ഈ എണ്ണയിട്ടാല്‍ ഏത് തലയിലും മുടി വളരും

Updated: Wednesday, February 10, 2021, 15:48 [IST]

മിക്ക അടുക്കളകളിലും കണ്ടുവരുന്നതാണ് വെളുത്തുള്ളി. ഇത് നിങ്ങളുടെ ഭക്ഷണത്തിന് രുചി വര്‍ധിപ്പിക്കാനായി സാധാരണ ഉപയോഗിച്ചുവരുന്നു. അതിനുമുപരിയായി, പണ്ടുമുതലേ പല രോഗങ്ങള്‍ക്കുമുള്ള പ്രതിവിധിയായും വെളുത്തുള്ളി പേരുകേട്ടതാണ്. ആരോഗ്യം മാത്രമല്ല, സൗന്ദര്യം കൂട്ടാനും വെളുത്തുള്ളി നിങ്ങള്‍ക്ക് ഉപയോഗിക്കാം. മുടിയുടെ വളര്‍ച്ചയ്ക്ക് ഫലപ്രദമായ പ്രതിവിധി കൂടിയാണ് വെളുത്തുള്ളി.

മുടിയുടെ വളര്‍ച്ചയ്ക്ക് ആവശ്യമായ വിറ്റാമിനുകളും ധാതുക്കളും വെളുത്തുള്ളിയില്‍ അടങ്ങിയിട്ടുണ്ട്. വെളുത്തുള്ളിയില്‍ കാല്‍സ്യം, സിങ്ക് തുടങ്ങിയ ധാതുക്കള്‍ അടങ്ങിയിട്ടുണ്ട്. ഈ പോഷകങ്ങള്‍ ആരോഗ്യമുള്ള മുടിവളര്‍ച്ചയ്ക്ക് നിങ്ങളെ സഹായിക്കും. വെളുത്തുള്ളി എണ്ണ ഉപയോഗിച്ച് തലയോട്ടിയില്‍ മസാജ് ചെയ്യുന്നത് മുടി വേരുകളെ ശക്തിപ്പെടുത്തുകയും ചെയ്യും. ഈ ലേഖനത്തില്‍ വെളുത്തുള്ളി എണ്ണ തയ്യാറാക്കുന്ന വിധവും മുടി വളരാന്‍ വെളുത്തുള്ളി എങ്ങനെ സഹായിക്കുന്നു എന്നും വായിച്ചറിയാം. ഒപ്പം മുടിക്ക് വെളുത്തുള്ളി കൊണ്ട് തയാറാക്കി ഉപയോഗിക്കാവുന്ന ചില മാസ്‌കുകളും പരിചയപ്പെടാം.

വെളുത്തുള്ളി എണ്ണ എങ്ങനെ തയ്യാറാക്കാം

മുടി വളര്‍ച്ചയ്ക്കായി വെളുത്തുള്ളി എണ്ണ വീട്ടില്‍ തന്നെ എളുപ്പത്തില്‍ തയാറാക്കാവുന്നതാണ്. നിങ്ങള്‍ ചെയ്യേണ്ടത് കുറച്ച് അല്ലി വെളുത്തുള്ളി ഒലിവ് ഓയിലോ അല്ലെങ്കില്‍ വെളിച്ചെണ്ണയോ ചേര്‍ത്ത് ചൂടാക്കുക മാത്രമാണ്. ഏത് എണ്ണയാണ് വേണ്ടതെന്ന് നിങ്ങളുടെ മുടിയുടെ യോജിപ്പിന് അനുസരിച്ച് തെരഞ്ഞെടുക്കാം. ഇത് ചൂടാക്കിയ ശേഷം ഒരു പാത്രത്തില്‍ എടുത്ത് കുറഞ്ഞത് ഒരാഴ്ചയെങ്കിലും തണുത്തതും വരണ്ടതുമായ സ്ഥലത്ത് സൂക്ഷിക്കുക. ഒരാഴ്ചത്തെ സമയത്തിന് ശേഷം, ഇത് നിങ്ങളുടെ തലയില്‍ ഉപയോഗിക്കാവുന്നതാണ്.

മുടിവളര്‍ച്ചയ്ക്ക് വെളുത്തുള്ളി എങ്ങനെ ഗുണം ചെയ്യുന്നു

* വെളുത്തുള്ളിയില്‍ ആന്റി മൈക്രോബയല്‍ ഗുണങ്ങളുണ്ട്, ഇത് തലയോട്ടിക്ക് കേടുപാടുകള്‍ വരുത്തുന്നതിനും മുടിയുടെ വളര്‍ച്ചയെ തടസ്സപ്പെടുത്തുന്നതിനും കാരണമാകുന്ന അണുക്കളെയും ബാക്ടീരിയകളെയും കൊല്ലാന്‍ സഹായിക്കുന്നു.

* അസംസ്‌കൃത വെളുത്തുള്ളിയില്‍ വിറ്റാമിന്‍ സി അടങ്ങിയിട്ടുണ്ട്. ഇത് മുടിയുടെ ആരോഗ്യത്തെ പ്രോത്സാഹിപ്പിക്കുന്നതിന് മികച്ചതാണ്.

* മുടിയുടെ വളര്‍ച്ചയെ ഉത്തേജിപ്പിക്കുന്ന കൊളാജന്‍ ഉല്‍പാദനവും വെളുത്തുള്ളി വര്‍ദ്ധിപ്പിക്കുന്നു.

മുടിവളര്‍ച്ചയ്ക്ക് വെളുത്തുള്ളി

* മുടിയുടെ പരമാവധി പോഷണത്തിനായി രക്തചംക്രമണം വര്‍ദ്ധിപ്പിക്കാന്‍ വെളുത്തുള്ളിയില്‍ അടങ്ങിയിരിക്കുന്ന സെലിനിയം സഹായിക്കുന്നു.

* മുടിയിഴകളെ ശുദ്ധീകരിക്കാനും അവയെ ശക്തിപ്പെടുത്താനും തടസ്സമുണ്ടാക്കാതിരിക്കാനും മുടി കൊഴിച്ചില്‍ തടയാനും സഹായിക്കുന്നു.

* വെളുത്തുള്ളി തലയോട്ടിയെ ശാന്തമാക്കാന്‍ സഹായിക്കുകയും താരന്‍ പോലുള്ള പ്രശ്നങ്ങളെ ചികിത്സിക്കുകയും ചെയ്യുന്നു.

മുടിവളരാന്‍ വെളുത്തുള്ളിയും ഇഞ്ചിയും

വെളുത്തുള്ളി, ഇഞ്ചി എന്നിവ ചതച്ച് പേസ്റ്റ് രൂപത്തിലേക്ക് യോജിപ്പിക്കുക. ഇപ്പോള്‍ കുറച്ച് വെളിച്ചെണ്ണ ഒഴിച്ച് പേസ്റ്റ് ചൂടാക്കുക. പള്‍പ്പ് തവിട്ടുനിറമാകാന്‍ തുടങ്ങിയാല്‍, വാങ്ങി വയ്ക്കുക. എണ്ണ തണുത്തുകഴിഞ്ഞാല്‍ പള്‍പ്പ് ഉപേക്ഷിച്ച് അവശേഷിക്കുന്ന എണ്ണ 15 മിനിറ്റ് നേരം തലയോട്ടിയില്‍ മസാജ് ചെയ്യുക. എണ്ണ മുടിയിലും പുരട്ടുക. 30 മിനിറ്റ് കഴിഞ്ഞ് കഴുകിക്കളയുക.

മുടികൊഴിച്ചിലിന് വെളുത്തുള്ളിയും വെളിച്ചെണ്ണയും

അരിഞ്ഞ വെളുത്തുള്ളി ചെറുതായി ചൂടാക്കിയ വെളിച്ചെണ്ണയില്‍ കലര്‍ത്തുക. മിശ്രിതം തലയോട്ടിയിലും മുടിയിലും മസാജ് ചെയ്ത് കഴുകുന്നതിനുമുമ്പ് 30 മിനിറ്റ് വിടുക. വെളുത്തുള്ളി മാത്രം ഉപയോഗിക്കുന്നത് ചര്‍മ്മത്തെ പ്രകോപിപ്പിക്കും, കാരണം ഇത് ശക്തമായ ഘടകമാണ്. അതിനാല്‍, ചര്‍മ്മത്തില്‍ പ്രകോപിപ്പിക്കാനുള്ള സാധ്യത കുറയ്ക്കുന്നതിന് അതില്‍ എന്തെങ്കിലും ചേര്‍ക്കേണ്ടത് അത്യാവശ്യമാണ്. കൂടാതെ, വെളുത്തുള്ളി അവശ്യ എണ്ണകള്‍ ഉപയോഗിക്കരുത്.

മുടിവളര്‍ച്ചയ്ക്ക് വെളുത്തുള്ളിയും ഇഞ്ചിയും

വെളുത്തുള്ളിയും റോസ്മേരി ഓയിലും

റോസ്മേരി ഓയില്‍ മുടിയുടെ വളര്‍ച്ചയെ സഹായിക്കും, കാസ്റ്റര്‍ ഓയില്‍ മുടിയുടെ തിളക്കം വര്‍ദ്ധിപ്പിക്കും. മുടിയുടെ വളര്‍ച്ച വര്‍ദ്ധിപ്പിക്കുന്നതിന് ഇവ ഒരുമിച്ച് പ്രവര്‍ത്തിക്കുമ്പോള്‍, വെളിച്ചെണ്ണ ആഴത്തില്‍ തുളച്ചുകയറുകയും മുടിക്ക് മികച്ച അവസ്ഥ നല്‍കുകയും ചെയ്യുന്നു. 5 ടേബിള്‍സ്പൂണ്‍ വെളുത്തുള്ളി എണ്ണ, 1 ടേബിള്‍ സ്പൂണ്‍ കാസ്റ്റര്‍ ഓയില്‍, 1 ടേബിള്‍ സ്പൂണ്‍ വെളിച്ചെണ്ണ, 1/2 ടീസ്പൂണ്‍ റോസ്മേരി ഓയില്‍ എന്നിവയാണ് ആവശ്യം. എല്ലാ എണ്ണകളും ഒരു പാത്രത്തില്‍ ചേര്‍ത്ത് നന്നായി ഇളക്കുക. രണ്ട് ടേബിള്‍സ്പൂണ്‍ മിശ്രിതം ഉപയോഗിച്ച് തലയോട്ടിയില്‍ മസാജ് ചെയ്യുക. 15 മിനിറ്റ് മസാജിംഗിന് ശേഷം, മുടിയിലും പുരട്ടുക. 30 മിനിറ്റിനു ശേഷം ഷാംപൂ ഉപയോഗിച്ച് കഴുകിക്കളയുക. ഇത് ആഴ്ചയില്‍ 3 തവണ ചെയ്യാവുന്നതാണ്.