്ത, കൂടുതല്‍ സമയം നീണ്ടുനില്‍ക്കുന്ന മസ്‌കാര ഉപയോഗിക്കണം.

ഐലൈനര്‍ ഉപയോഗിച്ച് കണ്‍പോളയുടെ മുകളിലും താഴെയും എഴുതുക. കൃഷ്ണമണിയേക്കാള്‍ കടുത്ത നിറമുള്ള ഐലൈനര്‍ ഉപയോഗിക്കണം. ഇത് കണ്‍പീലികളേയും എടുത്തുകാണിക്കും.

ഐ ബാം കണ്‍പീലികളില്‍ പുരട്ടുന്നതും കണ്‍പീലികള്‍ക്ക് കൂടുതല്‍ കട്ടി തോന്നിക്കാന്‍ സഹായിക്കും.

റെഡിമെയ്ഡ് കണ്‍പീലികളും ഇപ്പോള്‍ ലഭ്യമാണ്. ആവശ്യമെങ്കില്‍ പാര്‍ട്ടികള്‍ക്കും മറ്റും പോകുമ്പോള്‍ ഇത് ഉപയോഗിക്കാം.