മുടിയില്‍ നരകയറി തുടങ്ങിയോ: പേടിക്കേണ്ട കട്ടന്‍ചായയിലെ അഞ്ച് വഴികള്‍ നരമാറ്റും ഉറപ്പ്

കട്ടന്‍ ചായ

മുടിയുടെ ആരോഗ്യത്തിന് വേണ്ടി കട്ടന്‍ ചായ നമുക്ക് മുടിയില്‍ ഉപയോഗിക്കാം. ഇത് നിങ്ങളുടെ മുടിയുടെ നര കുറക്കുന്നതിനും മുടിക്ക് ആരോഗ്യം വര്‍ദ്ധിപ്പിക്കുന്നതിനും സഹായിക്കുന്നു. കാരണം കട്ടന്‍ ചായയില്‍ ടാനിക് ആസിഡ് അടങ്ങിയിട്ടുണ്ട്. ഇതിന്റെ ഉപയോഗത്തിലൂടെ ഇത് മുടിയുടെ കറുപ്പ് നിറത്തെ നമുക്ക് വീണ്ടെടുക്കാവുന്നതാണ്. അതിന് വേണ്ടി ആദ്യം അല്‍പം കട്ടന്‍ ചായ ഉണ്ടാക്കുക. ഇത് നല്ലതുപോലെ തണുപ്പിച്ച ശേഷം അത് കൊണ്ട് മുടി നല്ലതുപോലെ കഴുകുന്നതിന് ശ്രദ്ധിക്കുക. അരമണിക്കൂര്‍ വരെ ഇത് മുടിയില്‍ ഉണ്ടായിരിക്കാന്‍ ശ്രദ്ധിക്കണം. ആഴ്ചയില്‍ രണ്ട് തവണ ഇത്തരത്തില്‍ ചെയ്യാവുന്നതാണ്. ഇതിലൂടെ നിങ്ങള്‍ക്ക് മുടിയിലെ നര ഇല്ലാതാക്കാവുന്നതാണ്.

കാപ്പിയും ചായയും മിക്‌സ് ചെയ്യുക

മുടിയുടെ ആരോഗ്യത്തിന് ചായ എന്ന പോലെ തന്നെയാണ് കാപ്പി ഉപയോഗിക്കുന്നത്. എന്നാല്‍ കാപ്പിയും ചായയും മിക്‌സ് ചെയ്ത് ഉപയോഗിക്കുന്നതിലൂടെ അത് നിങ്ങളുടെ മുടിക്ക് പെട്ടെന്നാണ് നിറം മാറ്റം വരുത്തുന്നത്. അതിന് വേണ്ടി മൂന്ന് കട്ടന്‍ ടീ ബാഗുകള്‍ എടുത്ത് മൂന്ന് കപ്പ് വെള്ളത്തില്‍ തിളപ്പിക്കുക. അതിന് ശേഷം ഈ മിശ്രിതത്തിലേക്ക് മൂന്ന് ടേബിള്‍സ്പൂണ്‍ ഇന്‍സ്റ്റന്റ് കോഫി ചേര്‍ക്കുക. ഇത് നല്ലതുപോലെ അഞ്ച് മിനിറ്റോളം തിളപ്പിക്കുക. തണുത്ത ശേഷം ഒരു ബ്രഷ് അല്ലെങ്കില്‍ ഹെയര്‍ കളര്‍ ആപ്ലിക്കേറ്റര്‍ എടുത്ത് ഇത് നിങ്ങളുടെ മുടിയില്‍ നല്ലതുപോലെ പുരട്ടുക. ഒരു മണിക്കൂര്‍ കഴിഞ്ഞ് ഇത് കഴുകിക്കളയാവുന്നതാണ്. ഇത് മുടിയുടെ ആരോഗ്യത്തിന് സഹായിക്കുന്നു എന്ന പോലെ തന്നെ നരയെ നീക്കം ചെയ്യുന്നതിനും സഹായിക്കുന്നു.

കട്ടന്‍ ചായയും നാരങ്ങ നീരും

കട്ടന്‍ ചായയും നാരങ്ങ നീരും മിക്‌സ് ചെയ്ത് ഉപയോഗിക്കുന്നതും നിങ്ങളില്‍ ഇത്തരം ഗുണങ്ങള്‍ നല്‍കുന്നതാണ്. അതിന് വേണ്ടി നല്ല കടുപ്പത്തില്‍ കട്ടന്‍ ചായ തയ്യാറാക്കണം, ശേഷം ഇതിലേക്ക് അര മുറി നാരങ്ങയുടെ നീര് ഒഴിക്കുക. പിന്നീട് ഇത് കൊണ്ട് നല്ലതുപോലെ തലമുടി കഴുകുക. ഇത് നിങ്ങളുടെ മുടിയില്‍ ഒരു 15-20 മിനിറ്റെങ്കിലും ഇരിക്കണം. ആഴ്ചയില്‍ മൂന്ന് തവണയെങ്കിലും ഇപ്രകാരം ചെയ്യേണ്ടതാണ്. ഇത് നിങ്ങളുടെ മുടിയുടെ കറുപ്പ് നിറം സംരക്ഷിക്കുകയും മുടിയുടെ ആരോഗ്യം നിലനിര്‍ത്തുകയും ചെയ്യുന്നു. ഇത് നിങ്ങളുടെ മുടിയുടെ എല്ലാ വിധത്തിലുള്ള പ്രശ്‌നങ്ങള്‍ക്കും ഒരു പരിഹാരമാണ് എന്നതില്‍ സംശയം വേണ്ട.

ഹെര്‍ബ്‌സ് ചേര്‍ന്ന കട്ടന്‍ചായ

ഹെര്‍ബ്‌സ് ഉപയോഗിച്ച് തയ്യാറാക്കുന്ന കട്ടന്‍ ചായയില്‍ നമുക്ക് മുടിയുടെ ആരോഗ്യം സംരക്ഷിക്കാം. അതിന് വേണ്ടി രണ്ട് റോസ്‌മേരി ഇലകളും രണ്ട് ഓറിഗാനോ ഇലകളും ചേര്‍ത്ത് ഏഴ് സ്പൂണ്‍ ചായപ്പൊടി മിക്‌സ് ചെയ്ത് നല്ലതുപോലെ തിളപ്പിക്കുക. ഈ മിശ്രിതം നിങ്ങളുടെ തലമുടിയില്‍ നല്ലതുപോലെ തേച്ച് പിടിപ്പിക്കാവുന്നതാണ്. നിങ്ങളുടെ മുടിയുടെ നീളവും കട്ടിയും അനുസരിച്ച് മുടിയില്‍ അങ്ങോളമിങ്ങോളം തേച്ച് പിടിപ്പിക്കുക. ഇത് ഒരു രണ്ട് മണിക്കൂര്‍ എങ്കിലും മുടിയില്‍ വെക്കണം. പിന്നീട് സാധാരണ തണുത്ത വെള്ളം ഉപയോഗിച്ച് മുടി കഴുകാവുന്നതാണ്. ഇത് മുടിയുടെ ആരോഗ്യം വര്‍ദ്ധിപ്പിക്കുന്നതിന് സഹായിക്കുന്നു. ഇവ മുടിയുടെ ആരോഗ്യവും കരുത്തും വര്‍ദ്ധിപ്പിക്കുന്നതിനും സഹായിക്കുന്നു.

കട്ടന്‍ ചായയും തുളസി ഇലയും

കട്ടന്‍ ചായ നിങ്ങളുടെ മുടിയുടെ ആരോഗ്യത്തെ സഹായിക്കുന്നു എന്നതില്‍ സംശയം വേണ്ട. എന്നാല്‍ ഇതിനൊടൊപ്പം തുളസി ഇല കൂടി ചേരുമ്പോള്‍ അത് നിങ്ങളുടെ മുടിയുടെ ആരോഗ്യത്തിന് ഇരട്ടി ഗുണം നല്‍കുന്നു. 5 ടേബിള്‍സ്പൂണ്‍ കട്ടന്‍ ചായയില്‍ അല്‍പം തുളസിയുടെ നീര് എടുത്ത് അഒഴിച്ച് അതിലേക്ക് അല്‍പം നാരങ്ങ നീര് കൂടി മിക്‌സ് ചെയ്ത് ഇത് കൊണ്ട് മുടി നല്ലതുപോലെ കഴുകാവുന്നതാണ്. മുടിയിലെ താരന്‍, അണുബാധ പ്രശ്‌നങ്ങള്‍ എന്നിവ ഇല്ലാതാക്കുന്നതിന് നമുക്ക് ഈ മിശ്രിതം ഉപയോഗിക്കാം. ഇതിലൂടെ മുടിയുടെ ആരോഗ്യത്തേയും കറുപ്പ് നിറത്തേയും നമുക്ക് വീണ്ടെടുക്കാം.