For Quick Alerts
ALLOW NOTIFICATIONS  
For Daily Alerts

ചെറുപയര്‍ ഇങ്ങനെങ്കില്‍ മുടികൊഴിച്ചിലകലും മുടി തഴച്ചുവളരും

|

മുടികൊഴിച്ചില്‍, താരന്‍, മുടിയുടെ തിളക്കക്കുറവ്.. ഇങ്ങനെയുള്ള മുടി പ്രശ്‌നങ്ങള്‍ അനുഭവിക്കുന്നവരാണോ നിങ്ങള്‍? ഇതിനെല്ലാം പ്രതിവിധി നിങ്ങളുടെ വീട്ടില്‍തന്നെയുണ്ട്. സാധാരണയായി കറികള്‍ക്ക് ഉപയോഗിക്കുന്ന ഒന്നാണ് ചെറുപയര്‍. എന്നാല്‍, ഇത് നിങ്ങളുടെ സൗന്ദര്യപ്രശ്‌നങ്ങളും പരിഹരിക്കും. മുഖം, ശരീരം, മുടി എന്നിവയ്ക്ക് ചെറുപയര്‍ ധാരാളം ഗുണങ്ങള്‍ നല്‍കുന്നു. ചില സമയങ്ങളില്‍ നമ്മുടെ പ്രതീക്ഷകള്‍ക്കപ്പുറം ഇത് പ്രവര്‍ത്തിക്കുന്നു, പ്രത്യേകിച്ച് നിങ്ങളുടെ മുടിക്ക്.

Most read: ആരോഗ്യമുള്ള പനങ്കുല പോലുള്ള മുടി വേണോ? വഴി ഇതാണ്‌Most read: ആരോഗ്യമുള്ള പനങ്കുല പോലുള്ള മുടി വേണോ? വഴി ഇതാണ്‌

നിങ്ങളുടെ മുടിയിലും ചര്‍മ്മത്തിലും മാജിക് പോലെ പ്രവര്‍ത്തിക്കുന്ന പ്രോട്ടീന്‍, ആന്റിഓക്സിഡന്റുകള്‍, വിറ്റാമിനുകള്‍ എന്നിവ ചെറുപയറില്‍ നിറഞ്ഞിരിക്കുന്നു. ഈ ലേഖനത്തില്‍, ചെറുപയര്‍ ഉപയോഗിച്ച് നിങ്ങളുടെ മുടി പ്രശ്‌നങ്ങള്‍ക്ക് എങ്ങനെ പരിഹാരം കാണാമെന്നും ചെറുപയര്‍ എങ്ങനെ മുടിക്ക് പ്രയോഗിക്കാമെന്നും വായിച്ചറിയൂ.

മുടിവളര്‍ച്ചയ്ക്ക് ചെറുപയര്‍

മുടിവളര്‍ച്ചയ്ക്ക് ചെറുപയര്‍

ചെറുപയര്‍ നിങ്ങളുടെ മുടിയുടെ വളര്‍ച്ചയെ പ്രോത്സാഹിപ്പിക്കുകയും മുടിയുടെ ഘടനയെ മെച്ചപ്പെടുത്തുകയും ചെയ്യുന്നു. ഇതില്‍ അവശ്യ കൊഴുപ്പുകള്‍, ധാതുക്കള്‍, വിറ്റാമിനുകള്‍ എന്നിവ അടങ്ങിയിട്ടുണ്ട്. വിറ്റാമിന്‍ സി, ആന്റി ഓക്‌സിഡന്റുകള്‍ എന്നിവയും ഇതിലുണ്ട്. ഈ ഘടകങ്ങളെല്ലാം നിങ്ങളുടെ മുടിയുടെ സംരക്ഷണത്തിനായി പ്രവര്‍ത്തിക്കുന്നു.

ചെറുപയര്‍, മുട്ട

ചെറുപയര്‍, മുട്ട

മുടികൊഴിച്ചില്‍ അല്ലെങ്കില്‍ വരണ്ട മുടി എന്നിവ അനുഭവിക്കുന്ന ആളുകള്‍ക്ക് ചെറുപയര്‍ ഹെയര്‍ പായ്ക്ക് അനുയോജ്യമാണ്. കുറച്ച് ചെറുപയര്‍ തിളപ്പിച്ച് പൊടിക്കുക. ഇതിലേക്ക് ഒരു മുട്ടയുടെ മഞ്ഞക്കരു, കുറച്ച് തുള്ളി നാരങ്ങ, തൈര് എന്നിവ ചേര്‍ത്ത് ഒരു പേസ്റ്റ് തയാാക്കുക. ഇനി ഇത് മുടിയില്‍ പുരട്ടി 15 മിനിറ്റ് വിടുക. അതിനുശേഷം മൃദുവായ ഷാംപൂ ഉപയോഗിച്ച് ഇത് കഴുകി മുടി വരണ്ടതാക്കുക. മികച്ച ഫലങ്ങള്‍ക്കായി നിങ്ങള്‍ക്ക് ആഴ്ചയില്‍ രണ്ടുതവണ ഈ ഹെയര്‍ മാസ്‌ക് ഉപയോഗിക്കാം.

Most read:എളുപ്പത്തില്‍ മുടി കൊഴിച്ചില്‍ നീക്കാം; മുടി കട്ടിയോടെ വളരാന്‍ ചെയ്യേണ്ടത്Most read:എളുപ്പത്തില്‍ മുടി കൊഴിച്ചില്‍ നീക്കാം; മുടി കട്ടിയോടെ വളരാന്‍ ചെയ്യേണ്ടത്

തലയിലെ അഴുക്ക് നീക്കാന്‍

തലയിലെ അഴുക്ക് നീക്കാന്‍

തലയോട്ടിയില്‍ നിന്ന് അഴുക്കും വിഷവസ്തുക്കളും നീക്കം ചെയ്യുന്നതിന് ഫലപ്രദമായി പ്രവര്‍ത്തിക്കുന്ന ചില സംയുക്തങ്ങള്‍ ചെറുപയറില്‍ അടങ്ങിയിരിക്കുന്നു. ആദ്യം, നിങ്ങള്‍ 1/2 ടീസ്പൂണ്‍ ഓട്‌സ്, 1 ടീസ്പൂണ്‍ റോസ് വാട്ടര്‍, 1 ടീസ്പൂണ്‍ ചെറുപയര്‍ പൊടി എന്നിവ നന്നായി മിശ്രിതമാക്കുക. ഈ മിശ്രിതം തലയോട്ടിയില്‍ പുരട്ടി ഒരു മണിക്കൂര്‍ വിടുക. തുടര്‍ന്ന്, ചെറുചൂടുള്ള വെള്ളത്തില്‍ മുടി കഴുകുക. തലയോട്ടിയിലെ അഴുക്ക് നീക്കാന്‍ ഉത്തമമാണ് ഈ ഹെയര്‍ പായ്ക്ക്.

മുടിക്ക് തിളക്കം ലഭിക്കാന്‍

മുടിക്ക് തിളക്കം ലഭിക്കാന്‍

ചെറുപയറിന് നിങ്ങളുടെ മുടിക്ക് സ്വാഭാവിക തിളക്കം നല്‍കാന്‍ കഴിവുണ്ട്. 1/2 ടീസ്പൂണ്‍ ആപ്പിള്‍ സിഡെര്‍ വിനെഗര്‍, 1/2 ടീസ്പൂണ്‍ ചെറുപയര്‍ പൊടി, 2 ടീസ്പൂണ്‍ റോസ് വാട്ടര്‍ എന്നിവ കലര്‍ത്തുക. അതിനുശേഷം, തലയോട്ടിയില്‍ ഈ മിശ്രിതം പുരട്ടി 30 മിനിറ്റ് വിടുക. അതിനുശേഷം ചെറുചൂടുള്ള വെള്ളത്തില്‍ മുടി കഴുകുക. മുടിക്ക് തല്‍ക്ഷണ തിളക്കം നല്‍കാന്‍ ഈ വഴിയിലൂടെ സാധിക്കും.

Most read:വെളുത്തുള്ളി ഉപയോഗം ഇങ്ങനെയെങ്കില്‍ നീളമുള്ള കട്ടിയുള്ള മുടി ഉറപ്പ്Most read:വെളുത്തുള്ളി ഉപയോഗം ഇങ്ങനെയെങ്കില്‍ നീളമുള്ള കട്ടിയുള്ള മുടി ഉറപ്പ്

താരന്‍ നീക്കാന്‍

താരന്‍ നീക്കാന്‍

ആന്റി ബാക്ടീരിയല്‍ ഘടകങ്ങള്‍ അടങ്ങിയ ചെറുപയര്‍ പൊടി താരന്‍ ചികിത്സിക്കുന്നതിനുള്ള ഫലപ്രദമായ പരിഹാരമാണ്. 2 ടീസ്പൂണ്‍ വേപ്പ് നീര് 1/2 ടീസ്പൂണ്‍ ചെറുപയര്‍ പൊടിയില്‍ കലര്‍ത്തുക. ഈ മിശ്രിതം തലയോട്ടിയില്‍ പുരട്ടി 20 മിനിറ്റ് വിടുക. പിന്നീട്, മൃദുവായ ഷാമ്പൂവും ചെറുചൂടുള്ള വെള്ളവും ഉപയോഗിച്ച് മുടി കഴുകുക. താരന്‍ നീക്കാന്‍ വളരെ ഫലപ്രദമായ പ്രതിവിധിയാണ് ഇത്.

മുടി വളര്‍ച്ചയ്ക്ക്

മുടി വളര്‍ച്ചയ്ക്ക്

ഈ സ്വാഭാവിക ഘടകം മുടിയുടെ വളര്‍ച്ച വര്‍ദ്ധിപ്പിക്കാന്‍ സഹായിക്കുന്നു. കാരണം ഇതില്‍ പ്രോട്ടീന്‍ അടങ്ങിയതിനാല്‍ മുടിയുടെ ഘടന മെച്ചപ്പെടുത്തുന്നു. ഒരു ചെറിയ പാത്രം എടുത്ത് 2 ടീസ്പൂണ്‍ നെല്ലിക്ക ജ്യൂസും 1/2 ടീസ്പൂണ്‍ ചെറുപയര്‍ പൊടിയും കലര്‍ത്തുക. ഈ മിശ്രിതം തലയോട്ടിയില്‍ തേച്ച് ഒരു മണിക്കൂര്‍ സൂക്ഷിക്കുക. അതിനുശേഷം ചെറുചൂടുള്ള വെള്ളത്തില്‍ തല കഴുകുക. ഈ പ്രതിവിധി ചെയ്യുന്നതിലൂടെ നിങ്ങളുടെ മുടി ക്രമേണ വളര്‍ത്തിയെടുക്കാവുന്നതാണ്.

English summary

How To Use Green Gram For Hair Growth in Malayalam

Moong dal is full of protein, antioxidants, and vitamins that work like magic on your hair and skin. Here is how to use green gram for hair growth. Take a look.
Story first published: Thursday, July 15, 2021, 13:59 [IST]
X