For Quick Alerts
ALLOW NOTIFICATIONS  
For Daily Alerts

താരനെ പൂര്‍ണമായും തുരത്താന്‍ നാരങ്ങയും പിന്നെ ഈ കൂട്ടുകളും

|

കേശസംരക്ഷണത്തിന്റെ കാര്യത്തില്‍ എപ്പോഴും നമ്മെ അലട്ടുന്ന ഒരു പ്രശ്‌നമാണ് താരന്‍. താരന്‍ നമ്മുടെ തലയോട്ടിക്ക് മാത്രമല്ല, ചര്‍മ്മത്തിനും പ്രശ്‌നമാണ്. താരന്‍ ഉള്ളവര്‍ കറുത്ത വസ്ത്രം ധരിക്കുന്നത് വളരെ ഭയത്തോടെയാണ് കാണുന്നത്. നിങ്ങളുടെ ശ്രദ്ധ മുഴുവന്‍ വസ്ത്രത്തിലും അതില്‍ വീണ താരനിലും ആയിരിക്കും. ആളുകള്‍ക്കിടയില്‍ നില്‍ക്കുമ്പോള്‍ ഇത് നിങ്ങളുടെ ആത്മവിശ്വാസം കെടുത്തിയേക്കാം. താരന്‍ നിങ്ങളുടെ തലയോട്ടി വരണ്ടതാക്കുക മാത്രമല്ല, തലയില്‍ ചൊറിച്ചില്‍ ഉണ്ടാക്കുകയും ചെയ്യുന്നു. ഫംഗസും തലയോട്ടിയിലെ മൃത ചര്‍മ്മകോശങ്ങളും മൂലമുണ്ടാകുന്ന ഒരു അവസ്ഥയാണ് താരന്‍.

Most read: മുടി കൊഴിച്ചില്‍ തടയാനും മുടിയുടെ അളവ് സ്വാഭാവികമായി കൂട്ടാനും എളുപ്പവഴിMost read: മുടി കൊഴിച്ചില്‍ തടയാനും മുടിയുടെ അളവ് സ്വാഭാവികമായി കൂട്ടാനും എളുപ്പവഴി

എന്നാല്‍ വിഷമിക്കേണ്ട, ഈ പ്രശ്നത്തില്‍ നിന്ന് രക്ഷനേടാന്‍ നിങ്ങളെ സഹായിക്കുന്ന നിരവധി വീട്ടുവൈദ്യങ്ങളുണ്ട്. അത്തരത്തിലുള്ള ഒരു ഘടകമാണ് നാരങ്ങ. താരനെതിരെയുള്ള ഫലപ്രദമായ പ്രതിവിധിയായി നാരങ്ങ അറിയപ്പെടുന്നു. നാരങ്ങയില്‍ സിട്രിക് ആസിഡും വിറ്റാമിന്‍ സിയും അടങ്ങിയിട്ടുണ്ട്, ഇത് തലയോട്ടിയിലെ പിഎച്ച് സന്തുലിതമാക്കുകയും അതുവഴി താരന്‍ കുറയ്ക്കുകയും ചെയ്യുന്നു. താരന്‍ എത്രയും പെട്ടെന്ന് ഒഴിവാക്കാന്‍ നിങ്ങള്‍ ആഗ്രഹിക്കുന്നുവെങ്കില്‍, ഈ നാരങ്ങാ പായ്ക്കുകള്‍ നിങ്ങളെ സഹായിക്കും.

നാരങ്ങയും തേനും

നാരങ്ങയും തേനും

നാരങ്ങയും തേനും നിങ്ങളുടെ മുടിക്ക് ഏറ്റവും മികച്ചതാണ്. തേന്‍ അതിന്റെ ആന്റിമൈക്രോബയല്‍ ഗുണങ്ങള്‍ക്കും ആന്റി-ഇന്‍ഫ്‌ലമേറ്ററി ഗുണങ്ങള്‍ക്കും പേരുകേട്ടതാണ്, ഇത് ചര്‍മ്മത്തിലെ ഫംഗസ് പ്രവര്‍ത്തനത്തെ തടയാനും തലയോട്ടിയിലെ ജലാംശം വര്‍ദ്ധിപ്പിക്കാനും സഹായിക്കുന്നു. ഒരു പാത്രത്തില്‍, 1 ടീസ്പൂണ്‍ നാരങ്ങ നീരും 3 ടീസ്പൂണ്‍ തേനും മിക്‌സ് ചെയ്യുക. ഇത് നിങ്ങളുടെ തലയോട്ടിയില്‍ പുരട്ടി 20 മിനിറ്റ് വിടുക. ശേഷം വീര്യം കുറഞ്ഞ ഷാംപൂ ഉപയോഗിച്ച് ഇത് കഴുകിക്കളയുക.

നാരങ്ങയും മുട്ടയും

നാരങ്ങയും മുട്ടയും

നാരങ്ങയും മുട്ട മാസ്‌കും താരന്‍ ഇല്ലാതാക്കാന്‍ മാത്രമല്ല സഹായിക്കുന്നത്, ഇത് നിങ്ങളുടെ മുടിയില്‍ അത്ഭുതങ്ങള്‍ സൃഷ്ടിക്കും. മുട്ട ഒരു പ്രകൃതിദത്ത കണ്ടീഷണറാണ്, ചര്‍മ്മത്തെ ഉള്ളില്‍ നിന്ന് എക്‌സ്‌ഫോളിയേറ്റ് ചെയ്യാന്‍ സഹായിക്കുന്നു. ഒരു പാത്രത്തില്‍, മുട്ട എടുത്ത് അതില്‍ നാരങ്ങ നീര് കലര്‍ത്തുക. തലയോട്ടിയില്‍ പുരട്ടുക, 30 മിനിറ്റ് ഉണങ്ങാന്‍ വിടുക. ശേഷം വീര്യം കുറഞ്ഞ ഷാംപൂ ഉപയോഗിച്ച് ഇത് കഴുകി കളയുക, വ്യത്യാസം സ്വയം കണ്ടറിയാം.

Most read:നിറം കൃത്യമാക്കി ചര്‍മ്മത്തിന്റെ തിളക്കം കൂട്ടാന്‍ പ്രകൃതിദത്ത വഴിMost read:നിറം കൃത്യമാക്കി ചര്‍മ്മത്തിന്റെ തിളക്കം കൂട്ടാന്‍ പ്രകൃതിദത്ത വഴി

നാരങ്ങയും കടുകെണ്ണയും

നാരങ്ങയും കടുകെണ്ണയും

എണ്ണമറ്റ ത്വക്ക്, മുടി പ്രശ്‌നങ്ങള്‍ക്കുള്ള ഏറ്റവും മികച്ച വീട്ടുവൈദ്യമാണ് കടുകെണ്ണ. ചെറുനാരങ്ങ പോലെ ഇതിന് ആന്റിഫംഗല്‍, ആന്റി ബാക്ടീരിയല്‍ ഗുണങ്ങളുണ്ട്. ഇത് നിങ്ങളുടെ മുടി സംരക്ഷണ ദിനചര്യയില്‍ പല തരത്തില്‍ ഉള്‍പ്പെടുത്താം. 2 ടേബിള്‍സ്പൂണ്‍ കടുകെണ്ണയില്‍ ഏതാനും തുള്ളി നാരങ്ങാനീര് കലര്‍ത്തുക. ഇത് നിങ്ങളുടെ തലയോട്ടിയില്‍ പുരട്ടി മസാജ് ചെയ്ത് ഒരു മണിക്കൂര്‍ കഴിഞ്ഞ്് കഴുകി കളയുക. ഒരു മണിക്കൂറില്‍ കൂടുതല്‍ ഇത് വയ്ക്കരുത്, കാരണം ഇത് മുടി കൊഴിച്ചിലിനും പ്രകോപനത്തിനും കാരണമാകും. മികച്ച ഫലങ്ങള്‍ക്കായി ആഴ്ചയില്‍ രണ്ടുതവണ ഇത് പ്രയോഗിക്കുക.

ബദാം ഓയിലും നാരങ്ങയും

ബദാം ഓയിലും നാരങ്ങയും

3-4 ടേബിള്‍സ്പൂണ്‍ ബദാം എണ്ണ, 2 ടേബിള്‍സ്പൂണ്‍ നാരങ്ങ നീര് എന്നിവയാണ് നിങ്ങള്‍ക്ക് ആവശ്യം. ബദാം ഓയില്‍ ചെറുതായി ചൂടാക്കുക. ഇതിലേക്ക് നാരങ്ങാനീരും ചേര്‍ക്കുക. നന്നായി കൂട്ടികലര്‍ത്തുക. ഇത് തലയോട്ടിയില്‍ പുരട്ടി നന്നായി മസാജ് ചെയ്യുക. 15-30 മിനിറ്റ് വിടുക. ശേഷം പതിവുപോലെ ഷാംപൂ ഉപയോഗിച്ച് മുടി കഴുകുക. ബദാം ഓയിലിനു പകരം വെളിച്ചെണ്ണയോ ഒലിവെണ്ണയോ കടുകെണ്ണയോ നിങ്ങള്‍ക്ക് ഉപയോഗിക്കാം. താരന്‍ ഫലപ്രദമായി ഇല്ലാതാക്കാന്‍ ആഴ്ചയില്‍ 2-4 തവണയെങ്കിലും ഇത് പതിവായി ചെയ്യുക.

Most read:മുഖത്തിന് വെളുപ്പും തിളക്കവും നല്‍കാന്‍ ഈ പാല്‍ ഫെയ്‌സ് മാസ്‌ക്Most read:മുഖത്തിന് വെളുപ്പും തിളക്കവും നല്‍കാന്‍ ഈ പാല്‍ ഫെയ്‌സ് മാസ്‌ക്

നാരങ്ങയും നെല്ലിക്കയും

നാരങ്ങയും നെല്ലിക്കയും

താരനകറ്റാന്‍ നാരങ്ങയോടൊപ്പം നെല്ലിക്ക ചേര്‍ത്ത് ഉപയോഗിക്കുന്നത് നിങ്ങളുടെ പ്രശ്നങ്ങള്‍ക്ക് മികച്ചൊരു പരിഹാരമാണ്. നാരങ്ങയുടെയും നെല്ലിക്കയുടെയും സിട്രസ് സ്വഭാവം മൃതകോശങ്ങളുടെ രൂപീകരണം കുറയ്ക്കാന്‍ സഹായിക്കുന്നു. ഇതിനുപുറമെ, അവ വേരുകള്‍ക്ക് പോഷണം നല്‍കുകയും നിങ്ങളുടെ മങ്ങിയ മുടികള്‍ക്ക് സ്വാഭാവിക തിളക്കം നല്‍കുകയും ചെയ്യുന്നു. രണ്ട് ടേബിള്‍സ്പൂണ്‍ നാരങ്ങ നീരും രണ്ട് ടേബിള്‍ സ്പൂണ്‍ നെല്ലിക്ക ജ്യൂസും മിക്സ് ചെയ്യുക. ഒരു കോട്ടണ്‍ തുണി ഉപയോഗിച്ച് നിങ്ങളുടെ തലയോട്ടിയില്‍ സൗമ്യമായി ഇടുക. ഇത് 30 മിനിറ്റ് ഉണങ്ങാന്‍ വിട്ട ശേഷം വെള്ളത്തില്‍ കഴുകി കളയുക.

നാരങ്ങയും തൈരും

നാരങ്ങയും തൈരും

താരനകറ്റാനു മികച്ച മുടി നല്‍കാനുമായി നാരങ്ങയും തൈരും സംയോജിപ്പിച്ച് ഉപയോഗിക്കാം. ഇവയിലെ സ്വാഭാവിക എന്‍സൈമുകളും ആസിഡുകളും താരന്‍ പൂര്‍ണ്ണമായും ഇല്ലാതാക്കാന്‍ സഹായിക്കുന്നു. ഏകദേശം രണ്ട് ടേബിള്‍സ്പൂണ്‍ തൈര് അല്ലെങ്കില്‍, ഒരു ടേബിള്‍ സ്പൂണ്‍ നാരങ്ങ നീര് എന്നിവ ചേര്‍ത്ത് ഇളക്കുക. ഈ മിശ്രിതം തലയോട്ടിയില്‍ സൗമ്യമായി പുരട്ടുക. ഇത് 30 മിനിറ്റ് തലയില്‍ ഉണങ്ങാന്‍ വിടുക. ശേഷം മിതമായ ഷാംപൂ ഉപയോഗിച്ച് ഇത് കഴുകിക്കളയുക.

Most read:തൂങ്ങിയ ചര്‍മ്മം തലവേദനയോ: വീട്ടിലൊരു കിടിലന്‍ ഫേസ്പാക്ക്Most read:തൂങ്ങിയ ചര്‍മ്മം തലവേദനയോ: വീട്ടിലൊരു കിടിലന്‍ ഫേസ്പാക്ക്

നാരങ്ങയും തേനും മാസ്‌ക്‌

നാരങ്ങയും തേനും മാസ്‌ക്‌

നിങ്ങളുടെ പല മുടി പ്രശ്നങ്ങള്‍ക്കും ആത്യന്തിക ഉത്തരമാണ് നാരങ്ങയും തേനും ചേര്‍ന്ന മിശ്രിതം. തേനിന്റെ വിരുദ്ധ ബാഹ്യാവിഷ്‌ക്കാരവും ആന്റിമൈക്രോബയല്‍ സംയുക്തങ്ങളും ചര്‍മ്മത്തിന് കീഴിലുള്ള ഫംഗസ് പ്രവര്‍ത്തനത്തെ തടയുന്നു. ഹ്യൂമെക്ടന്റ് തലയോട്ടിയില്‍ ജലാംശം നിലനിര്‍ത്തുന്നു. അതുവഴി താരന്‍ മൂലമുണ്ടാകുന്ന വരള്‍ച്ച, ചൊറിച്ചില്‍ തുടങ്ങിയ പ്രശ്നങ്ങള്‍ ഇല്ലാതാവുന്നു. ഒരു ടീസ്പൂണ്‍ നാരങ്ങ നീരില്‍ ഏകദേശം മൂന്ന് ടേബിള്‍ സ്പൂണ്‍ തേന്‍ ചേര്‍ക്കുക. അവ നന്നായി കലര്‍ത്തി 20 മിനിറ്റ് തലയോട്ടിയില്‍ പുരട്ടുക. ശേഷം മിതമായ ഷാംപൂ ഉപയോഗിച്ച് ഇത് കഴുകിക്കളയുക. മികച്ച ഫലത്തിനായി, ഓരോ 3-4 ദിവസത്തിലൊരിക്കലെങ്കിലും ഇത്തരത്തില്‍ മിശ്രിതം മുടിയില്‍ പ്രയോഗിക്കുക.

English summary

Lemon Hair Packs For Dandruff Free Scalp And Healthy Hair in Malayalam

Lemon has been known to be an effective remedy against dandruff. Here is how to use it as hair packs.
Story first published: Saturday, June 4, 2022, 13:05 [IST]
X
Desktop Bottom Promotion