ഒറ്റമുടി കൊഴിയില്ല, താരനും ഇല്ലേയില്ല: കറിവേപ്പില പൊടിക്കൈ

കറിവേപ്പില

കറിവേപ്പില നിങ്ങളുടെ മുടിയുടെ ആരോഗ്യത്തിന് വളരെ മികച്ചതാണ്. എന്നിരുന്നാലും, ആന്റി ബാക്ടീരിയല്‍, ആന്റി-ഇന്‍ഫ്‌ലമേറ്ററി ഗുണങ്ങള്‍ക്ക് പേരുകേട്ട കാര്‍ബസോള്‍ ആല്‍ക്കലോയിഡുകള്‍ എന്ന സംയുക്തം കറിവേപ്പിലയില്‍ അടങ്ങിയിട്ടുണ്ട്. ഇത് നിങ്ങളുടെ മുടിക്ക് ധാരാളം ഗുണങ്ങള്‍ നല്‍കുന്നുണ്ട്. ഈ ഗുണങ്ങള്‍ തലയോട്ടിയിലെ അണുബാധയും താരനും അകറ്റാനും മുടിയുടെ ശക്തി വര്‍ദ്ധിപ്പിക്കാനും സഹായിക്കുന്നു. ഇതില്‍ പ്രോട്ടീന്‍, വിറ്റാമിന്‍ ബി, സി, ബീറ്റാ കരോട്ടിന്‍ എന്നിവ അടങ്ങിയിട്ടുണ്ട്. ഇത് മുടി കൊഴിച്ചിലിനും മുടിവളര്‍ച്ചയെ പ്രോത്സാഹിപ്പിക്കുന്നതിനും സഹായിക്കുന്നുണ്ട്.

നാരങ്ങ ഓയില്‍

നാരങ്ങ ആരോഗ്യത്തിനും ഭക്ഷണത്തിനും പാചകത്തിനും എല്ലാം മികച്ചതാണ്. കാരണം ഇതില്‍ വിറ്റാമിന്‍ സി, മഗ്‌നീഷ്യം, കാല്‍സ്യം, ആന്റി ഓക്‌സിഡന്റുകള്‍, ഫ്‌ലേവനോയ്ഡുകള്‍ എന്നിവ ധാരാളം അടങ്ങിയിട്ടുണ്ട്. നാരങ്ങ ഓയില്‍ നമ്മുടെ രോമകൂപങ്ങളെ ശക്തിപ്പെടുത്തുകയും, ഫംഗസ് ഉണ്ടാക്കുന്ന താരനെ പ്രതിരോധിക്കുകയും, തലയോട്ടിയിലെ അണുബാധകള്‍ക്കെതിരെ പോരാടുകയും ചെയ്ത് മുടി ശക്തമാക്കുന്നതിനും സഹായിക്കുന്നു. വിറ്റാമിന്‍ സി സാധാരണ മുടി വളര്‍ച്ചയില്‍ നിര്‍ണായക പങ്ക് വഹിക്കുകയും മുടി വളര്‍ച്ചയെ പ്രോത്സാഹിപ്പിക്കുകയും ചെയ്യുന്നു.

എങ്ങനെ എണ്ണ തയ്യാറാക്കാം?

കറിവേപ്പില, നാരങ്ങയെണ്ണ തയ്യാറാക്കുന്നതിന് വേണ്ടി എന്തൊക്കെയാണ് ആവശ്യമുള്ള വസ്തുക്കള്‍ എന്ന് നോക്കാം. കറിവേപ്പില നല്ലതുപോലെ ഉണങ്ങിയത്, നാരങ്ങ എണ്ണ, വെളിച്ചെണ്ണ എന്നിവയാണ് ആവശ്യമുള്ള വസ്തുക്കള്‍. ഇത് തയ്യാറാക്കുന്നത് എങ്ങനെയെന്ന് നോക്കാം. അതിനായി ആദ്യം വൃത്തിയുള്ള ഒരു ഗ്ലാസ് പാത്രത്തില്‍ വെളിച്ചെണ്ണ ഒഴിക്കുക, എന്നിട്ട് അതില്‍ ചതച്ച കറിവേപ്പില ചേര്‍ക്കുക

പിന്നീട് കുറച്ച് തുള്ളി നാരങ്ങ അവശ്യ എണ്ണ ചേര്‍ക്കുക. അവശ്യ എണ്ണ അളവില്‍ അമിതമായി പോകരുത്. കാരണം ഇത് കൂടുതലായാല്‍ അത് പലപ്പോഴും ചര്‍മ്മത്തെ പ്രകോപിപ്പിക്കും. ഇത് കൂടാതെ ഇത് തയ്യാറാക്കി മിക്‌സ് ചെയ്ത് നല്ലതുപോലെ ഫില്‍ട്ടര്‍ ചെയ്ത് എടുക്കുക.

എങ്ങനെ ഉപയോഗിക്കണം?

എങ്ങനെ ഈ എണ്ണ ഉപയോഗിക്കണം എന്ന് നമുക്ക് നോക്കാവുന്നതാണ്. അതിനായി ഒരു ടീസ്പൂണ്‍ എണ്ണ എടുത്ത് തലയില്‍ തേക്കുക. തലയോട്ടിയിലും മുടിയുടെ മുഴുവന്‍ നീളത്തിലും എണ്ണ നന്നായി മസാജ് ചെയ്യുക. ശേഷം 15-20 മിനിറ്റ് ഇത് തലയില്‍ തന്നെ വെക്കുക. തുടര്‍ന്ന് ഷാംപൂ ഉപയോഗിച്ച് മുടി കഴുകുന്നതിന് ശ്രദ്ധിക്കേണ്ടതാണ്. ഇത് 5-6 മാസങ്ങള്‍ തുടര്‍ച്ചയായി ഉപയോഗിക്കാവുന്നതാണ്. അതുകൊണ്ട് തന്നെ മുടിയുടെ ആരോഗ്യത്തിന് ഏറ്റവും മികച്ചതാണ് ഇതെന്ന കാര്യത്തില്‍ സംശയം വേണ്ട.

എപ്പോഴെല്ലാം ഉപയോഗിക്കണം?

ദിവസത്തില്‍ എത്രപ്രാവശ്യം എപ്പോഴെങ്കിലും ഇത് ഉപയോഗിക്കണം എന്ന് നോക്കാവുന്നതാണ്. ആഴ്ചയില്‍ ഒന്നോ രണ്ടോ തവണയെങ്കിലും മുടി വളരാന്‍ ഈ ഹെയര്‍ ഓയില്‍ ഉപയോഗിക്കുക. സ്ഥിരമായ ഉപയോഗത്തിന് ശേഷം മാത്രമേ നിങ്ങള്‍ക്ക് ഫലം കാണാന്‍ സാധിക്കുകയുള്ളൂ. ഇനി അധികം സമയം കളാതെ നമുക്ക് ഈ മിശ്രിതം മുടിയില്‍ ഉപയോഗിക്കാവുന്നതാണ്. ഇത് നിങ്ങളുടെ മുടിയില്‍ മികച്ച ഗുണങ്ങള്‍ നല്‍കുന്നുണ്ട്.