മുടി വളര്‍ത്താന്‍ മാജിക്ക് പോലെ ഗുണംചെയ്യും ഈ ഹെയര്‍ മാസ്‌ക്‌

ഉലുവ, എള്ളെണ്ണ പായ്ക്ക്

കുറച്ച് അരിഞ്ഞ പുതിനയില, 5 ടീസ്പൂണ്‍ എള്ള് എണ്ണ, 2 ടീസ്പൂണ്‍ ഉലുവ എന്നിവയാണ് ഇതിനാവശ്യം. ഒരു പാത്രത്തില്‍ എണ്ണ ചൂടാക്കി പുതിന ഇലകളും ഉലുവയും ചേര്‍ക്കുക. ഇത് നന്നായി തിളച്ചുകഴിഞ്ഞാല്‍ പാത്രത്തില്‍ നിന്ന് മാറ്റി തണുപ്പിക്കുക. ഈ എണ്ണ അരിച്ചെടുത്ത് തലയോട്ടിയിലും മുടിയിലും പുരട്ടുക. തലയോട്ടിയിലെ ബാക്ടീരിയകളെ അകറ്റാനും മുടിയിഴകളെ പോഷിപ്പിക്കാനും മുടിയുടെ വളര്‍ച്ച വര്‍ദ്ധിപ്പിക്കാനും ഈ ഹെയര്‍ പായ്ക്ക് നിങ്ങളെ സഹായിക്കും. ആഴ്ചയില്‍ ഒരിക്കല്‍ ഇത് പുരട്ടുക.

നെല്ലിക്ക പൊടിയും ഉലുവ പേസ്റ്റും

2 ടീസ്പൂണ്‍ ആവണക്കെണ്ണ, 3 ടീസ്പൂണ്‍ ഉലുവ, 1 ടീസ്പൂണ്‍ നെല്ലിക്ക പൊടി എന്നിവയാണ് നിങ്ങള്‍ക്കാവശ്യം. ഈ എല്ലാ ചേരുവകളും നന്നായി മിക്‌സ് ചെയ്ത് നിങ്ങളുടെ തലയോട്ടിയില്‍ പുരട്ടുക. നിങ്ങളുടെ മുടിയുടെ വേരുകളിലും തലയോട്ടിയിലും ഒരു മണിക്കൂര്‍ പുരട്ടിവിട്ട ശേഷം പാരബെന്‍സില്ലാത്ത ഒരു ഓര്‍ഗാനിക് ഷാംപൂ ഉപയോഗിച്ച് മുടി കഴുകുക. ആഴ്ചയില്‍ രണ്ടുതവണ ഇത് ആവര്‍ത്തിക്കുക.

നാരങ്ങയും ഉലുവയും

3 ടീസ്പൂണ്‍ ഉലുവ, 4 ടീസ്പൂണ്‍ നാരങ്ങ നീര് എന്നിവയാണ് നിങ്ങള്‍ക്കാവശ്യം. രാത്രി മുഴുവന്‍ തണുത്ത വെള്ളത്തില്‍ ഉലുവ മുക്കിവയ്ക്കുക. രാവിലെ, ഇത് അരച്ച് പേസ്റ്റ് ആക്കി നാരങ്ങ നീര് ചേര്‍ത്ത് ഇളക്കുക. ഈ പേസ്റ്റ് തലയോട്ടിയില്‍ പ്രയോഗിച്ച് 45 മിനിറ്റ് കഴിഞ്ഞ് തണുത്ത വെള്ളത്തില്‍ കഴുകുക. ആഴ്ചയില്‍ ഒരിക്കല്‍ ഇങ്ങനെ ചെയ്യുന്നത് നിങ്ങളുടെ മുടി വളരാന്‍ സഹായിക്കും.

ഉലുവയും കറിവേപ്പിലയും

3 ടീസ്പൂണ്‍ ഉലുവ, അല്‍പം കറിവേപ്പില, 3/4 കപ്പ് വെളിച്ചെണ്ണ എന്നിവയാണ് ഇതിനായി നിങ്ങള്‍ക്കാവശ്യം. കുറഞ്ഞ തീയില്‍ ചട്ടിയില്‍ എണ്ണ ചൂടാക്കി 2 മിനിറ്റിനു ശേഷം ഉലുവയും കറിവേപ്പില ഇലകളും ചേര്‍ക്കുക. 10 മിനിറ്റ് എണ്ണ തിളപ്പിച്ച ശേഷം മിശ്രിതം തണുക്കാനായി മാറ്റിവയ്ക്കുക. എണ്ണ തണുത്തുകഴിഞ്ഞ് ഒരു പാത്രത്തിലേക്ക് മാറ്റുക. ഈ എണ്ണ തലയോട്ടിയിലും മുടിയിലും പുരട്ടി തുണി കൊണ്ട് മുടി പൊതിയുക. 45 മിനിറ്റ് കഴിഞ്ഞ് ഒരു ഹെര്‍ബല്‍ ഷാംപൂ ഉപയോഗിച്ച് തല കഴുകുക. ആഴ്ചയില്‍ രണ്ടുതവണ ഈ എണ്ണ മുടിയില്‍ പുരട്ടുക.

ഉലുവ, വെളിച്ചെണ്ണ മാസ്‌ക്

4 ടീസ്പൂണ്‍ ഉലുവ പൊടി, 5 ടീസ്പൂണ്‍ വെളിച്ചെണ്ണ എന്നിവ നന്നായി ചേര്‍ത്ത് മിശ്രിതമാക്കി തലയോട്ടിയിലും മുടിയിലും മസാജ് ചെയ്യുക. കുറഞ്ഞത് 2 മണിക്കൂറെങ്കിലും തലയില്‍ ഇത് ഉണങ്ങാന്‍ വിട്ടശേഷം ഇളം ചൂടുള്ള വെള്ളത്തില്‍ കഴുകിക്കളയുക. മുടി പൊട്ടുന്നത് പരിഹരിക്കാന്‍ മികച്ചതാണ് ഈ ഹെയര്‍ പായ്ക്ക്. ആഴ്ചയില്‍ ഒരിക്കല്‍ ഇത് ഉപയോഗിക്കുക.

കറ്റാര്‍ വാഴ, ഉലുവ പായ്ക്ക്

2 ടീസ്പൂണ്‍ കറ്റാര്‍ വാഴ പേസ്റ്റ്, 2 ടീസ്പൂണ്‍ ഉലുവ, 1 ടീസ്പൂണ്‍ തേന്‍ എന്നിവയാണ് ഈ ഹെയര്‍ പായ്ക്കിനായി നിങ്ങള്‍ക്ക് ആവശ്യമുള്ള സാധനങ്ങള്‍. എല്ലാ ചേരുവകളും നന്നായി ചേര്‍ത്ത് തലയോട്ടിയില്‍ പുരട്ടുക. ഈ പായ്ക്ക് ഒരു മണിക്കൂര്‍ ഉണങ്ങാന്‍ വിടുക. ശേഷം മൃദുവായ ഷാംപൂ ഉപയോഗിച്ച് പായ്ക്ക് കഴുകിക്കളയുക. നിങ്ങളുടെ മുടി മികച്ചതാക്കാന്‍ ഇത് സഹായിക്കും.

ഉലുവ, തൈര് പായ്ക്ക്

5 ടീസ്പൂണ്‍ തൈര്, 3 ടീസ്പൂണ്‍ ഉലുവ എന്നിവയാണ് ഇതിനായി നിങ്ങള്‍ക്കാവശ്യം. ഒരു രാത്രി വെള്ളത്തില്‍ ഉലുവ മുക്കിവയ്ക്കുക. രാവിലെ, ഇത് അരച്ച് പേസ്റ്റ് ഉണ്ടാക്കി തൈര് ചേര്‍ക്കുക. ഇത് തലയോട്ടിയില്‍ മസാജ് ചെയ്ത് 30 മിനിറ്റ് വിടുക. ശേഷം ചെറുചൂടുള്ള വെള്ളത്തില്‍ തല കഴുകുക. ഈ പായ്ക്ക് തലയോട്ടിയിലെ അണുബാധ കുറയ്ക്കുകയും മുടിയുടെ വളര്‍ച്ചയെ പ്രോത്സാഹിപ്പിക്കുകയും ചെയ്യും. ആഴ്ചയില്‍ ഒരിക്കല്‍ ഈ പായ്ക്ക് പ്രയോഗിക്കുന്നത് നിങ്ങളുടെ മുടിയെ മികച്ചതാക്കി മാറ്റും.