Just In
- 19 min ago Weekly Horoscope: മഹാഭാഗ്യം തലയ്ക്ക് മുകളില് നില്ക്കുന്ന 7 നാള്, ഈശ്വരാധീനം കൂടെ
- 1 hr ago ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- 2 hrs ago രോഗങ്ങള് അലട്ടും, ചികിത്സയ്ക്ക് ധാരാളം പണം ചിലവാകും; ബുധന് നേര്രേഖയില് സഞ്ചരിക്കുന്നത് ഇവര്ക്ക് വിനയാകും
- 3 hrs ago ഇടവത്തില് വ്യാഴത്തിന്റെ അസ്തമയം; 12 രാശികള്ക്കും ഗുണദോഷ സമ്മിശ്ര ഫലം
Don't Miss
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മുടി പ്രശ്നങ്ങള് പലവിധം; പരിഹാരമുണ്ട് മുള്ട്ടാനി മിട്ടിയില്
വളരെക്കാലമായി പല ഫേസ് പാക്കുകളിലുമുള്ള വിശ്വസനീയമായ ഘടകമാണ് മുള്ട്ടാണി മിട്ടി. ഇത് ചര്മ്മത്തിന് ഗുണം ചെയ്യുമെന്ന് എല്ലാവര്ക്കും അറിയാം. എന്നാല് ഇതുമാത്രമല്ല, മുള്ട്ടാണി മിട്ടി നിങ്ങളുടെ മുടിക്കും വളരെയധികം ഗുണം ചെയ്യും. ആരോഗ്യകരവും ശക്തവും മിനുസമാര്ന്നതുമായ മുടി ലഭിക്കാന് ആഗ്രഹിക്കുന്നവര് മുള്ട്ടാണി മിട്ടി പരീക്ഷിക്കൂ, ഫലം നിങ്ങള് നേരിട്ട് അനുഭവിച്ച് അറിയൂ. മുള്ട്ടാണി മിട്ടിയില് സിലിക്ക, അലുമിന, അയണ് ഓക്സൈഡ്, മറ്റ് ധാതുക്കളും പോഷകങ്ങളും അടങ്ങിയിട്ടുണ്ട്. ഇത് മുടിക്കും ചര്മ്മത്തിനും വളരെയേറെ ഗുണം ചെയ്യും.
Most read: മുഖത്തെ പാടുകളും കുരുവും നീക്കി മുഖം തിളങ്ങാന് ഗ്രീന് ടീ ഐസ് ക്യൂബ്
അതിനാല്, മുള്ട്ടാണി മിട്ടി ഹെയര് പായ്ക്കുകള് ഉപയോഗിക്കുന്നത് നിങ്ങളുടെ മുടി മെച്ചപ്പെടുത്താന് നല്ലൊരു വഴിയാണ്. കൂടാതെ, ഈ ചേരുവ ഉപയോഗിച്ച് നിങ്ങളുടെ മുടി മസാജ് ചെയ്യുന്നത് അധിക എണ്ണ ആഗിരണം ചെയ്യാനും തലയോട്ടിയിലെ മാലിന്യങ്ങള് നീക്കം ചെയ്യാനും മുടി വളര്ച്ച വര്ദ്ധിപ്പിക്കാനും സഹായിക്കും. മുടിക്ക് മുള്ട്ടാണി മിട്ടി നല്കുന്ന വിവിധ ഗുണങ്ങളെക്കുറിച്ചും നിങ്ങളുടെ മുടി പ്രശ്നങ്ങള് പരിഹരിക്കാന് അത് എങ്ങനെയെല്ലാം ഉപയോഗിക്കണമെന്നും അറിയാന് ലേഖനം വായിക്കൂ.
വരണ്ട മുടിക്ക്
മുള്ട്ടാണി മിട്ടി 4 ടീസ്പൂണ്, 1/2 കപ്പ് തൈര്, അര നാരങ്ങയുടെ നീര്, തേന് 2 ടേബിള്സ്പൂണ് എന്നിവയാണ് നിങ്ങള്ക്ക് ആവശ്യം. മിനുസമാര്ന്ന പേസ്റ്റ് ലഭിക്കാന് എല്ലാ ചേരുവകളും ഒരു പാത്രത്തില് മിക്സ് ചെയ്യുക. ഈ പേസ്റ്റ് നിങ്ങളുടെ തലയോട്ടിയിലും മുടിയിലും പുരട്ടുക. ഒരു തുണി ഉപയോഗിച്ച് മുടി മൂടുക. ഏകദേശം 20 മിനിറ്റ് ഇത് വിടുക. സള്ഫേറ്റ് രഹിത ഷാംപൂവും ചെറുചൂടുള്ള വെള്ളവും ഉപയോഗിച്ച് നിങ്ങളുടെ മുടി കഴുകുക. ഒരു കണ്ടീഷണര് പ്രയോഗിക്കുക. ആഴ്ചയില് 1-2 തവണ ഇത് ചെയ്യുക. തൈര് നിങ്ങളുടെ മുടിക്ക് ഒരു കണ്ടീഷണറായി പ്രവര്ത്തിക്കുന്നു, അതേസമയം തേന് ഈര്പ്പം നിലനിര്ത്താന് സഹായിക്കുന്നു. നാരങ്ങ നീരില് വിറ്റാമിന് സി ധാരാളം അടങ്ങിയിട്ടുണ്ട്, ഇത് ആരോഗ്യകരമായ മുടി വളര്ച്ചയെ പ്രോത്സാഹിപ്പിക്കുന്നു. ഈ മുള്ട്ടാണി മിട്ടി പായ്ക്ക് നിങ്ങളുടെ തലയോട്ടിയെ പോഷിപ്പിക്കുകയും വരണ്ട മുടിയെ ചികിത്സിക്കുകയും ചെയ്യുന്നു.
താരന് നീക്കാന്
6 ടേബിള്സ്പൂണ് ഉലുവ, മുള്ട്ടാണി മിട്ടി 4 ടേബിള്സ്പൂണ്, 1 ടേബിള് സ്പൂണ് നാരങ്ങ നീര് എന്നിവയാണ് നിങ്ങള്ക്ക് ആവശ്യം. ഉലുവ ഒരു രാത്രി മുഴുവന് വെള്ളത്തില് കുതിര്ക്കുക. രാവിലെ ഈ ഉലുവ പൊടിച്ച് മിനുസമാര്ന്ന പേസ്റ്റ് ഉണ്ടാക്കുക. ഈ പേസ്റ്റിലേക്ക് മുള്ട്ടാണി മിട്ടിയും നാരങ്ങാനീരും ചേര്ക്കുക. നന്നായി കൂട്ടികലര്ത്തുക. ഈ പായ്ക്ക് നിങ്ങളുടെ തലയോട്ടിയിലും മുടിയിലും പുരട്ടുക. ഏകദേശം 30 മിനിറ്റ് ഇത് വിടുക. വീര്യം കുറഞ്ഞ സള്ഫേറ്റ് രഹിത ഷാംപൂ ഉപയോഗിച്ച് മുടി കഴുകുക. കണ്ടീഷണര് പ്രയോഗിക്കുക. ആഴ്ചയില് ഒരിക്കല് ഇത് ചെയ്യുക. താരനുള്ള മികച്ച പ്രതിവിധികളില് ഒന്നാണ് ഉലുവ. മുള്ട്ടാണി മിട്ടിയുമായി സംയോജിപ്പിക്കുമ്പോള്, അവ നിങ്ങളുടെ തലയോട്ടിയിലെ മാലിന്യം നീക്കം ചെയ്യാന് സഹായിക്കുന്നു. മുടിയിഴകളെ ശക്തിപ്പെടുത്താന് നാരങ്ങ നീര് സഹായിക്കുന്നു.
Most read:ആരോഗ്യം മാത്രമല്ല സൗന്ദര്യവും കാക്കും ഡ്രാഗണ് ഫ്രൂട്ട്; ഗുണങ്ങള് ഇത്
മുടി കൊഴിച്ചിലിന്
2 ടേബിള്സ്പൂണ് മുള്ട്ടാണി മിട്ടി, 1 ടീസ്പൂണ് കുരുമുളക് (ഉണങ്ങിയ മുടിക്ക്), (എണ്ണമയമുള്ള മുടിക്ക്) 1 ടീസ്പൂണ് നാരങ്ങ നീര്, 2 ടേബിള്സ്പൂണ് തൈര് (ഉണങ്ങിയ മുടിക്ക്)/ 2 ടേബിള്സ്പൂണ് കറ്റാര് വാഴ ജെല് (എണ്ണമയമുള്ള മുടിക്ക്). ഇതാണ് നിങ്ങള്ക്ക് ആവശ്യമുള്ള സാധനങ്ങള്. ഒരു മിനുസമാര്ന്ന പേസ്റ്റ് ലഭിക്കാന് എല്ലാ ചേരുവകളും ഒരു പാത്രത്തില് മിക്സ് ചെയ്യുക. ഈ പേസ്റ്റ് നിങ്ങളുടെ തലയോട്ടിയിലും മുടിയിലും പുരട്ടുക. ഒരു തുണി കൊണ്ട് മുടി മൂടുക. ഏകദേശം 30 മിനിറ്റോളം ഹെയര് പാക്ക് വയ്ക്കുക. ശേഷം വീര്യം കുറഞ്ഞ സള്ഫേറ്റ് രഹിത ഷാംപൂ ഉപയോഗിച്ച് മുടി കഴുകുക. കണ്ടീഷണര് ഉപയോഗിക്കുക. ആഴ്ചയില് മൂന്ന് തവണ ഇത് ചെയ്യുക. മുള്ട്ടാണി മിട്ടി നിങ്ങളുടെ സുഷിരങ്ങള് തുറക്കാന് സഹായിക്കുന്നു, അതേസമയം കുരുമുളക് രക്തയോട്ടം ഉത്തേജിപ്പിക്കുകയും പുതിയ മുടി വളര്ച്ചയെ പ്രോത്സാഹിപ്പിക്കുകയും ചെയ്യുന്നു. എണ്ണമയമുള്ള മുടിക്ക്, കറ്റാര് വാഴ ജെല്ലും നാരങ്ങാനീരും തലയോട്ടിയിലെ ജലാംശം നല്കി താരന് കുറയ്ക്കുന്നതിലൂടെ പുതിയ മുടി വളര്ച്ചയെ ഉത്തേജിപ്പിക്കുന്നു.
എണ്ണമയമുള്ള മുടിക്ക്
3 ടേബിള്സ്പൂണ് മുള്ട്ടാണി മിട്ടി, 3 ടേബിള്സ്പൂണ് റീത്ത പൊടി, 1 കപ്പ് വെള്ളം എന്നിവയാണ് ആവശ്യം. മുള്ട്ടാണി മിട്ടി 3-4 മണിക്കൂര് വെള്ളത്തില് കുതിര്ക്കുക. റീത്ത പൊടി കലക്കി ഒരു മണിക്കൂര് കൂടി കുതിര്ക്കാന് വെക്കുക. ഈ ഹെയര് മാസ്ക് നിങ്ങളുടെ തലയോട്ടിയിലും മുടിയിലും പുരട്ടുക. ഏകദേശം 20 മിനിറ്റ് ഇത് വിടുക. ചെറുചൂടുള്ള വെള്ളത്തില് മുടി കഴുകുക. ആഴ്ചയില് മൂന്ന് തവണ ഇത് ചെയ്യുക. മുള്ട്ടാണി മിട്ടിയും റീത്തയും അഴുക്കും കൊഴുപ്പും അകറ്റാന് അത്യുത്തമമാണ്. മുടിയില് നിന്നും തലയോട്ടിയില് നിന്നും അധിക എണ്ണമയം ഇല്ലാതാക്കാന് ഈ ഹെയര് പാക്ക് സഹായിക്കുന്നു.
Most read:ചര്മ്മകോശങ്ങളും കൊളാജനും കൂട്ടി ചര്മ്മം മിനുക്കാന് മത്തങ്ങ വിത്ത് എണ്ണ
മുടി സ്ട്രെയ്റ്റനിംഗ് ചെയ്യാന്
1 കപ്പ് മുള്ട്ടാണി മിട്ടി, 5 ടേബിള്സ്പൂണ് അരി മാവ്, 1 മുട്ടയുടെ വെള്ള എന്നിവയാണ് നിങ്ങള്ക്ക് ആവശ്യം. എല്ലാ ചേരുവകളും ഒരു പാത്രത്തില് യോജിപ്പിച്ച് മിനുസമാര്ന്ന പേസ്റ്റ് ആക്കുക. ഈ പേസ്റ്റ് നിങ്ങളുടെ മുടിയില് പുരട്ടി ഏകദേശം 5 മിനിറ്റ് വിടുക. നിങ്ങളുടെ മുടി നേരെയാക്കുക. ഇത് മറ്റൊരു 10 മിനിറ്റ് കഴിഞ്ഞ് ചെറുചൂടുള്ള വെള്ളത്തില് മുടി കഴുകുക. നിങ്ങളുടെ മുടി സ്ട്രെയിറ്റ് ചെയ്യാന് ആഗ്രഹിക്കുമ്പോഴെല്ലാം ഇത് ചെയ്യുക. അരിമാവ് ഷാംപൂ പോലെ മുടി വൃത്തിയാക്കുന്നു. മുള്ട്ടാണി മിട്ടിയും മുട്ടയുടെ വെള്ളയും മുടിയെ കണ്ടീഷന് ചെയ്യാനും നേരെയാക്കാനും സഹായിക്കും.
മുടി വളര്ച്ചയ്ക്ക്
2 ടേബിള്സ്പൂണ് റീത്ത പൊടി, 2 ടേബിള്സ്പൂണ് ഷിക്കാക്കായ് പൊടി, 2 ടേബിള്സ്പൂണ് മുള്ട്ടാണി മിട്ടി, 2 ടേബിള്സ്പൂണ് നെല്ലിക്ക പൊടി, 1 ടേബിള് സ്പൂണ് നാരങ്ങ നീര്, ഒരു പിടി കറിവേപ്പില, 1 കപ്പ് വെള്ളം എന്നിവയാണ് നിങ്ങള്ക്ക് ആവശ്യം. കറിവേപ്പില വെള്ളമൊഴിച്ച് അരച്ച് നീരെടുക്കുക. മിനുസമാര്ന്ന പേസ്റ്റ് ആക്കുന്നതിന് ഇത് മറ്റ് ചേരുവകളുമായി മിക്സ് ചെയ്യുക. ഈ പേസ്റ്റ് നിങ്ങളുടെ തലയോട്ടിയിലും മുടിയിലും പുരട്ടുക. ഏകദേശം 1-2 മണിക്കൂര് ഇത് വിടുക. തണുത്ത / ചെറുചൂടുള്ള വെള്ളവും വീര്യം കുറഞ്ഞ സള്ഫേറ്റ് രഹിത ഷാംപൂവും ഉപയോഗിച്ച് മുടി കഴുകുക. ഒരു കണ്ടീഷണര് ഉപയോഗിക്കുക. ആഴ്ചയില് 2-3 തവണ ഇത് ചെയ്യുക. പോഷക സമൃദ്ധമായ ഈ ഹെയര് പാക്ക് തലയോട്ടിയുടെ ആരോഗ്യം നിലനിര്ത്താനും മുടിയുടെ ഗുണനിലവാരം മെച്ചപ്പെടുത്താനും സഹായിക്കുന്നു. ഇത് മുടിയുടെ വളര്ച്ച വര്ധിപ്പിക്കാനും മുടിയുടെ ആരോഗ്യം നിലനിര്ത്താനും ഗുണകരമാണ്.
Most read:തിളങ്ങുന്ന ചര്മ്മത്തിന് സഹായിക്കും ഈ 5 യോഗാമുറകള്
ക്ലെന്സര്
മുള്ട്ടാണി മിട്ടി നിങ്ങളുടെ മുടിയിലെ മാലിന്യങ്ങള് നീക്കം ചെയ്യുന്ന സൗമ്യവും എന്നാല് ഫലപ്രദവുമായ ക്ലെന്സറാണ്. പ്രകൃതിദത്ത എണ്ണകള് നീക്കം ചെയ്യാതെ തന്നെ മുടി വൃത്തിയാക്കാന് ഇത് സഹായിക്കുന്നു. എണ്ണമയമുള്ള തലയോട്ടിയുള്ളവര്ക്ക് ഇത് അനുയോജ്യമാണ്. ഷാംപൂവിന് പകരമായി ആളുകള് മുള്ട്ടാണി മിട്ടിയും ഉപയോഗിക്കുന്നുണ്ട്.
രക്തചംക്രമണം മെച്ചപ്പെടുത്തുന്നു
നിങ്ങളുടെ തലയോട്ടിയിലെ രക്തചംക്രമണം മെച്ചപ്പെടുത്താന് മുള്ട്ടാണി മിട്ടി സഹായിക്കുന്നു, അതായത് വര്ദ്ധിച്ച രക്തപ്രവാഹം നിങ്ങളുടെ മുടിയിഴകള്ക്ക് മികച്ച പോഷണം നല്കും.
മുടി മിനുസമാര്ന്നതാക്കുന്നു
മുള്ട്ടാണി മിട്ടി നിങ്ങളുടെ തലമുടിയെ മിനുസമാര്ന്നതും സില്ക്കി ആക്കി മാറ്റാനും സഹായിക്കുന്ന മൃദുവായ ഘടകമാണ്. കേടായ മുടി നന്നാക്കാനും ആരോഗ്യം നിലനിര്ത്താനും ഇത് സഹായിക്കുന്നു.
Most read:എണ്ണമയമുള്ള മുഖത്തിന് ഇക്കാര്യങ്ങള് ശ്രദ്ധിച്ചില്ലെങ്കില് ചര്മ്മത്തിന് കേട്
തലയോട്ടിയുടെ ആരോഗ്യം നിലനിര്ത്തുന്നു
മുള്ട്ടാണി മിട്ടിയുടെ പതിവ് ഉപയോഗം താരന്, എക്സിമ തുടങ്ങിയ പ്രശ്നങ്ങള് പരിഹരിച്ച് നിങ്ങളുടെ തലയോട്ടിയെ ആരോഗ്യകരമായി നിലനിര്ത്താന് സഹായിക്കുമെന്ന് തെളിവുകള് സൂചിപ്പിക്കുന്നു. തലയോട്ടിക്ക് ആശ്വാസം നല്കാനും ഇത് സഹായിക്കുന്നു.
വിഷവസ്തുക്കളെ നീക്കം ചെയ്യുന്നു
ഇത് ഫലപ്രദമായ ഒരു ക്ലെന്സറായതിനാല്, മുള്ട്ടാണി മിട്ടി നിങ്ങളുടെ മുടിയില് നിന്നും തലയോട്ടിയില് നിന്നും ദോഷകരമായ വിഷവസ്തുക്കളെ പുറന്തള്ളാനും മുടിയുടെ ദുര്ഗന്ധത്തെ ചെറുക്കാനും സഹായിക്കുന്നു.