Exclusive: പുതുവര്‍ഷത്തില്‍ തുടങ്ങാം മുടിയുടെ ആരോഗ്യത്തിന് ഈ പത്ത് ശീലങ്ങള്‍, മാറ്റം ഉറപ്പ്

പുതുവര്‍ഷത്തില്‍ പല പ്രതിജ്ഞകളും എടുത്തവരുണ്ടാകും. അക്കൂട്ടത്തില്‍ നിങ്ങളുടെ മുടിയുടെ ആരോഗ്യത്തിന് കൂടുതല്‍ ശ്രദ്ധ നല്‍കും എന്നതുണ്ടോ. ഇല്ലെങ്കില്‍ ഒട്ടും വൈകിയിട്ടില്ല, ഇന്ന് തന്നെ ആ പ്രതിജ്ഞയും എടുത്തോളൂ. കാരണം കൂടുതല്‍ കരുതല്‍ നല്‍കിയാല്‍ മുടിയില്‍ അത്ഭുതപ്പെടുത്തുന്ന മാറ്റങ്ങള്‍ അനുഭവിച്ചറിയാനാകും. ഇത് ദേവദാരു ഹെര്‍ബല്‍സിലെ ഓണ്‍ലൈന്‍ കണ്‍സള്‍ട്ടന്റ് ആയ ഡോ. ആതിര നല്‍കുന്ന ഉറപ്പാണ്. മുടിയുടെ ആരോഗ്യം ഇല്ലാതാക്കുന്ന യഥാര്‍ത്ഥ പ്രശ്നങ്ങള്‍ തിരിച്ചറിഞ്ഞ് ഫലപ്രദമായ പ്രതിവിധികള്‍ ചെയ്യുകയും മുടിക്ക് വേണ്ടി കുറച്ച് നല്ല ശീലങ്ങള്‍ ആരംഭിക്കുകയും ചെയ്താല്‍ ആരും കൊതിക്കുന്ന മുടിയഴക് സ്വന്തമാക്കാമെന്ന് ഡോ. ആതിര പറയുന്നു. അങ്ങനെ പുതുവര്‍ഷത്തില്‍ മുടിക്ക് വേണ്ടി എല്ലാവര്‍ക്കും ചെയ്യാനാകുന്ന ചില കാര്യങ്ങളും ചില നല്ല ശീലങ്ങളും അറിവുകളും ബോള്‍ഡ്സ്‌കൈ വായനക്കാരുമായി ഡോ. ആതിര പങ്കുവെക്കുന്നു.

Photo Credit: AI Generated

മുടിയുടെ ആരോഗ്യം

ആയുര്‍വേദത്തില്‍, മുടിയുടെ ആരോഗ്യം മൂന്ന് ദോഷങ്ങളുടെ സന്തുലിതാവസ്ഥയുമായി ബന്ധപ്പെട്ടിരിക്കുന്നു - വാതം, പിത്തം, കഫം. മുടി കൊഴിച്ചില്‍, മുടിയുടെ കനംകുറയുന്നത്, മുടി വരള്‍ച്ച എന്നിവ പലപ്പോഴും ഈ ദോഷ അസന്തുലിതാവസ്ഥയുടെ ലക്ഷണങ്ങളാണ്. ഈ ഓരോ ദോഷങ്ങളുടെയും അസന്തുലിതാവസ്ഥ കാരണം മുടിയില്‍ ഉണ്ടാകുന്ന പ്രശ്നങ്ങളും അവ പരിഹരിക്കാന്‍ നമുക്ക് എന്തെല്ലാം കാര്യങ്ങള്‍ ചെയ്യാനാകുമെന്നും നോക്കാം.

1. നിങ്ങളുടെ ദോഷങ്ങള്‍ ബാലന്‍സ് ചെയ്യുക

• • വാതം അസന്തുലിതാവസ്ഥയിലാവുമ്പോള്‍ മുടി വരള്‍ച്ച, താരന്‍, അറ്റം പിളരല്‍ പോലുള്ള പ്രശ്നങ്ങള്‍ ഉണ്ടാകുന്നു. ധാരാളം വെള്ളം കുടിക്കുകയും, ഊഷ്മളവും ഈര്‍പ്പമുള്ളതുമായ ഭക്ഷണം കഴിക്കുകയും, എണ്ണകള്‍ പതിവായി പുരട്ടുകയും ചെയ്യുക വഴി ഈ പ്രശ്നം ഒരു പരിധി വരെ നിയന്ത്രിക്കാം.

• • പിത്തം അസന്തുലിതാവസ്ഥയിലാകുമ്പോള്‍ അകാല നര, മുടി കൊഴിച്ചില്‍ പോലുള്ള പ്രശ്നങ്ങള്‍ നേരിടുന്നു. ഇതിന് എരിവും എണ്ണയും അമ്ലവും ഉള്ള ഭക്ഷണങ്ങള്‍ ഒഴിവാക്കി ശരീരത്തിന് തണുപ്പുനല്‍കുന്ന ആഹാരങ്ങളും ശീലമാക്കുക.

• • കഫം അസന്തുലിതാവസ്ഥയില്‍ ആകുമ്പോള്‍ തലയോട്ടി അമിതമായി എണ്ണമയമുള്ളതാവുകയും മുടികൊഴിച്ചില്‍ ഉണ്ടാക്കുകയും ചെയ്യുന്നു. ഇവര്‍ എണ്ണമയം കുറവുള്ളതും ഡ്രൈ ആയിട്ടുള്ള ഭക്ഷണങ്ങളും കഴിക്കുകയും ഹെര്‍ബല്‍ ഹെയര്‍ മാസ്‌ക്കുകള്‍ ഉപയോഗിക്കുകയും ചെയ്യുക.

2. ഭക്ഷണത്തിലൂടെയുള്ള പോഷണം

• • നെല്ലിക്ക : മുടിയെ പുനരുജ്ജീവിപ്പിക്കുന്നു, നര തടയുന്നു, മുടിയിഴകളെയും വേരുകളെയും ശക്തിപ്പെടുത്തുന്നു.

• • എള്ളും ബദാമും: ധാതുക്കളാല്‍ സമ്പുഷ്ടം. മുടിയുടെ ബലം വര്‍ദ്ധിപ്പിക്കുന്നു.

• • നെയ്യ് : മുടി ആന്തരികമായി പോഷിപ്പിക്കുകയും വാതവും പിത്തവും സന്തുലിതമാക്കുകയും ചെയ്യുന്നു.

• • ഇലക്കറികളും കയ്പേറിയ ഭക്ഷണങ്ങളും: മുടിയുടെ ആരോഗ്യത്തിന് അത്യന്താപേക്ഷിതമായ iron, Vitamin A, Vitamin C എന്നിവയാല്‍ സമ്പുഷ്ടമാണ്.

• • ഊഷ്മളമായതും ഈര്‍പ്പമുള്ളതും എണ്ണമയമുള്ളതുമായ ഭക്ഷണങ്ങള്‍ കഴിക്കുന്നതുമൂലം മുടിവരള്‍ച്ച കുറയ്ക്കുകയും മുടിയുടെ വേരുകള്‍ക്ക് പോഷണം ലഭിക്കുകയും ചെയ്യുന്നു.

• • വെള്ളം: ജലാംശം നിലനിര്‍ത്താനും മുടി വളര്‍ച്ച പ്രോത്സാഹിപ്പിക്കാനും ദിവസം മുഴുവന്‍ ചൂടുള്ള ഹെര്‍ബല്‍ ടീ (ചെമ്പരത്തി അല്ലെങ്കില്‍ ബ്രഹ്‌മി ഇട്ട് തിളപ്പിച്ച വെള്ളം) കുടിക്കുക.

3. തലയോട്ടിയിലും മുടിയിലും എണ്ണയിടല്‍ (അഭ്യംഗം)

• • ഭൃംഗരാജ്(കയ്യുണ്ണി) എണ്ണ: മുടിയെ ശക്തിപ്പെടുത്തുന്നു, മുടി കൊഴിച്ചില്‍ കുറയ്ക്കുന്നു, വളര്‍ച്ചയെ പ്രോത്സാഹിപ്പിക്കുന്നു.
• • വെളിച്ചെണ്ണ: തലയ്ക്ക് തണുപ്പുനല്‍കി പിത്തദോഷത്തെ സന്തുലിതമാക്കുന്നതിനും ചൂടുമായി ബന്ധപ്പെട്ട മുടി കൊഴിച്ചില്‍ തടയുന്നതിനും അനുയോജ്യമാണ്.
• • എള്ളെണ്ണ: വാതത്തെ ബാലന്‍സ് ചെയ്യുന്നു. വരണ്ടതും പൊട്ടുന്നതുമായ മുടിക്ക് അനുയോജ്യമാണ്.
• • അംല(നെല്ലിക്ക)ഓയില്‍: നരയെ തടയുകയും മുടിയുടെ തിളക്കം വര്‍ദ്ധിപ്പിക്കുകയും ചെയ്യുന്നു.
• . കറ്റാര്‍വാഴ + റോസ്മേരി ഓയില്‍: താരന്‍ കുറയ്ക്കുകയും മുടികൊഴിച്ചില്‍ കുറയ്ക്കുകയും ചെയ്യുന്നു.
• • എങ്ങനെ ഉപയോഗിക്കാം: എണ്ണ ചെറുതായി ചൂടാക്കി തലയോട്ടിയില്‍ നന്നായി തേച്ചുപിടിപ്പിച്ച് കുറഞ്ഞത് 10 മിനിറ്റ് മസാജ് ചെയ്യുക.

4. ഹെര്‍ബല്‍ ഹെയര്‍ മാസ്‌കുകള്‍ (ലേപം)

• • ആഴ്ചയില്‍ ഒരിക്കല്‍ ഹെയര്‍ മാസ്‌ക് ശീലമാക്കുക.
• • അംല ചൂര്‍ണം( നെല്ലിക്കപ്പൊടി)+ തൈര്: മുടിയെ പോഷിപ്പിക്കുകയും ശക്തിപ്പെടുത്തുകയും ചെയ്യുന്നു.
• • ഉലുവ (മേത്തി) + കറ്റാര്‍ വാഴ: താരന്‍ കുറയ്ക്കുകയും വളര്‍ച്ചയെ പ്രോത്സാഹിപ്പിക്കുകയും ചെയ്യുന്നു. ഉലുവ കുതിര്‍ത്ത് അരച്ച് കറ്റാര്‍വാഴ കലര്‍ത്തി പേസ്റ്റ് ആക്കാം.
• • ഭൃംഗരാജ് + ഹൈബിസ്‌കസ് പേസ്റ്റ്: മുടിയുടെ നിറവും വളര്‍ച്ചയും വര്‍ദ്ധിപ്പിക്കുന്നു.
• എങ്ങനെ ഉപയോഗിക്കാം :ഹെര്‍മാസ്‌ക് കുളിക്കുന്നതിന് അരമണിക്കൂര്‍ മുമ്പെങ്കിലും തലയില്‍ നന്നായി തേച്ചുപിടിപ്പിച്ചതിനു ശേഷം കഴുകിക്കളയാവുന്നതാണ്. ഇപ്രകാരം ആഴ്ച്ചയില്‍ രണ്ടോ മൂന്നോ തവണയെങ്കിലും ചെയ്തുകഴിഞ്ഞാല്‍ നല്ല റിസള്‍ട്ട് കിട്ടും.

5. ആയുര്‍വേദ ഹെയര്‍ വാഷ്

• • ഹെര്‍ബല്‍ ഹെയര്‍ വാഷ് ഉപയോഗിക്കുക: കെമിക്കല്‍ ഷാംപൂകള്‍ക്ക് പകരം ശിക്കാക്കായ് , റീത്ത, അംല തുടങ്ങിയ ഹെര്‍ബല്‍ പൊടികള്‍ ഉപയോഗിക്കുക.

• • വേപ്പിന്‍ വെള്ളം (താരന്‍ അകറ്റാന്‍) അല്ലെങ്കില്‍ ചെമ്പരത്തി ചായ (മുടിയുടെ തിളക്കത്തിനും ശക്തിക്കും) ഉപയോഗിച്ച് മുടി കഴുകുക.

6. മുടിയുടെ ആരോഗ്യത്തിന് ജീവിതശൈലി

• • നന്നായി ഉറങ്ങുക: ആരോഗ്യമായ മുടിക്ക് 7-8 മണിക്കൂര്‍ സ്വസ്ഥമായ ഉറക്കം ആവശ്യമാണ്.

• • സ്ട്രെസ് നിയന്ത്രിക്കുക: സമ്മര്‍ദ്ദം കുറയ്ക്കാനും ഹോര്‍മോണുകളെ സന്തുലിതമാക്കാനും പ്രാണായാമം, യോഗ എന്നിവ പരിശീലിക്കുക.

• .ഭക്ഷണം, വ്യായാമം, ഉറക്കം എന്നിവയ്ക്കായി സ്ഥിരമായ ഷെഡ്യൂള്‍ നിലനിര്‍ത്തുക.

7. മുടി വളരുന്നതിന് ഡിറ്റോക്‌സ് (ശോധന).

• • സീസണല്‍ ഡിറ്റോക്സ് (പഞ്ചകര്‍മ്മ): ശരീരത്തില്‍ നിന്ന് ആഴത്തിലുള്ള വിഷവസ്തുക്കളെ നീക്കം ചെയ്യുന്നു. മുടി കൊഴിച്ചിലിന് കാരണമാകുന്ന അധിക പിത്തവും വാതവും സന്തുലിതമാക്കാന്‍ സഹായിക്കുന്നു.
  • സിമ്പിള്‍ ഡെയ്‌ലി ഡിറ്റോക്‌സ്: ശരീരം ശുദ്ധീകരിക്കാന്‍ രാവിലെ ചെറുനാരങ്ങ ചേര്‍ത്ത ചെറുചൂടുള്ള വെള്ളം കുടിക്കുക.

8. മുടി വളര്‍ച്ചയ്ക്കുള്ള ആയുര്‍വേദ ഔഷധങ്ങള്‍ (രസയാന തെറാപ്പി)

• • കയ്യുന്നി അഥവാ ഭൃംഗരാജ്: വീണ്ടും വളര്‍ച്ചയെ പ്രോത്സാഹിപ്പിക്കുകയും മുടി കൊഴിച്ചില്‍ കുറയ്ക്കുകയും ചെയ്യുന്നു.
  • ബ്രഹ്‌മി: രോമകൂപങ്ങളെ ശക്തിപ്പെടുത്തുകയും മനസ്സിനെ ശാന്തമാക്കുകയും ചെയ്യുന്നു (സമ്മര്‍ദ്ദം മൂലമുള്ള മുടി കൊഴിച്ചില്‍ തടയാം).
  • വേപ്പ്: താരനെതിരെ പോരാടുകയും തലയോട്ടിയെ ശുദ്ധീകരിക്കുകയും ചെയ്യുന്നു.
  • അശ്വഗന്ധ: പിരിമുറുക്കം (മുടി കൊഴിച്ചിലിന്റെ പ്രധാന കാരണം) കുറയ്ക്കുന്നു, ഹോര്‍മോണുകളെ സന്തുലിതമാക്കുന്നു.
  • ത്രിഫല: ശരീരത്തിലെ വിഷാംശം ഇല്ലാതാക്കുകയും ദഹനം മെച്ചപ്പെടുത്തുകയും മുടിയുടെ ആരോഗ്യത്തെ പരോക്ഷമായി പിന്തുണയ്ക്കുകയും ചെയ്യുന്നു.

9. ആയുര്‍വേദ സപ്ലിമെന്റുകള്‍

• • ച്യവനപ്രാശം: മുടിക്കും ചര്‍മ്മത്തിനും പോഷണം നല്‍കുന്ന നെല്ലിക്കയും മറ്റ് ഔഷധസസ്യങ്ങളും കൊണ്ട് സമ്പുഷ്ടമാണ്.

• • നെല്ലിക്ക കാപ്സ്യൂളുകള്‍ അല്ലെങ്കില്‍ ജ്യൂസ്: ദിവസേനയുള്ള ഉപയോഗം മുടി വളര്‍ച്ചയെ പിന്തുണയ്ക്കുകയും നരയെ തടയുകയും ചെയ്യുന്നു.

10. സീസണനുസരിച്ച് മുടി സംരക്ഷിക്കുക (ഋതു ചാര്യ - സീസണല്‍ കെയര്‍)

• • ശീതകാലം: വരള്‍ച്ച തടയാന്‍ എള്ളെണ്ണ പോലുള്ള കട്ടിയുള്ള എണ്ണകള്‍ ഉപയോഗിക്കുക.

• • വേനല്‍: വെളിച്ചെണ്ണ പോലെ തണുപ്പിക്കുന്ന എണ്ണകള്‍ ഉപയോഗിക്കുക, കറ്റാര്‍ വാഴ തലയോട്ടിയില്‍ പുരട്ടുക.

• • മണ്‍സൂണ്‍: അധിക എണ്ണ പുരട്ടുന്നത് ഒഴിവാക്കുക, ഫംഗസ് അണുബാധ തടയുന്നതിന് തലയോട്ടി വൃത്തിയായി സൂക്ഷിക്കുന്നതില്‍ ശ്രദ്ധ കേന്ദ്രീകരിക്കുക.