മുടികൊഴിച്ചിലിന് എളുപ്പ പരിഹാരം ഇതെല്ലാം

ആര്യവേപ്പില

താരന് പരിഹാരം കാണുന്നതിന് തക്കതായ ആന്റിബാക്ടീരിയല്‍ ഘടകങ്ങള്‍ ആര്യവേപ്പിലയില്‍ അടങ്ങിയിട്ടുണ്ട്. ഇവയുടെ തുടര്‍ച്ചയായ ഉപയോഗം വഴി നിങ്ങള്‍ക്ക് തലയോട്ടിയുടെ ആരോഗ്യം ഉറപ്പുവരുത്താനാകും. അതുപോലെതന്നെ മുടി വളര്‍ച്ചയെ പ്രോത്സാഹിപ്പിക്കുന്നതിന് വളരെ സഹായകരം കൂടിയാണ് ആര്യവേപ്പില. അതുകൊണ്ട് തന്നെ ഇത്തരം കാര്യങ്ങള്‍ മുടി കൊഴിച്ചില്‍ ഇല്ലാതാക്കുന്നതിന് സഹായിക്കുന്നുണ്ട്. ശിരോചര്‍മ്മങ്ങളിലേക്കുള്ള രക്ത പ്രവാഹത്തെ വര്‍ധിപ്പിക്കാനുള്ള പ്രത്യേക ശേഷിയുണ്ട് ആര്യവപ്പിലക്ക്. ആര്യവേപ്പില ഇട്ട് തിളപ്പിച്ച വെള്ളം ഉപയോഗിച്ചുകൊണ്ട് നിങ്ങളുടെ തലമുടി കഴുകുന്നത് വഴി ആരോഗ്യകരമായ മുടിയിഴകളും തലയോട്ടിയും ഉണ്ടാവുന്നു. അതിലൂടെ നിങ്ങള്‍ക്ക് അകാലനരയെന്ന പ്രശ്‌നത്തിന് പരിഹാരം കാണുന്നതിനും സഹായിക്കുന്നു ആര്യവേപ്പില.

തൈര്

തൈര് മുടിയുടെ ആരോഗ്യത്തിന് വളരെയധികം ഗുണം നല്‍കുന്നതാണ്. രണ്ട് സ്പൂണ്‍ തൈരിനോടൊപ്പം തേനും നാരങ്ങാനീരും ചേര്‍ത്ത് മിക്‌സ് ചെയ്‌തെടുത്ത ശേഷം ഇത് മുടിയിലും തലയോട്ടിയിലും നല്ലതു പോലെ തേച്ച് പിടിപ്പിക്കാവുന്നതാണ്. പ്രകൃതിദത്തമായ ഒരു ഒരു ഹെയര്‍ കണ്ടീഷണര്‍ ആണ് തൈര് നാരങ്ങ നീര് മിക്‌സ്. മുടിയുടെ ആരോഗ്യത്തിനും വളര്‍ച്ചയ്ക്കും സഹായിക്കുന്ന B5 വിറ്റാമിന്‍, പ്രോബയോട്ടിക്‌സ്, പ്രോട്ടീന്‍ എന്നിവ തൈരില്‍ ധാരാളമായി അടങ്ങിയിരിക്കുന്നു. തേനില്‍ അടങ്ങിയിരിക്കുന്ന ആന്റി ബാക്ടീരിയല്‍ ഘടകങ്ങള്‍ മുടിയിഴകളുടെ അറ്റം പൊട്ടിപ്പോവാതിരിക്കുന്നതിന് സഹായിക്കുന്നുണ്ട്. അതുകൊണ്ട് തന്നെ ഇത്തരം മാര്‍ഗ്ഗങ്ങള്‍ മുടി കൊഴിച്ചില്‍ പൂര്‍ണമായും നിര്‍ത്തുന്നു.

ഉലുവ

എത്ര വലിയ മുടി കൊഴിച്ചിലിനും പരിഹാരം കാണുന്നതിന് സഹായിക്കുന്ന ഒന്നാണ് ഉലുവ എന്ന കാര്യത്തില്‍ സംശയം വേണ്ട. മുടിയില്‍ ഉണ്ടാവുന്ന പല പ്രശ്‌നങ്ങള്‍ കൊണ്ടും ഇത് സംഭവിക്കാവുന്നതാണ്. എന്നാല്‍ ഈ പ്രശ്‌നത്തിന് പരിഹാരം കാണുന്നതിന് വേണ്ടിയെല്ലാം നമുക്ക് ഉലുവ ഉപയോഗിക്കാവുന്നതാണ്. ഇത് താരന്‍, പേന്‍ പോലുള്ള പ്രശ്‌നങ്ങള്‍ക്ക് പരിഹാരം നല്‍കുന്നുണ്ട്. അതോടൊപ്പം തന്നെ മുടി കൊഴിച്ചിലും നിര്‍ത്തുന്നതിന് സഹായിക്കുന്നുണ്ട്. രണ്ട് ടേബിള്‍സ്പൂണ്‍ ഉലുവ എടുത്തശേഷം രാത്രി വെള്ളത്തില്‍ കുതിര്‍ത്ത് വെക്കുക. രാവിലെ ഇത് അരച്ചെടുക്കാം. അതിനുശേഷം ഈ പേസ്റ്റ് നിങ്ങളുടെ തലയോട്ടിയില്‍ തേച്ചുപിടിപ്പിക്കുക. 30 മിനിറ്റ് കാത്തിരുന്ന ശേഷം ഷാംപൂ ഉപയോഗിച്ച് കൊണ്ട് തല കഴുകി വൃത്തിയാക്കാം. ഇതിലൂടെ താരനേയും മുടി കൊഴിച്ചിലിനേയും നമുക്ക് ഇല്ലാതാക്കാന്‍ സഹായിക്കുന്നുണ്ട്.

നെല്ലിക്ക ഓയില്‍

മുടിയുടെ ആരോഗ്യത്തിന്റെ കാര്യത്തില്‍ രണ്ടാമതൊന്ന് ചിന്തിക്കാതെ നിങ്ങള്‍ക്ക് ഉപയോഗിക്കാന്‍ സാധിക്കുന്ന ഒന്നാണ് നെല്ലിക്ക ഓയില്‍. നെല്ലിക്ക ഓയില്‍ ഉണ്ടാക്കുന്നതിന് വളരെ എളുപ്പമാണ്. ഇതിന് വേണ്ടി അല്‍പം വെളിച്ചെണ്ണ എടുത്ത് അതില്‍ ഉണങ്ങിയ നെല്ലിക്ക എടുത്ത്് അത് എണ്ണയില്‍ മൂപ്പിച്ചെടുക്കുക. ഈ എണ്ണ തണുത്തതിന് ശേഷം മുടിയില്‍ തേക്കാവുന്നതാണ്. ഇത് മുടി കൊഴിച്ചില്‍ ഇല്ലാതാക്കി മുടിക്ക് ആരോഗ്യവും കരുത്തും നല്‍കുന്നുണ്ട്. ഇതിലൂടെ മുടിയുടെ ആരോഗ്യത്തിന്റെ കാര്യത്തില്‍ രണ്ടാമതൊന്ന് ആലോചിക്കേണ്ടതായി വരുന്നില്ല. ദിവസവും ഈ എണ്ണ തേച്ച് കുളിക്കാവുന്നതാണ്.

കറ്റാര്‍വാഴ

നിങ്ങളുടെ തലമുടിയിലേയും തലയോട്ടിയിലൂടേയും പി.എച്ച് ബാലന്‍സിനെ സന്തുലിതമാക്കുവാന്‍ സഹായിക്കുന്ന വിശേഷപ്പെട്ട ഔഷധങ്ങളില്‍ ഒന്നാണ് കറ്റാര്‍വാഴ. ഇത് ശിരോചര്‍മത്തിലേക്കും മുടി വേരുകളിലേക്കും ആഴ്ന്നിറങ്ങി തലമുടിയുടെ വളര്‍ച്ച ത്വരിതപ്പെടുത്തുന്നതിന് സഹായിക്കുന്നുണ്ട്. ഇത് എടുത്ത് മുടിയില്‍ തേച്ച് പിടിപ്പിക്കാവുന്നതാണ്. ഇതിലൂടെ മുടിയുടെ ആരോഗ്യവും കരുത്തും വര്‍ദ്ധിക്കുന്നുണ്ട്. മുടിയുടെ ആരോഗ്യത്തോടൊപ്പം തന്നെ മുടി കൊഴിച്ചിലിനെ പരിഹരിക്കുന്നതിന് സഹായിക്കുന്നുണ്ട് കറ്റാര്‍വാഴ.