ചുണ്ടിന്റെ മേക്കപ്പ്; ശ്രദ്ധിക്കേണ്ട കാര്യങ്ങള്‍

വരണ്ടുണങ്ങിയ ചുണ്ടില്‍ ലിപ്‌സ്‌ററിക് ഇട്ടിട്ട് എന്തു കാര്യം. ചുണ്ട് ഒന്നു കൂടി വൃത്തികേടാകുകയേ ഉള്ളൂ. ചുണ്ട് ശരീരത്തിലെ മറ്റു ഭാഗങ്ങളേക്കാളും മൃദുലമാണ്. ലിപ്സ്റ്റിക്കാവട്ടെ, ചുണ്ട് വരളാന്‍ ഇടയാക്കുകയും ചെയ്യും. ലിപ്സ്റ്റിക് ഇടുന്നതിന് മുന്‍പും ശേഷവും ചുണ്ടില്‍ ലിപ്ബാം പുരട്ടുക. മോയിസ്ചറൈസര്‍ അടങ്ങിയ ലിപ്ബാം നോക്കി എടുക്കുക.

ലിപ്‌ലൈനര്‍ കൊണ്ട് ചുണ്ടിന് ആകൃതി വരുത്തുക. ഇതിനു ശേഷം ലിപ്സ്റ്റിക് ഇടുന്നതാണ് നല്ലത്. ചുണ്ടിന് വീതി നല്‍കുവാനും വീതി കുറയ്ക്കാവാനും ലിപ്‌ലൈനര്‍ കൊണ്ട് സാധിക്കും. വൃത്തിയായി ലിപ്സ്റ്റിക് ഇടുന്നതിന് ഏറ്റവും പറ്റിയ മാര്‍ഗമാണിത്.

വായ ഒ ആകൃതിയില്‍ തുറന്നുപിടിച്ച് ലിപ്സ്റ്റിക് ഇടുക. ലിപ്‌ലൈനര്‍ കൊണ്ട് വരച്ച ആകൃതിയില്‍ തന്നെ ലിപ്സ്റ്റിക് ഇടുക. എല്ലാ വശങ്ങളിലും ഒരു പോലെ ലിപ്സ്റ്റിക് ഇടണം.

ലിപ്സ്റ്റിക് രണ്ട് തവണയെങ്കിലും ഇട്ടെങ്കിലേ ശരിയായ നിറം ലഭിക്കുകയുള്ളൂ. ലിക്വിഡ് ലിപ്സ്റ്റിക്കാണ് ഉപയോഗിക്കുന്നതെങ്കില്‍ നിര്‍ബന്ധമായും രണ്ടു തവണ ഇട്ടിരിക്കണം. ചുണ്ടിന് നേരിയ നിറം മതിയെങ്കില്‍ ലിപ്‌ഗ്ലോസ് ഉപയോഗിക്കാം.

ലിപ്സ്റ്റിക് ഇട്ടാല്‍ ചുണ്ട് കൂടുതല്‍ വരളും. ഇത് ലിപ്സ്റ്റിക് അടര്‍ന്നു നില്‍ക്കുന്ന പോലെ തോന്നലുണ്ടാക്കുകയും ചെയ്യും. അതുകൊണ്ട് ചുണ്ട് വരളാതിരിക്കാന്‍ പ്രത്യേകം ശ്രദ്ധിക്കുക. ലിപ് ബാം എപ്പോഴും കയ്യില്‍ കരുതുന്നത് നല്ലതാണ്.