For Quick Alerts
ALLOW NOTIFICATIONS  
For Daily Alerts

മുടികൊഴിച്ചില്‍ ഇനിയില്ല; വെളുത്തുള്ളിക്കൂട്ട് ഇതാ

|

മലയാളികളുടെ അടുക്കളയില്‍ പരമ്പരാഗതമായി ഉപയോഗിക്കുന്ന ഒരു ഘടകമാണ് വെളുത്തുള്ളി. കാരണം ഇത് ഭക്ഷണങ്ങള്‍ക്ക് പ്രത്യേക രുചി നല്‍കുക മാത്രമല്ല, വിവിധ രോഗങ്ങളെ സുഖപ്പെടുത്താനും സഹായിക്കുന്നു. അത്തരത്തില്‍ ഒട്ടനവധി ഔഷധ ഗുണങ്ങള്‍ ഉള്ളതാണ് വെളുത്തുള്ളി. കഴിഞ്ഞില്ല, ഈ അത്ഭുതകരമായ ഘടകം രുചി നല്‍കുന്ന ഏജന്റും മരുന്നും മാത്രമല്ല, ഒരു മികച്ച മുടി സംരക്ഷകന്‍ കൂടിയാണ്. മുടികൊഴിച്ചില്‍ കൈകാര്യം ചെയ്യുന്നവര്‍ക്കെല്ലാം വെളുത്തുള്ളി ഒരു പരിഹാര മാര്‍ഗമാണ്.

Most read: മേക്കപ്പ് റിമൂവറിന് പണം കളയേണ്ട, വീട്ടിലുണ്ട് വഴിMost read: മേക്കപ്പ് റിമൂവറിന് പണം കളയേണ്ട, വീട്ടിലുണ്ട് വഴി

മുടി സംരക്ഷണം ശീലമാക്കിയവര്‍ക്ക് വെളുത്തുള്ളി ഒരു ഉത്തമ കൂട്ടാളിയാണ്. മുടിയുടെ പലവിധ പ്രശ്‌നങ്ങള്‍ പരിഹരിക്കാന്‍ വിവിധ മാര്‍ഗങ്ങളില്‍ വെളുത്തുള്ളി ഉപയോഗിക്കാം, അതും വളരെ എളുപ്പമായി വീട്ടില്‍ തന്നെ. മുടി കൊഴിച്ചില്‍, താരന്‍, മുടി പൊട്ടല്‍, പേന്‍ ശല്യം തുടങ്ങി ഒട്ടുമിക്ക മുടി പ്രശ്‌നങ്ങള്‍ക്കും പരിഹാരം നല്‍കുന്നതാണ് വെളുത്തുള്ളി. പഠനങ്ങളനുസരിച്ച്, വെളുത്തുള്ളിയില്‍ അടങ്ങിയിരിക്കുന്ന സള്‍ഫറും സെലിനിയവും മുടിവേരുകളുടെ ഘടനയെ ശക്തിപ്പെടുത്താന്‍ സഹായിക്കും. അടിസ്ഥാനപരമായി, ഇത് മുടി വീണ്ടും വളര്‍ത്താന്‍ സഹായിക്കുക മാത്രമല്ല, നിലവിലുള്ള മുടിയെ ശക്തിപ്പെടുത്തുകയും ചെയ്യുന്നു. മുടിയുടെ വളര്‍ച്ചയ്ക്ക് വെളുത്തുള്ളി എങ്ങനെയൊക്കെ നിങ്ങള്‍ക്ക് ഉപയോഗിക്കാമെന്നും വെളുത്തുള്ളി നിങ്ങളുടെ മുടിക്ക് നല്‍കുന്ന ഗുണങ്ങള്‍ എന്തൊക്കെയെന്നും വായിച്ചറിയാം.

മുടിയുടെ വളര്‍ച്ചയ്ക്ക് വെളുത്തുള്ളിയുടെ ഗുണങ്ങള്‍

മുടിയുടെ വളര്‍ച്ചയ്ക്ക് വെളുത്തുള്ളിയുടെ ഗുണങ്ങള്‍

* വെളുത്തുള്ളിയില്‍ ആന്റി മൈക്രോബയല്‍ ഗുണങ്ങളുണ്ട്, ഇത് തലയോട്ടിക്ക് കേടുപാടുകള്‍ വരുത്തുന്നതിനും മുടിയുടെ വളര്‍ച്ചയെ തടസ്സപ്പെടുത്തുന്നതിനും കാരണമാകുന്ന അണുക്കളെയും ബാക്ടീരിയകളെയും കൊല്ലാന്‍ സഹായിക്കുന്നു.

* അസംസ്‌കൃത വെളുത്തുള്ളിയില്‍ വിറ്റാമിന്‍ സി അടങ്ങിയിട്ടുണ്ട്. ഇത് മുടിയുടെ ആരോഗ്യത്തെ പ്രോത്സാഹിപ്പിക്കുന്നതിന് മികച്ചതാണ്.

* മുടിയുടെ വളര്‍ച്ചയെ ഉത്തേജിപ്പിക്കുന്ന കൊളാജന്‍ ഉല്‍പാദനവും വെളുത്തുള്ളി വര്‍ദ്ധിപ്പിക്കുന്നു.

മുടിയുടെ വളര്‍ച്ചയ്ക്ക് വെളുത്തുള്ളിയുടെ ഗുണങ്ങള്‍

മുടിയുടെ വളര്‍ച്ചയ്ക്ക് വെളുത്തുള്ളിയുടെ ഗുണങ്ങള്‍

* മുടിയുടെ പരമാവധി പോഷണത്തിനായി രക്തചംക്രമണം വര്‍ദ്ധിപ്പിക്കാന്‍ വെളുത്തുള്ളിയില്‍ അടങ്ങിയിരിക്കുന്ന സെലിനിയം സഹായിക്കുന്നു.

* മുടിയിഴകളെ ശുദ്ധീകരിക്കാനും അവയെ ശക്തിപ്പെടുത്താനും തടസ്സമുണ്ടാക്കാതിരിക്കാനും മുടി കൊഴിച്ചില്‍ തടയാനും സഹായിക്കുന്നു.

* വെളുത്തുള്ളി തലയോട്ടിയെ ശാന്തമാക്കാന്‍ സഹായിക്കുകയും താരന്‍ പോലുള്ള പ്രശ്‌നങ്ങളെ ചികിത്സിക്കുകയും ചെയ്യുന്നു. മുടിയുടെ വളര്‍ച്ചയ്ക്ക് വെളുത്തുള്ളി ഉപയോഗിക്കുന്നതിനുള്ള ചില വഴികള്‍ ഇതാ:

Most read:ലോക്ക്ഡൗണില്‍ മുഖംമിനുക്കാന്‍ സിംപിള്‍ ഫേഷ്യലുകള്‍Most read:ലോക്ക്ഡൗണില്‍ മുഖംമിനുക്കാന്‍ സിംപിള്‍ ഫേഷ്യലുകള്‍

മുടിയുടെ വളര്‍ച്ചയ്ക്ക് വെളുത്തുള്ളി ഓയില്‍

മുടിയുടെ വളര്‍ച്ചയ്ക്ക് വെളുത്തുള്ളി ഓയില്‍

വെളുത്തുള്ളി ഓയില്‍ മസാജ് മുടിയിഴകളെ ഉത്തേജിപ്പിക്കുകയും രക്തചംക്രമണം മെച്ചപ്പെടുത്തുകയും ചെയ്യുന്നു. 8 അല്ലി വെളുത്തുള്ളി, 1/2 കപ്പ് കാരിയര്‍ ഓയില്‍ (ഒലിവ്, വെളിച്ചെണ്ണ, കാസ്റ്റര്‍ മുതലായവ), 1 ഇടത്തരം വലിപ്പമുള്ള സവാള(വേണമെങ്കില്‍) എന്നിവയാണ് നിങ്ങള്‍ക്ക് ആവശ്യം. വെളുത്തുള്ളി, സവാള എന്നിവ ചതച്ചെടുക്കുക. ഒരു പാനില്‍ കാരിയര്‍ ഓയില്‍ ചൂടാക്കി വെളുത്തുള്ളി, സവാള പേസ്റ്റ് എന്നിവ ചേര്‍ക്കുക. പള്‍പ്പ് തവിട്ടുനിറമാകാന്‍ തുടങ്ങുന്നതുവരെ എണ്ണ ചൂടാക്കുക. എണ്ണ തണുത്തുകഴിഞ്ഞ് രണ്ട് ടേബിള്‍സ്പൂണ്‍ എണ്ണ ഉപയോഗിച്ച് തലയോട്ടിയില്‍ മസാജ് ചെയ്യുക. 15 മിനിറ്റ് മസാജിംഗിന് ശേഷം, മുടിയിലും എണ്ണ പുരട്ടുക. 30 മിനിറ്റിനു ശേഷം ഷാംപൂ ഉപയോഗിച്ച് കഴുകുക. മികച്ച ഫലങ്ങള്‍ക്കായി ആഴ്ചയില്‍ 3 തവണ ഇത് ആവര്‍ത്തിക്കാവുന്നതാണ്.

വെളുത്തുള്ളിയും തേനും

വെളുത്തുള്ളിയും തേനും

8 അല്ലി വെളുത്തുള്ളി എടുത്ത് ചതച്ച് 1 ടേബിള്‍ സ്പൂണ്‍ തേന്‍ ചേര്‍ത്ത് നന്നായി ഇളക്കുക. ഈ വെളുത്തുള്ളിതേന്‍ മിശ്രിതം മുടിയിലും തലയോട്ടിയിലും പുരട്ടി 20 മിനിറ്റ് ഇടുക. ശേഷം മൃദുവായ ഷാംപൂ ഉപയോഗിച്ച് കഴുകുക. ഇത് ആഴ്ചയില്‍ 2 - 3 തവണ ആവര്‍ത്തിക്കാവുന്നതാണ്.

മുടി കൊഴിച്ചിലിനെ പ്രതിരോധിക്കാന്‍ വെളുത്തുള്ളി, വെളിച്ചെണ്ണ

മുടി കൊഴിച്ചിലിനെ പ്രതിരോധിക്കാന്‍ വെളുത്തുള്ളി, വെളിച്ചെണ്ണ

അരിഞ്ഞ വെളുത്തുള്ളി ചെറുതായി ചൂടാക്കിയ വെളിച്ചെണ്ണയില്‍ കലര്‍ത്തുക. മിശ്രിതം തലയോട്ടിയിലും മുടിയിലും മസാജ് ചെയ്ത് കഴുകുന്നതിനുമുമ്പ് 30 മിനിറ്റ് വിടുക. വെളുത്തുള്ളി മാത്രം ഉപയോഗിക്കുന്നത് ചര്‍മ്മത്തെ പ്രകോപിപ്പിക്കും, കാരണം ഇത് ശക്തമായ ഘടകമാണ്. അതിനാല്‍, ചര്‍മ്മത്തില്‍ പ്രകോപിപ്പിക്കാനുള്ള സാധ്യത കുറയ്ക്കുന്നതിന് അതില്‍ എന്തെങ്കിലും ചേര്‍ക്കേണ്ടത് അത്യാവശ്യമാണ്. കൂടാതെ, വെളുത്തുള്ളി അവശ്യ എണ്ണകള്‍ ഉപയോഗിക്കരുത്.

Most read:താരനെ തുരത്താം; ഉറപ്പുള്ള വീട്ടുവഴി ഇതാMost read:താരനെ തുരത്താം; ഉറപ്പുള്ള വീട്ടുവഴി ഇതാ

മുടിയുടെ വളര്‍ച്ചയ്ക്ക് വെളുത്തുള്ളി, ഇഞ്ചി

മുടിയുടെ വളര്‍ച്ചയ്ക്ക് വെളുത്തുള്ളി, ഇഞ്ചി

വെളുത്തുള്ളി, ഇഞ്ചി എന്നിവ ചതച്ച് പേസ്റ്റ് രൂപത്തിലേക്ക് യോജിപ്പിക്കുക. ഇപ്പോള്‍ കുറച്ച് വെളിച്ചെണ്ണ ഒഴിച്ച് പേസ്റ്റ് ചൂടാക്കുക. പള്‍പ്പ് തവിട്ടുനിറമാകാന്‍ തുടങ്ങിയാല്‍, വാങ്ങി വയ്ക്കുക. എണ്ണ തണുത്തുകഴിഞ്ഞാല്‍ പള്‍പ്പ് ഉപേക്ഷിച്ച് അവശേഷിക്കുന്ന എണ്ണ 15 മിനിറ്റ് നേരം തലയോട്ടിയില്‍ മസാജ് ചെയ്യുക. എണ്ണ മുടിയിലും പുരട്ടുക. 30 മിനിറ്റ് കഴിഞ്ഞ് കഴുകിക്കളയുക.

വെളുത്തുള്ളിയും റോസ്‌മേരി ഓയിലും

വെളുത്തുള്ളിയും റോസ്‌മേരി ഓയിലും

റോസ്‌മേരി ഓയില്‍ മുടിയുടെ വളര്‍ച്ചയെ സഹായിക്കും, കാസ്റ്റര്‍ ഓയില്‍ മുടിയുടെ തിളക്കം വര്‍ദ്ധിപ്പിക്കും. മുടിയുടെ വളര്‍ച്ച വര്‍ദ്ധിപ്പിക്കുന്നതിന് ഇവ ഒരുമിച്ച് പ്രവര്‍ത്തിക്കുമ്പോള്‍, വെളിച്ചെണ്ണ ആഴത്തില്‍ തുളച്ചുകയറുകയും മുടിക്ക് മികച്ച അവസ്ഥ നല്‍കുകയും ചെയ്യുന്നു. 5 ടേബിള്‍സ്പൂണ്‍ വെളുത്തുള്ളി എണ്ണ, 1 ടേബിള്‍ സ്പൂണ്‍ കാസ്റ്റര്‍ ഓയില്‍, 1 ടേബിള്‍ സ്പൂണ്‍ വെളിച്ചെണ്ണ, 1/2 ടീസ്പൂണ്‍ റോസ്‌മേരി ഓയില്‍ എന്നിവയാണ് ആവശ്യം. എല്ലാ എണ്ണകളും ഒരു പാത്രത്തില്‍ ചേര്‍ത്ത് നന്നായി ഇളക്കുക. രണ്ട് ടേബിള്‍സ്പൂണ്‍ മിശ്രിതം ഉപയോഗിച്ച് തലയോട്ടിയില്‍ മസാജ് ചെയ്യുക. 15 മിനിറ്റ് മസാജിംഗിന് ശേഷം, മുടിയിലും പുരട്ടുക. 30 മിനിറ്റിനു ശേഷം ഷാംപൂ ഉപയോഗിച്ച് കഴുകിക്കളയുക. ഇത് ആഴ്ചയില്‍ 3 തവണ ചെയ്യാവുന്നതാണ്.

Most read:ഒരാഴ്ച കൊണ്ട് ഒട്ടിയ കവിള്‍ തുടുക്കും; ഇതാ വഴികള്‍Most read:ഒരാഴ്ച കൊണ്ട് ഒട്ടിയ കവിള്‍ തുടുക്കും; ഇതാ വഴികള്‍

വീട്ടില്‍ എങ്ങനെ വെളുത്തുള്ളി എണ്ണ ഉണ്ടാക്കാം?

വീട്ടില്‍ എങ്ങനെ വെളുത്തുള്ളി എണ്ണ ഉണ്ടാക്കാം?

മുടി വളര്‍ച്ചയ്ക്കായി വെളുത്തുള്ളി എണ്ണ വീട്ടില്‍ തന്നെ എളുപ്പത്തില്‍ തയാറാക്കാവുന്നതാണ്. നിങ്ങള്‍ ചെയ്യേണ്ടത് കുറച്ച് അല്ലി വെളുത്തുള്ളി ഒലിവ് ഓയിലോ അല്ലെങ്കില്‍ വെളിച്ചെണ്ണയോ ചേര്‍ത്ത് ചൂടാക്കുക മാത്രമാണ്. ഏത് എണ്ണയാണ് വേണ്ടതെന്ന് നിങ്ങളുടെ മുടിയുടെ യോജിപ്പിന് അനുസരിച്ച് തെരഞ്ഞെടുക്കാം. ഇത് ചൂടാക്കിയ ശേഷം ഒരു പാത്രത്തില്‍ എടുത്ത് കുറഞ്ഞത് ഒരാഴ്ചയെങ്കിലും തണുത്തതും വരണ്ടതുമായ സ്ഥലത്ത് സൂക്ഷിക്കുക. ഒരാഴ്ചത്തെ സമയത്തിന് ശേഷം, ഇത് നിങ്ങളുടെ തലയില്‍ ഉപയോഗിക്കാവുന്നതാണ്.

English summary

Ways To Use Garlic For Hair Growth

Garlic can also be used to improve hair growth. Read on the ways of using garlic for hair care.
X