ശരീരവും മേക്കപ്പിലൂടെ ഭംഗിയാക്കാം

Make Up

oi-Saritha

By Veena

Published: Saturday, October 8, 2011, 10:21 [IST]

മുഖം മാത്രമല്ലാ, ശരീരവും ഭംഗിയാക്കി വയ്ക്കുവാനാണ് ആധുനിക സ്ത്രീ ആഗ്രഹിക്കുന്നത്. മിനി സ്‌കര്‍ടുകളും കയ്യില്ലാത്ത ടോപ്പുകളും കഴുത്തിറക്കമുളള വസ്ത്രങ്ങളും ഈ ആഗ്രഹത്തെ ന്യായീകരിക്കുന്നു. അതുകൊണ്ടുതന്നെ മുഖത്തോടൊപ്പം ശരീരത്തിലും മേക്കപ്പിടേണ്ടത് ആവശ്യമാണ്. ശരീരസൗന്ദര്യം വര്‍ദ്ധിപ്പിക്കാനുള്ള ചില മേക്കപ്പ് സൂത്രങ്ങളിതാ,

ഭംഗിയുടെ അടിസ്ഥാനം വൃത്തിയാണ്. നിങ്ങളുടെ ശരീരം എപ്പോഴും വൃത്തിയാക്കി വയ്ക്കുക. ദേഹത്തുള്ള കറുത്ത കുത്തുകളും വരണ്ട ചര്‍മവും ആദ്യം മാററണം. ഡെര്‍മലോജിക എക്‌സ്‌ഫോലിയേറ്റിങ് ബോഡി സ്‌ക്രബുകള്‍ നല്ല ഫലം ചെയ്യുന്നതായി കണ്ടുവരുന്നുണ്ട്.

ശരീരത്തിലാദ്യം മോയിസ്ചറൈസര്‍ പുരട്ടുക. എസ്പിഎഫ് 15 അടങ്ങിയ സണ്‍സ്‌ക്രീന്‍ ലോഷനുകള്‍ നല്ലതാണ്. ഇവയ്ക്ക് കൊഴുപ്പു കുറവുമാണ്, ശരീരത്തില്‍ പുരട്ടിയാല്‍ ജലാംശം നിലനില്‍ക്കുകയും ചെയ്യും.

ശരീരത്തിലിടാനായി നിങ്ങളുടെ നിറത്തിനേക്കാള്‍ കുറഞ്ഞ നിറമുള്ളതും കൂടിയ നിറമുളളതുമായ ഫൗണ്ടേഷന്‍ ക്രീമുകള്‍ തെരഞ്ഞെടുക്കുക. ഇവ രണ്ടും കൂട്ടിക്കലര്‍ത്തി ഉപയോഗിച്ചാല്‍ നിങ്ങളുടെ ചര്‍മത്തിന് ഇണങ്ങിയ നിറം ലഭിക്കും. ശരീരത്തിലെ പാടുകള്‍ മറയ്ക്കുന്നതിന് കവര്‍ബ്ലെന്റ് ബോഡി മേക്കപ്പ് നല്ലതാണ്.

ഫൗണ്ടേഷന്‍ ക്രീമിട്ട ശേഷം മുകളില്‍ പൗഡറിടണം. അധികമുളള പൗഡര്‍ മേക്കപ്പ് ബ്രഷുപയോഗിച്ച് തട്ടിക്കളയുക.

വാട്ടര്‍ പ്രൂഫ് മേക്കപ്പ് സാധനങ്ങളും സ്‌പ്രേ മേക്കപ്പും കൂടുതല്‍ നേരം നിലനില്‍ക്കാന്‍ നല്ലതാണ്.