കറുത്തിരുണ്ട ചുരുളന്‍ മുടിക്ക് നല്ല പച്ചക്കറിവേപ്പിലയും ആവണക്കെണ്ണയും

ആവണക്കെണ്ണ കറിവേപ്പില മിക്‌സ്

നല്ല പച്ച കറിവേപ്പില വെയിലത്തിട്ട് ഉണക്കി പൊടിച്ചെടുത്ത് അത് ആവണക്കെണ്ണയില്‍ മിക്‌സ് ചെയ്യുക. നല്ലതു പോലെ മിക്‌സ് ചെയ്ത ശേഷം ഈ എണ്ണ ചെറുതായി ചൂടാക്കുക. ശേഷം രണ്ടോ മൂന്നോ ദിവസം കഴിഞ്ഞ് ഈ എണ്ണ മുടിയില്‍ നല്ലതുപോലെ തേച്ച് പിടിപ്പിക്കാവുന്നതാണ്. നിങ്ങളുടെ അത്ഭുതപ്പെടുത്തുന്ന തരത്തിലുള്ള മാറ്റം ചുരുങ്ങിയ ദിവസങ്ങള്‍ക്കുള്ളില്‍ തന്നെ ഉണ്ടാവുന്നു. ആരോഗ്യമുള്ള നല്ല കരുത്തുറ്റ മുടിയിഴകള്‍ ഉണ്ടാവും എന്നതില്‍ സംശയം വേണ്ട. അത്രയേറെ പവ്വറുള്ള എണ്ണയാണ് ആവണക്കെണ്ണ കറിവേപ്പില മിശ്രിതം. ഇത് ആഴ്ചയില്‍ രണ്ട് തവണയെങ്കിലും മുടിയില്‍ തേച്ച് പിടിപ്പിക്കണം. അതിന് ശേഷം 15 മിനിറ്റെങ്കിലും കഴിഞ്ഞ് മാത്രമേ കുളിക്കാന്‍ പാടുകയുള്ളൂ. എങ്കില്‍ മാത്രമേ പൂര്‍ണമായും മുടിക്ക് ഗുണം ലഭിക്കുകയുള്ളൂ.

മുടിവളരാന്‍

മുടി വളരുന്നതിന് ഈ മിശ്രിതം വളരെയധികം സഹായിക്കുന്നു. ഇത് തലയില്‍ തേച്ച് പിടിപ്പിക്കുന്നതിലൂടെ അത് നിങ്ങളുടെ മുടി ആരോഗ്യത്തോടെ വളരുന്നതിന് സഹായിക്കുന്നു. മുടിയുടെ ആരോഗ്യത്തെ നശിപ്പിക്കുന്ന പല പ്രശ്‌നങ്ങളേയും ഇല്ലാതാക്കി മുടി ആരോഗ്യത്തോടെ വളരുന്നതിന് ആവണക്കെണ്ണയും കറിവേപ്പിലയും മിക്‌സ് ചെയ്ത് എണ്ണ സഹായിക്കുന്നു. ഇത് മുടിയുടെ ആരോഗ്യത്തെ വളരെയധികം സഹായിക്കുന്നു. എന്ന് മാത്രമല്ല മുടിക്ക് തിളക്കം നല്‍കുന്നതിനും മുടി നല്ല കറുത്ത നിറത്തില്‍ വളരുന്നതിനും സഹായിക്കുന്നു.

അകാല നരക്ക് പരിഹാരം

പലരേയും അലട്ടുന്ന ഒന്നാണ് അകാല നര. ഇത് പല കാരണങ്ങള്‍ കൊണ്ട് ഉണ്ടാവും. ചിലരില്‍ പാരമ്പര്യമായി ഉണ്ടാവുന്നു. ചിലരിലാകട്ടെ ജീവിത ശൈലിയിലെ മാറ്റങ്ങള്‍ മൂലം ഉണ്ടാവുന്നു. ഇതിനെയെല്ലാം അകറ്റുന്നതിനും മുടിക്ക് കറുപ്പ് നിറം നല്‍കുന്നതിനും നമുക്ക് ഈ എണ്ണ ഉപയോഗിക്കാവുന്നതാണ്. ഇത് മുടിയുടെ ആഴത്തില്‍ ഇറങ്ങിച്ചെന്ന് അകാലനരയെന്ന പ്രശ്‌നത്തെ പാടേ ഇല്ലാതാക്കുന്നതിന് സഹായിക്കുന്നു. എല്ലാ വിധത്തിലും മുടിക്കുണ്ടാവുന്ന പ്രതിസന്ധിക്ക് പരിഹാരം കാണുന്നതിന് സഹായിക്കുന്നതാണ് ഈ എണ്ണ. വാര്‍ദ്ധക്യത്തിലുണ്ടാവുന്ന നരയേയും നമുക്ക് ഇതിലൂടെ ഇല്ലാതാക്കാന്‍ സാധിക്കുന്നുണ്ട്.

കഷണ്ടിക്ക് പരിഹാരം

പുരുഷന്‍മാരില്‍ കഷണ്ടിയും സ്ത്രീകളില്‍ മുടി കൊഴിച്ചിലും നെറ്റികയറലും വളരെയധികം അസ്വസ്ഥതകള്‍ ഉണ്ടാക്കുന്നത് തന്നെയാണ്. അതിനെ പ്രതിരോധിക്കുക എന്നതാണ് നാം ശ്രദ്ധിക്കേണ്ട കാര്യം. കഷണ്ടിയെ ഇല്ലാതാക്കുന്നതിനും മുടിക്ക് നല്ല ബലവും ആരോഗ്യവും നല്‍കുന്നതിനും ഈ എണ്ണ മികച്ചതാണ്. ഇതിലൂടെ മുടിയുടെ ആരോഗ്യം നമുക്ക് നിലനിര്‍ത്താം. നെറ്റികയറലിനേയും മുടി കൊഴിച്ചിലിനേയും നമുക്ക് പൂര്‍ണമായും ഇതിലൂടെ ഇല്ലാതാക്കാന്‍ സാധിക്കുന്നു.

അറ്റം പിളരുന്നതിന് പരിഹാരം

മുടിയുടെ അറ്റം പിളരുക എന്നതും പലരിലും അസ്വസ്ഥത ഉണ്ടാക്കുന്നതാണ്. അതിനെ പരിഹരിക്കുന്നതിന് വേണ്ടിയാണ് നാം ഓരോരുത്തരും മിനക്കെടുന്നത് പലപ്പോഴും. പലരും മുടിയുടെ അറ്റം മുറിക്കുന്നതിലൂടെ ഈ പ്രശ്‌നത്തെ ഒരു പരിധി വരെ ഇല്ലാതാക്കുന്നു. എന്നാല്‍ മുടിയുടെ അറ്റം മുറിക്കാതെ തന്നെ ആവണക്കെണ്ണയും കറിവേപ്പിലയും ഉപയോഗിച്ച് അറ്റം പിളരുന്നതിനെ തടയാവുന്നതാണ്. ഈ എണ്ണ മുടിയുടെ ഓരോ ഇഴയറ്റത്തും എത്തുന്ന രീതിയില്‍ തേച്ച് പിടിപ്പിക്കണം. ഇതിലൂടെ മുടിയുടെ അറ്റം പിളരുക എന്ന പ്രശ്‌നത്തെ നമുക്ക് ഇല്ലാതാക്കാം.