താരനെ തുരത്താന്‍ 2 ടീസ്പൂണ്‍ ബേക്കിംഗ് സോഡ

താരന് ബേക്കിംഗ് സോഡ

താരന്‍ നീക്കാനായി ഒരു കപ്പ് ഇളം ചൂടുള്ള വെള്ളത്തില്‍ 2-3 ടേബിള്‍സ്പൂണ്‍ ചേര്‍ത്ത് നിങ്ങള്‍ക്ക് ബേക്കിംഗ് സോഡ ഉപയോഗിക്കാം. നന്നായി കലര്‍ത്തി തലയോട്ടിയില്‍ പുരട്ടുക. സൗമ്യമായി മസാജ് ചെയ്ത് ഒന്നോ രണ്ടോ മിനിറ്റ് വിടുക. ശേഷം മുടി ഷാംപൂ ഉപയോഗിച്ച് കഴുകുക.

ആപ്പിള്‍ സിഡെര്‍ വിനെഗറും ബേക്കിംഗ് സോഡയും

ആപ്പിള്‍ സിഡെര്‍ വിനെഗറിന്റെ അസിഡിറ്റിയും ബേക്കിംഗ് സോഡയുടെ ക്ഷാരത്വവും തലയോട്ടിയിലെ പി.എച്ച് നില സന്തുലിതമാക്കുന്നതിനായി പ്രവര്‍ത്തിക്കുന്നു. ബേക്കിംഗ് സോഡയുടെയും ആപ്പിള്‍ സിഡെര്‍ വിനെഗറിന്റെയും ആന്റിഫംഗല്‍ ഗുണങ്ങള്‍ താരന്‍ ഒഴിവാക്കാന്‍ സഹായിക്കുന്നു.

എങ്ങനെ തയ്യാറാക്കാം

2 ടീസ്പൂണ്‍ ബേക്കിംഗ് സോഡ, 2-3 ടേബിള്‍സ്പൂണ്‍ ആപ്പിള്‍ സിഡെര്‍ വിനെഗര്‍ എന്നിവയാണ് നിങ്ങള്‍ക്കാവശ്യം. ഈ രണ്ട് ചേരുവകളും ചേര്‍ത്ത് മിശ്രിതം തലയോട്ടിയില്‍ പുരട്ടി ഒന്നോ രണ്ടോ മിനിറ്റ് മസാജ് ചെയ്യുക. ശേഷം തണുത്ത വെള്ളത്തില്‍ മുടി കഴുകുക. ആഴ്ചയില്‍ 2 തവണ ഇത്തരത്തില്‍ ചെയ്യുന്നത് ഫലം ചെയ്യും

നാരങ്ങയും ബേക്കിംഗ് സോഡയും

നാരങ്ങാ നീരില്‍ ആന്റിഫംഗല്‍ ഗുണങ്ങളുണ്ട്. താരന്‍ ഉണ്ടാക്കുന്ന ഫംഗസ് ഒഴിവാക്കാന്‍ ഇത് സഹായിക്കുന്നു. 2 ടേബിള്‍സ്പൂണ്‍ നാരങ്ങ നീര്, ഒന്നര ടീസ്പൂണ്‍ ബേക്കിംഗ് സോഡ എന്നിവ നേര്‍ത്ത പേസ്റ്റ് രൂപത്തിലാക്കി തലയോട്ടിയില്‍ പുരട്ടുക. ഇത് മസാജ് ചെയ്ത് 2 - 3 മിനിറ്റ് വിടുക. ശേഷം മുടി തണുത്ത വെള്ളത്തില്‍ കഴുകുക. മികച്ച ഫലങ്ങള്‍ക്കായി ആഴ്ചയില്‍ 2 തവണ ഇത് ചെയ്യുക.

ഒലിവ് ഓയിലും ബേക്കിംഗ് സോഡയും

ബേക്കിംഗ് സോഡ തലയിലെ അധിക എണ്ണയും ഗ്രിമും നീക്കം ചെയ്യാനും ഫംഗസ് അണുബാധ ഇല്ലാതാക്കാനും സഹായിക്കും. ഒലിവ് ഓയില്‍ തലയോട്ടിയില്‍ മികച്ച രീതിയില്‍ പ്രവര്‍ത്തിച്ച് താരന്‍ ഒഴിവാക്കാന്‍ സഹായിക്കുന്നു. ഈ ഹെയര്‍ പായ്ക്കിലെ മുട്ടയുടെ മഞ്ഞക്കരു നിങ്ങളുടെ മുടിയുടെ വളര്‍ച്ചയെ പ്രോത്സാഹിപ്പിക്കുകയും ചെയ്യുന്നു.

എങ്ങനെ തയ്യാറാക്കാം

1 ടീസ്പൂണ്‍ ബേക്കിംഗ് സോഡ, 1 മുട്ടയുടെ മഞ്ഞക്കരു, 1 ടേബിള്‍ സ്പൂണ്‍ ഒലിവ് ഓയില്‍ എന്നിവയാണ് നിങ്ങള്‍ക്ക് വേണ്ടത്. ഒലിവ് ഓയില്‍ ചെറുതായി ചൂടാക്കി മുട്ടയുടെ മഞ്ഞക്കരു ചേര്‍ക്കുക. ഇതിലേക്ക് ബേക്കിംഗ് സോഡാ പൊടി ചേര്‍ത്ത് നന്നായി ഇളക്കുക. ഈ ഹെയര്‍ പായ്ക്ക് തലയോട്ടിയില്‍ പുരട്ടി ഏകദേശം 20 മിനിറ്റ് ഉണങ്ങാന്‍ വിടുക. ശേഷം നിങ്ങളുടെ മുടി ആദ്യം ഇളം ചൂടുള്ള വെള്ളത്തിലും തുടര്‍ന്ന് തണുത്ത വെള്ളത്തിലും കഴുകുക. ആഴ്ചയില്‍ 2 തവണ ഈ ഹെയര്‍ പായ്ക്ക് പ്രയോഗിക്കുന്നത് താരന്‍ നീക്കാന്‍ സഹായിക്കും.

വെളിച്ചെവെളിച്ചെണ്ണയും ബേക്കിംഗ് സോഡയുംണ്ണയും ബേക്കിംഗ് സോഡയും

വെളിച്ചെണ്ണ മുടിയിഴകളില്‍ ആഴത്തില്‍ കയറി മുടിയിലെ പ്രോട്ടീന്‍ നഷ്ടം കുറയ്ക്കുന്നു. ഇത് തലയോട്ടിയിലെ വരള്‍ച്ചയും ചൊറിച്ചിലും ലഘൂകരിക്കുകയും ഈര്‍പ്പം നിലനിര്‍ത്താന്‍ സഹായിക്കുകയും ചെയ്യുന്നു. താരന്‍ തടയാന്‍ ഈ ഗുണങ്ങള്‍ സഹായിക്കും. തേന്‍ ഒരു കണ്ടീഷണറായി പ്രവര്‍ത്തിക്കുകയും മുടിക്ക് തിളക്കം നല്‍കുകയും ചെയ്യുന്നു.

എങ്ങനെ തയ്യാറാക്കാം

ഒന്നര ടീസ്പൂണ്‍ ബേക്കിംഗ് സോഡ, 1 ടേബിള്‍ സ്പൂണ്‍ വെളിച്ചെണ്ണ, 1 ടേബിള്‍ സ്പൂണ്‍ തേന്‍ എന്നിവയാണ് ആവശ്യം. വെളിച്ചെണ്ണയില്‍ ബേക്കിംഗ് സോഡയും തേനും ചേര്‍ത്ത് നന്നായി ഇളക്കുക. ഈ മിശ്രിതം തലയോട്ടിയില്‍ പുരട്ടി 20 - 30 മിനിറ്റ് വിടുക. ശേഷം നിങ്ങളുടെ മുടി പതിവുപോലെ കഴുകുക. ഈ ഹെയര്‍ മാസ്‌ക് നിങ്ങള്‍ക്ക് ആഴ്ചയില്‍ 2 തവണ പ്രയോഗിക്കാവുന്നതാണ്.

ബേക്കിംഗ് സോഡയും ടീ ട്രീ ഓയിലും

ടീ ട്രീ ഓയിലിലെ ആന്റിഫംഗല്‍ ഗുണങ്ങള്‍ താരന്‍ ചികിത്സയ്ക്ക് സഹായിക്കുന്നു. ഇത് ബേക്കിംഗ് സോഡയുമായി ചേര്‍ന്ന് തലമുടിയില്‍ നിന്ന് താരന്‍ ഉണ്ടാക്കുന്ന ഫംഗസിനെ ഇല്ലാതാക്കുന്നു. 2 ടീസ്പൂണ്‍ ബേക്കിംഗ് സോഡ, ഏതാനു തുള്ളി ടീ ട്രീ ഓയില്‍, 1/2 കപ്പ് വെള്ളം എന്നിവയാണ് നിങ്ങള്‍ക്കാവശ്യം. എല്ലാ ചേരുവകളും ചേര്‍ത്ത് മിശ്രിതം തലയോട്ടിയില്‍ പുരട്ടുക. 15 മിനിറ്റിനു ശേഷം മുടി കഴുകുക. താരനില്‍ നിന്ന് ആശ്വാസം ലഭിക്കുന്നതുവരെ ആഴ്ചയില്‍ 2 തവണ ഇങ്ങനെ ചെയ്യുക.