മുപ്പത് കഴിഞ്ഞുള്ള മുടി കൊഴിച്ചില്‍ പെട്ടെന്ന് പരിഹരിക്കാം: ആവണക്കെണ്ണ മിക്‌സ്

ആവണക്കെണ്ണ

മുടിയുടെ ആരോഗ്യത്തിനും മുടിയിഴകള്‍ക്ക് ശക്തി പകരുന്നതിനും വേണ്ടി ആവണക്കെണ്ണ പലപ്പോഴും ഉപയോഗിക്കുന്നത് നമ്മുടെയെല്ലാം ശീലവും നമ്മളില്‍ പലരും കണ്ടിട്ടുള്ളതുമാണ്. ഇത് നിങ്ങളുടെ മുടിയുടേയും തലയോട്ടിയുടേയും ആരോഗ്യം മെച്ചപ്പെടുത്തുന്നതിനും ആരോഗ്യമുള്ള മുടി തലയില്‍ മുളക്കുന്നതിനും കാരണമാകുന്നു. ആവണക്കെണ്ണ തേക്കുന്നതിലൂടെ അത് തലയോട്ടിയിലെ രക്തചംക്രമണം വര്‍ദ്ധിപ്പിക്കുന്നതിനും അതോടൊപ്പം തന്നെ മറ്റ് മുടി സംരക്ഷണ ഉത്പ്പന്നങ്ങള്‍ മൂലമുണ്ടാവുന്ന പ്രശ്‌നങ്ങള്‍ പരിഹരിക്കുന്നതിനും സഹായിക്കുന്നു. രോമകൂപങ്ങളില്‍ നിന്ന് തന്നെ മുടി വളര്‍ച്ചയെ പ്രോത്സാഹിപ്പിക്കുന്നതിനും ആവണക്കെണ്ണ സഹായിക്കുന്നു.

വേവിച്ച ചോറ്

ആരോഗ്യസംരക്ഷണത്തിന് നമ്മുടെ പലരുടേയും സ്ഥിര ഭക്ഷണങ്ങളില്‍ ഒന്നാണ് വേവിച്ച ചോറ്. ഇത് മുടി വളര്‍ച്ചക്കും അത്യുത്തമമാണ്. കാരണം ഇവയില്‍ അമിനോ ആസിഡുകള്‍, വിറ്റാമിന്‍ ബി, വിറ്റാമിന്‍ ഇ, ധാതുക്കള്‍, ആന്റിഓക്സിഡന്റുകള്‍ എന്നിവ ധാരാളം അടങ്ങിയിട്ടുണ്ട്. ഇത് നിങ്ങളുടെ മുടി നല്ലതുപോലെ തിളങ്ങുന്നതിനും സോഫ്റ്റ് ആയി നിലനിര്‍ത്തുന്നതിനും സഹായിക്കുന്നു. മുടിയുടെ തിളക്കം വീണ്ടെടുക്കുന്നതിന് സഹായിക്കുന്ന ഇനോസിറ്റോള്‍ എന്ന ഘടകം ചോറില്‍ അടങ്ങിയിട്ടുണ്ട് ഇത് മുടിയുടെ കേടുപാടുകള്‍ പൂര്‍ണമായും പരിഹരിച്ച് മുടിയുടെ കേടുപാടുകളില്‍ നിന്ന് സംരക്ഷിക്കുന്നതിന് സഹായിക്കുന്നു. കൂടാതെ അരിയില്‍ ഫെറുലിക് ആസിഡും അടങ്ങിയിട്ടുണ്ട്, ഇത് അള്‍ട്രാ വയലറ്റ് (UV) കേടുപാടുകള്‍ തടയാന്‍ സഹായിക്കും. മാത്രമല്ല ആന്റിഓക്സിഡന്റായ വിറ്റാമിന്‍ ഇ, വിറ്റാമിന്‍ ഇ എന്നിവയുടെ ഗുണങ്ങളും ഇതിലൂടെ ലഭിക്കുന്നു.

ഹെയര്‍മാസ്‌ക് തയ്യാറാക്കാം

ഹെയര്‍മാസ്‌ക് തയ്യാറാക്കുന്നതിന് വേണ്ടി ചോറ്, ആവണക്കെണ്ണ, വെള്ളം എന്നിവയാണ് ആവശ്യമായിട്ടുള്ളത്. അതിന് വേണ്ടി നമുക്ക് ഒരു മിക്‌സിയിലേക്ക് അല്‍പം അരി ആവണക്കെണ്ണ അല്‍പം വെള്ളം എന്നിവ മിക്‌സ് ചെയ്യുക. ഇത് നല്ലതുപോലെ പേസ്റ്റ് രൂപത്തിലാക്കി യോജിപ്പിച്ച് ആവശ്യമെങ്കില്‍ അല്‍പം വെള്ളം കൂടി ചേര്‍ക്കുക. ഇത് നല്ലതുപോലെ മുടി നനച്ചതിന് ശേഷം മുടിയില്‍ തേച്ച് പിടിപ്പിക്കുക. മുടിയിലും തലയോട്ടിയിലും നല്ലതുപോലെ അപ്ലൈ ചെയ്ത ശേഷം അരമണിക്കൂര്‍ നേരം മുടിയില്‍ വെക്കുക. നല്ല ശുദ്ധമായ വെള്ളത്തില്‍ കഴുകിക്കളയാവുന്നതാണ്. വീര്യം കുറഞ്ഞ ഷാമ്പൂ ഉപയോഗിച്ച് വേണം കഴുകിക്കളയുന്നതിന്. ഇത് മുടിക്ക് നല്ല തിളക്കം വര്‍ദ്ധിപ്പിക്കുന്നു.

ഗുണങ്ങള്‍

മുടിയുടെ ആരോഗ്യ സംരക്ഷണത്തിന് എന്തുകൊണ്ടും ഈ മാസ്‌ക് പൂര്‍ണമായും യോജിക്കുന്നു എന്നത് നമുക്കറിയാം. ആരോഗ്യ സംരക്ഷണത്തിനും കേശസംരക്ഷണത്തിനും ഒരുപോലെ ഗുണം ചെയ്യുന്ന മാസ്‌ക് ആണ് ഇത്. മുടിക്ക് തിളക്കം നല്‍കുന്നതിന് സഹായിക്കുന്നതോടൊപ്പം തന്നെ മുടി കൊഴിച്ചില്‍ പൂര്‍ണമായും ഇല്ലാതാക്കുന്നതിനും സഹായിക്കുന്നു. കഷണ്ടി പോലുള്ള പ്രശ്‌നങ്ങള്‍ കൊണ്ട് കഷ്ടപ്പെടുന്നവര്‍ക്ക് അതിന് പരിഹാരം കാണുന്നതിനും ഈ ഹെയര്‍മാസ്‌ക് ഉത്തമ പരിഹാരമാണ്. മുടി സോഫ്റ്റ് ആക്കുന്നതിനും ചകിരി പോലുള്ള മുടിയെ പൂര്‍ണമായും പരിഹരിക്കുന്നതിനും വേണ്ടി നമുക്ക് ഈ മാസ്‌ക് ധൈര്യമായി ഉപയോഗിക്കാവുന്നതാണ്. തലയോട്ടിയില്‍ രക്തയോട്ടം വര്‍ദ്ധിപ്പിച്ച് മുടി വളര്‍ച്ചക്കും സഹായിക്കുന്നു ഈ മിശ്രിതം.