Just In
- 3 hrs ago വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- 4 hrs ago പുതിയ ഭൂമിയാകുമോ എന്സിലാഡസ്? ശനിയുടെ ഈ ചന്ദ്രനില് ജീവന് വേണ്ട എല്ലാ ചേരുവകളും
- 5 hrs ago ഭാഗ്യക്കൊടിമുടിയേറും; വര്ഷങ്ങള്ക്ക് ശേഷം ലക്ഷ്മി നാരായണ യോഗവും ബുധാദിത്യ യോഗവും ഒന്നിച്ച്
- 6 hrs ago പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള്
Don't Miss
- News ആന്ധപ്രദേശ് മുഖ്യമന്ത്രിയുടെ സമ്പത്തില് വന് വര്ധന; ജഗന് മോഹന് റെഡ്ഡിയുടെ ആസ്തി എത്രയെന്നറിയുമോ?
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മുടിയുടെ സര്വ്വ പ്രശ്നവും നീക്കി മുടി വളര്ത്താന് പ്രകൃതിയുടെ ഔഷധം
ഇഞ്ചിയുടെ പേര് കേള്ക്കുമ്പോള് തന്നെ നിങ്ങള്ക്ക് ഓര്മ്മ വരുന്നത് ചായയായിരിക്കും. നിരവധി ആരോഗ്യ ഗുണങ്ങള് നല്കുന്ന ഇഞ്ചി നിങ്ങളുടെ മുടിക്കും ഗുണം ചെയ്യുന്നുവെന്ന് അറിയുമ്പോള് നിങ്ങള് അത്ഭുതപ്പെട്ടേക്കാം. അതെ, ഇഞ്ചിയില് ആന്റി-ഇന്ഫ്ലമേറ്ററി സംയുക്തമായ ജിഞ്ചറോള് അടങ്ങിയിട്ടുണ്ട്. ആന്റിഓക്സിഡന്റുകള്, ഫാറ്റി ആസിഡുകള്, വിറ്റാമിനുകള്, ധാതുക്കള് എന്നിവയെല്ലാം ഇതിലുണ്ട്. ഇതെല്ലാം പല വിധത്തില് നിങ്ങളുടെ മുടിക്ക് വേണ്ടി പ്രവര്ത്തിക്കുകയും മുടിയുടെ പ്രശ്നങ്ങള് നീക്കുകയും ചെയ്യുന്നു.
Also read: വേനലില് എണ്ണമയമുള്ള ചര്മ്മം വഷളാകുന്നത് പെട്ടെന്ന്; നിയന്ത്രിക്കാനുള്ള വഴിയിത്
തലയോട്ടിയിലെ രക്തചംക്രമണം മെച്ചപ്പെടുത്തുന്നതിനും താരന് കുറയ്ക്കുന്നതിനും ഇത് സഹായിക്കുന്നു. മുടിക്ക് ജൈവ സംയുക്തമായി പ്രവര്ത്തിക്കുന്ന സിലിക്കണ് എന്ന മൂലകം ഇഞ്ചിയില് അടങ്ങിയിട്ടുണ്ട്. ഈ ഘടകങ്ങളെല്ലാം മുടിയുടെ ഉള്ളില് നിന്ന് ആരോഗ്യത്തോടെ നിലനിര്ത്താനും മുടി വളര്ച്ച വര്ദ്ധിപ്പിക്കാനും സഹായിക്കുന്നു. നിങ്ങളുടെ മുടി പനങ്കുല പോലെ വളരാനായി ഇഞ്ചി നല്കുന്ന ഗുണങ്ങള് എന്തൊക്കെയെന്ന് അറിയാന് ലേഖനം വായിക്കൂ. ഒപ്പം നിങ്ങളുടെ മുടിക്ക് ഇഞ്ചി ഉപയോഗിക്കേണ്ട വിവിധ വഴികളും വായിച്ചറിയാം.
മുടിയുടെ വളര്ച്ചയ്ക്ക് ഇഞ്ചി പേസ്റ്റ്
മുടിയുടെ വളര്ച്ചയ്ക്കും മുടി കൊഴിച്ചിലിനും ഇഞ്ചി പേസ്റ്റ് ഏറെ സഹായകമാണ്. മുടിക്ക് ആന്റിമൈക്രോബയല് ഗുണങ്ങള് നല്കാന് ഇഞ്ചി പേസ്റ്റ് പതിവായി പ്രയോഗിക്കുന്നതിലൂടെ സാധിക്കുന്നു. ഇത് മുടിയെ പോഷിപ്പിക്കുന്നതിനും മുടിയുടെ വളര്ച്ചയെ ഉത്തേജിപ്പിക്കുന്നതിനും സഹായിക്കുന്നു. തലയോട്ടി വൃത്തിയാക്കുകയും ഉള്ളിലെ മാലിന്യങ്ങളും അഴുക്കും ഇല്ലാതാക്കാന് സഹായിക്കുകയും ചെയ്യുന്നു.
എങ്ങനെ തയ്യാറാക്കാം
2 ടേബിള്സ്പൂണ് അരച്ച ഇഞ്ചി, അല്പം വെള്ളം എന്നിവയാണ് ആവശ്യം. ഇഞ്ചി നന്നായി ചതച്ചെടുത്ത് സ്ഥിരത ലഭിക്കുന്നതിന് കുറച്ച് വെള്ളം ചേര്ത്ത് മിക്സ് ചെയ്യുക. ഈ പേസ്റ്റ് തലയോട്ടിയിലും മുടിവേരുകളിലും പുരട്ടുക. ഒരു മണിക്കൂര് നേരം ഉണങ്ങാന് വിട്ട ശേഷം മിതമായ ഷാംപൂ ഉപയോഗിച്ച് മുടി കഴുകുക. മികച്ച ഗുണങ്ങള്ക്കായി ആഴ്ചയില് ഒന്നോ രണ്ടോ തവണ ഇത് ചെയ്യാവുന്നതാണ്.
Most
read:വേനലില്
മുടി
കേടാകില്ല,
കരുത്തും
ആരോഗ്യവും
ഉറപ്പ്;
ആയുര്വ്വേദ
വഴികള്
ഇതാ
ഇഞ്ചി, നാരങ്ങ
ഇഞ്ചിയും നാരങ്ങയും ഒരുമിച്ച് ചേരുന്നതിലൂടെ മുടിയുടെ പിഎച്ച് സന്തുലിതമാക്കാനും മുടി വളര്ച്ച പ്രോത്സാഹിപ്പിക്കാനും സഹായിക്കുന്നു. മുടിയെ കേടുകൂടാതെ സൂക്ഷിക്കാനും മുടിയെ പോഷിപ്പിക്കാനും ഈ കൂട്ട് സഹായിക്കുന്നു. മുടി വീണ്ടും വളര്ത്താനുള്ള മികച്ച വഴിയാണ് ഇഞ്ചിയും നാരങ്ങയും പ്രയോഗിക്കുന്നതിലൂടെ നിങ്ങള്ക്ക് ലഭിക്കുന്നത്. സിട്രിക് ആസിഡിന്റെയും ആന്റി മൈക്രോബയല് ഗുണങ്ങളുടെയും മികച്ച സംയോജനവും ഇതിലുണ്ട്.
എങ്ങനെ തയാറാക്കാം
2 ടേബിള്സ്പൂണ് അരച്ച ഇഞ്ചി, 3 ടേബിള്സ്പൂണ് എള്ള് എണ്ണ, അര ടീസ്പൂണ് നാരങ്ങ നീര് എന്നിവയാണ് നിങ്ങള്ക്ക് ആവശ്യം. എല്ലാ ചേരുവകളും നന്നായി യോജിപ്പിച്ച് പേസ്റ്റ് രൂപത്തിലാക്കുക. ഈ കൂട്ട് നിങ്ങളുടെ മുടിയിലും തലയോട്ടിയിലും പുരട്ടുക. അല്പനേരം കഴിഞ്ഞ് തല നന്നായി കഴുകുക. മികച്ച ഗുണങ്ങള്ക്കായി ആഴ്ചയില് ഒരിക്കല് ഇത് ചെയ്യാവുന്നതാണ്.
Also read:കണ്ണിനു ചുറ്റുമുള്ള കറുപ്പ് നിശ്ശേഷം നീക്കാം; ഈ 4 വിധത്തില് നാരങ്ങ ഉപയോഗിക്കൂ
ഉള്ളി ജ്യൂസ്, ഇഞ്ചി
മുടി കൊഴിച്ചില് അനുഭവിക്കുന്നവര്ക്കും മുടി വീണ്ടും വളരാന് കഴിയാത്തവര്ക്കും ഫലപ്രദവും പ്രയോജനകരവുമായ മറ്റൊരു മാസ്കാണ് ഇത്. സള്ഫറില് സമ്പുഷ്ടമായ സവാള ഫോളിക്കിളുകളെ പുനരുജ്ജീവിപ്പിക്കാനും മുടിയുടെ വളര്ച്ചയ്ക്കു സഹായിക്കുകയും ചെയ്യുന്നു. മുടി നന്നായി കട്ടിയുള്ളതായി കാണാനും ഇത് സഹായിക്കുന്നു.
എങ്ങനെ തയാറാക്കാം
2 ടേബിള്സ്പൂണ് അരച്ച ഇഞ്ചി, 1 ചെറിയ സവാള എന്നിവയാണ് നിങ്ങള്ക്ക് ആവശ്യം. ചതച്ച ഇഞ്ചി, സവാള എന്നിവയില് നിന്ന് നീര് പിഴിഞ്ഞെടുക്കുക. ഇത് ചെയ്യുന്നതിന് ഒരു കോട്ടണ് തുണി ഉപയോഗിക്കുക. ഈ ജ്യൂസ് തലയോട്ടിയില് തേച്ചു പിടിപ്പിച്ച് അരമണിക്കൂറോളം കാത്തിരിക്കുക. ശേഷം മിതമായ ഷാമ്പൂ ഉപയോഗിച്ച് മുടി കഴുകുക. മികച്ച ഫലങ്ങള്ക്കായി ആഴ്ചയില് രണ്ടുതവണ ഇത് ചെയ്യാവുന്നതാണ്.
Most
read:ചൂടുകാലത്ത്
ചര്മ്മത്തില്
ചുവപ്പും
ചൊറിച്ചിലും;
പ്രതിവിധി
ഈ
ആയുര്വേദ
വഴി
ഇഞ്ചി, വെളുത്തുള്ളി
മുടി വീണ്ടും വളരുന്നതിനും മുടിയിഴകളെ ശക്തിപ്പെടുത്തുന്നതിനും ഇഞ്ചിയും വെളുത്തുള്ളി ജ്യൂസും മിക്സ് ചെയ്ത് ഉപയോഗിക്കുന്നതിലൂടെ സഹായിക്കും. ഈ കൂട്ട് മുടിയുടെ അവസ്ഥ മെച്ചപ്പെടുത്തുന്നതിനും പോഷിപ്പിക്കുന്നതിനും സഹായിക്കുന്നു. മറ്റ് അവശ്യ എണ്ണകളുമായി ചേര്ക്കുമ്പോള് നിങ്ങളുടെ തലമുടി മിനുസമാര്ന്നതുമാകുന്നു. മുടിക്ക് തിളക്കം നല്കാനും ഈ കൂട്ട് സഹായകമാകുന്നു.
എങ്ങനെ തയാറാക്കാം
1 ടേബിള് സ്പൂണ് ഇഞ്ചി, രണ്ട് ടീസ്പൂണ് തേന്, 2 ടേബിള്സ്പൂണ് തേങ്ങാപ്പാല്, 2 ടേബിള്സ്പൂണ് വെളിച്ചെണ്ണ, 3 അല്ലി വെളുത്തുള്ളി എന്നിവയാണ് ആവശ്യം. എല്ലാ ചേരുവകളും നന്നായി യോജിപ്പിച്ച് മിനുസമാര്ന്ന പേസ്റ്റ് ഉണ്ടാക്കുക. നിങ്ങളുടെ തലമുടി ഭാഗങ്ങളായി വിഭജിച്ച് തലയോട്ടിയിലും മുടിവേരുകളിലും ഈ മാസ്ക് പുരട്ടുക. 45 മിനിറ്റ് നേരം ഉണങ്ങാന് വിട്ട ശേഷം നിങ്ങളുടെ മുടി നന്നായി കഴുകുക. ആഴ്ചയില് രണ്ടുതവണ ഈ മാസ്ക് പ്രയോഗിക്കാവുന്നതാണ്.
Most read:താരന് ഒന്നല്ല, പലതരം ; അറിഞ്ഞിരിക്കൂ ഇവ
കക്കിരി, ഇഞ്ചി
മുടിയുടെ മറ്റ് പ്രശ്നങ്ങള് പരിഹരിക്കാനും ഇഞ്ചി സഹായിക്കും. കക്കിരി, കാരിയര് ഓയില് എന്നിവ ഉപയോഗിച്ച് തയാറാക്കുന്ന ഈ കൂട്ട് താരന് നീക്കാനും സഹായിക്കുന്നു. മങ്ങിയതും ദുര്ബലവുമായ മുടി പ്രശ്നമാകുന്നവര്ക്ക് ഈ മാസ്ക് പരീക്ഷിക്കുന്നതിലൂടെ കൂടുതല് ശക്തമായ മുടിയിഴകള് ലഭിക്കുന്നു. മുടികൊഴിച്ചിലിന് മികച്ച പ്രതിവിധി കൂടിയാണ് ഈ മാസ്ക്.
എങ്ങനെ തയാറാക്കാം
1 ടേബിള് സ്പൂണ് ഇഞ്ചി, അര കപ്പ് അരിഞ്ഞ കക്കിരി, 1 ടേബിള് സ്പൂണ് വെളിച്ചെണ്ണ, 1 ടേബിള് സ്പൂണ് ഒലിവ് ഓയില് എന്നിവയാണ് നിങ്ങള്ക്ക് ആവശ്യം. ഈ കൂട്ടുകള് യോജിപ്പിച്ച് പേസ്റ്റ് രൂപത്തിലാക്കുക. അതിനുശേഷം എണ്ണ ചേര്ക്കുക. ഈ പേസ്റ്റ് മുടിയില് പുരട്ടി ഒരു മണിക്കൂര് ഉണങ്ങാന് വിടുക. ശേഷം ഷാംപൂ ഉപയോഗിച്ച് തല നന്നായി കഴുകുക. ആഴ്ചയില് ഒരിക്കല് ഈ മാസ്ക് പ്രയോഗിക്കാവുന്നതാണ്.
Most read:താരന് നിശ്ശേഷം നീക്കാന് മൈലാഞ്ചിക്കൂട്ട്
ഇഞ്ചി, മുരിങ്ങയില
മുടിയുടെ വളര്ച്ചയ്ക്ക് അത്യുത്തമമാണ് മുരിങ്ങയില. ഈ കാര്യം മിക്കവര്ക്കും കൂടുതല് അറിവുണ്ടാവുന്നതായിരിക്കില്ല. മുടിയുടെ വളര്ച്ചയ്ക്ക് ഇഞ്ചിയുമായി ചേര്ത്ത് മുരിങ്ങയില ഉപയോഗിക്കാവുന്നതാണ്. ഇവയിലെ ആന്റിഓക്സിഡന്റുകള് ആരോഗ്യമുള്ള മുടി കണ്ടീഷന് ചെയ്ത് മികച്ചതാക്കി മാറ്റുന്നു. വിറ്റാമിന് എ, വിറ്റാമിന് സി എന്നിവ മുടി കൊഴിച്ചില് തടയാന് സഹായിക്കുന്നു. മുടിയുടെ കേടുപാടുകള് തീര്ത്ത് മുടി ശക്തിപ്പെടുത്താന് ഈ മാസ്ക് ഗുണം ചെയ്യുന്നു.
എങ്ങനെ തയാറാക്കാം
1 ടേബിള് സ്പൂണ് ഇഞ്ചി, ഒരു പിടി മുരിങ്ങ ഇല, അല്പം വെള്ളം എന്നിവയാണ് ആവശ്യം. മുരിങ്ങയില തിളപ്പിച്ച ശേഷം ഇതിലേക്ക് ചതച്ച ഇഞ്ചി ചേര്ത്ത് പത്ത് മിനിറ്റ് തിളപ്പിക്കുക. തിളച്ചുകഴിഞ്ഞ്് ഇത് തണുപ്പിക്കാനായി മാറ്റി വയ്ക്കുക. മുടി ഷാംപൂ ചെയ്ത് കഴുകിയ ശേഷം ഈ മുരിങ്ങ മിശ്രിതം തലയില് തേച്ച് പിടിപ്പിച്ച് നന്നായി കഴുകുക. ആഴ്ചയില് ഒരിക്കല് ഇത് ചെയ്യാവുന്നതാണ്.
Most read:മുടികൊഴിച്ചിലിന് ഉള്ളിയിലുണ്ട് ഉഗ്രന് കൂട്ട്
മുടിക്ക് ഇഞ്ചിയുടെ ഗുണങ്ങള്
മുടിയുടെ ആരോഗ്യത്തിനും മുടിയിഴകള് മെച്ചപ്പെടുത്തുന്നതിനും ശക്തിപ്പെടുത്തുന്നതിനും ഇഞ്ചി ജ്യൂസ് ഗുണം ചെയ്യും. മുടികൊഴിച്ചില് നിയന്ത്രണത്തിനായി ഇഞ്ചി സഹായിക്കുകയും മുടിയുടെ വളര്ച്ച പ്രോത്സാഹിപ്പിക്കുകയും ചെയ്യുന്നു. മുടിയെ നന്നായി സംരക്ഷിക്കുന്ന ആന്റിഓക്സിഡന്റ് ഗുണങ്ങളും ഇഞ്ചിയില് ഉണ്ട്. ധാതുക്കളും അവശ്യ എണ്ണകളും മുടി കട്ടിയുള്ളതും ശക്തവുമാകാന് സഹായിക്കുന്നു. ഇത് മുടിയുടെ സാന്ദ്രത വര്ദ്ധിപ്പിക്കാന് സഹായിക്കുകയും ചെയ്യുന്നു.
മുടിക്ക് ഇഞ്ചിയുടെ ഗുണങ്ങള്
മുടിയിലെ അണുബാധയോ ബാക്ടീരിയയോ എളുപ്പത്തില് പുറന്തള്ളാന് ഇഞ്ചിയിലെ ആന്റിസെപ്റ്റിക് ഗുണങ്ങള് ഉപയോഗിച്ച് സാധിക്കും. ഇത് തലയോട്ടി ആഴത്തില് വൃത്തിയാക്കുകയും മുടി കൊഴിച്ചില് തടയുകയും ചെയ്യുന്നു. താരന് ബാധിച്ചവര്ക്ക് ഇഞ്ചി പുരട്ടാവുന്നതാണ്. കാരണം താരന്റെ ചൊറിച്ചില് ഒഴിവാക്കാന് ഇത് വളരെയധികം സഹായിക്കുന്നു. തലമുടിയില് പതിവായി ഇഞ്ചി ഉപയോഗിക്കുന്നതിലൂടെ വരണ്ട തലയോട്ടിയിലെ പ്രശ്നങ്ങള് പരിഹരിക്കാനാകും.