താരനെങ്കില്‍ വേരോടെ കളയാം ഒരുപിടി കീഴാര്‍നെല്ലി

തുളസിയില

ആരോഗ്യ കാര്യങ്ങള്‍ക്ക് മാത്രമല്ല കേശസംരക്ഷണത്തിനും സഹായിക്കുന്നു തുളസിയില. തുളസിയില കൊണ്ട് താരനെ വേരോടെ ഇല്ലാതാക്കാവുന്നതാണ്. അതിനായി തുളസിയില എങ്ങനെ ഉപയോഗിക്കണം എന്ന് നോക്കാം. തുളസിയില അരച്ച് തലയില്‍ പുരട്ടി അല്‍പസമയത്തിനു ശേഷം കഴുകിക്കളഞ്ഞാല്‍ താരനെ മാത്രമല്ല പേന്‍ശല്യത്തേയും ഇല്ലാതാക്കാം എന്നതാണ് സത്യം. ഇത് എല്ലാ വിധത്തിലും കേശസംരക്ഷണത്തിനും സഹായിക്കുന്ന മാര്‍ഗ്ഗങ്ങളില്‍ പ്രധാനപ്പെട്ട ഒന്നാണഅ തുളസിയില. ചര്‍മസംരക്ഷണത്തിനും കേശസംരക്ഷണത്തിനും ഇത് ഉപയോഗിക്കാവുന്നതാണ്.

കീഴാര്‍നെല്ലി

കീഴാര്‍ നെല്ലിയും നല്ലൊരു മുടി സംരക്ഷണ വസ്തുവാണ്. കീഴാര്‍നെല്ലി ചെടിയുടെ ഇലയും തണ്ടും നല്ലതുപോലെ അരച്ച് മുടിയില്‍ തേയ്ക്കുന്നത് താരെന പ്രതിരോധിയ്ക്കുന്നു. ഇത് മുടിക്ക് മുട്ടോളം നീളമുള്ളതാക്കുന്നതിന് സഹായിക്കുന്നു. ഇത് സൗന്ദര്യസംരക്ഷണത്തിന് അത്യാവശ്യമുള്ള ഒന്നാണ്. കീഴാര്‍ നെല്ലി എണ്ണ കാച്ചി തേക്കുന്നതും മുടിയുടെ ആരോഗ്യത്തിനും കരുത്തിനും സഹായിക്കുന്നു. ഇത് പെട്ടെന്ന് തന്നെ താരനെ പൂര്‍ണമായി അകറ്റി മുടിക്ക് തിളക്കവും നിറവും നല്‍കുന്നതിന് സഹായിക്കുന്നു.

മൈലാഞ്ചിയില

കേശസംരക്ഷണത്തിന് വളരെയധികം സഹായിക്കുന്ന മാര്‍ഗ്ഗങ്ങളില്‍ പ്രധാനപ്പെട്ട ഒന്നാണ് മൈലാഞ്ചിയില. ഇത് മുടിയുടെ ആരോഗ്യത്തിന് പരിഹാരം കാണുന്നതിന് സഹായിക്കുന്നു. അകാലനരയെന്ന വില്ലനെ പ്രതിരോധിയ്ക്കാനാണ് മൈലാഞ്ചിയില ഉപയോഗിക്കുന്നത്. എന്നാല്‍ അകാല നരക്കൊപ്പം തന്നെ താരനേയും പ്രതിരോധിയ്ക്കാന്‍ മൈലാഞ്ചിയിലക്ക് കഴിയുന്നു. മുടിയില്‍ ഉള്ള താരനെ പൂര്‍ണമായും ഇല്ലാതാക്കി പേന്‍ശല്യത്തേയും ഇല്ലാതാക്കാന്‍ സഹായിക്കുന്നു മൈലാഞ്ചിയില.

കറ്റാര്‍ വാഴ

കറ്റാര്‍ വാഴ സൗന്ദര്യസംരക്ഷണത്തിന് വളരെയധികം സഹായിക്കുന്ന ഒന്നാണ്. കേശസംരക്ഷണത്തിന്റെ കാര്യത്തില്‍ പലപ്പോഴും വളരെയധികം ഫലപ്രദമാവുന്ന ഒന്നാണ് കറ്റാര്‍വാഴ. കറ്റാര്‍ വാഴ നീരു കൊണ്ടും താരനെ പ്രതിരോധിയ്ക്കാം. കറ്റാര്‍ വാഴ നീര് തലയോട്ടിയില്‍ നല്ലതുപോലെ തേച്ച് പിടിപ്പിച്ച് അരമണിയ്ക്കൂറിനു ശേഷം കഴുകിക്കളയുക. ഇത് മുടിക്ക് ആരോഗ്യവുംകരുത്തും നല്‍കുന്നതോടൊപ്പം ആരോഗ്യത്തിനും സൗന്ദര്യത്തിനും സഹായിക്കുന്നു കറ്റാര്‍ വാഴ. പെട്ടെന്ന് തന്നെഇത്തരം പ്രതിസന്ധികള്‍ മാറ്റുന്നതിന് കറ്റാര്‍ വാഴ വളരെയധികം സഹായിക്കുന്നു.

പുതിനയില

ഭക്ഷണത്തിന്റെ കാര്യത്തില്‍ മാത്രമല്ല സൗന്ദര്യത്തിന്റേയും കേശസംരക്ഷണത്തിന്റേയും കാര്യത്തില്‍ വളരെയധികം സഹായിക്കുന്ന ഒന്നാണ് പുതിനയില. ഇത് വളരെ ഫലപ്രദമായി താരനെ ഇല്ലാതാക്കാന്‍ സഹായിക്കുന്നു. പുതിനയിലയും ഇത്തരത്തില്‍ താരനെ പ്രതിരോധിയ്ക്കുന്നു. പുതിനയില പാചകത്തിനു മാത്രമല്ല അരച്ച് തലയില്‍ പുരട്ടിയാല്‍ താരനെ പ്രതിരോധിയ്ക്കാനും ബെസ്റ്റാണ്. രണ്ട് പ്രാവശ്യത്തെ ഉപയോഗത്തില്‍ നിന്ന് തന്നെ നമുക്ക് താരനെ പൂര്‍ണമായും പ്രതിരോധിക്കാവുന്നതാണ്.

കറിവേപ്പില

താരന്‍ കളയാനുള്ള ഇല വര്‍ഗ്ഗങ്ങളില്‍ വളരെ പ്രധാനപ്പെട്ട മറ്റൊന്നാണ് കറിവേപ്പില. ഇത് പെട്ടെന്ന് തന്നെ കേശസംരക്ഷണത്തിന് സഹായിക്കുന്നു. അതിലുപരി മുടിയിലെ തലയോട്ടിയില്‍ പറ്റിപ്പിടിച്ചിരിക്കുന്ന താരനെ എന്നന്നേക്കുമായി ഇല്ലാതാക്കുന്നതിനും സഹായിക്കുന്നു. മുടി വളര്‍ച്ചയ്ക്കു സഹായിക്കുന്നവരില്‍ മുന്നിിലാണ് കറിവേപ്പില. കറിവേപ്പില അരച്ചു തലയില്‍ പുരട്ടിയാലും താരന്‍ പോകും. എന്നാല്‍ കറിവേപ്പിലയിട്ട് വെള്ളം കൊണ്ട് തല കഴുകുന്നതും താരനെ പ്രതിരോധിയ്ക്കുന്നു. പെട്ടെന്ന് പരിഹാരം കാണാന്‍സാധിക്കുന്ന ഒന്നാണ് കറിവേപ്പില.

കയ്യോന്നി

നമ്മുടെ നാട്ടിന്‍ പുറങ്ങളില്‍ സ്ഥിരമായി കണ്ടു വരുന്ന ഒന്നാണ് കയ്യോന്നി. കേശസംരക്ഷണത്തിന്റെ കാര്യത്തില്‍ വളരെയധികം സഹായിക്കുന്നു ഇത്. എല്ലാ വിധത്തിലും ആരോഗ്യത്തിനും സൗന്ദര്യത്തിനും സഹായിക്കുന്നു കയ്യോന്നി. കയ്യോന്നിയുടെ ഇല അരച്ചെടുത്ത് തലയില്‍ തേച്ചാല്‍ താരന്‍ പോവും. മാത്രമല്ല കയ്യോന്നി കൊണ്ട് എണ്ണ കാച്ചി തേച്ചാലും താരനെ പ്രതിരോധിയ്ക്കാനും മുടി വളര്‍ച്ചയ്ക്കും സഹായിക്കും. താരനും പേനും പൂര്‍ണമായും ഇല്ലാതാക്കാന്‍ സഹായിക്കുന്നു ഈ മാര്‍ഗ്ഗങ്ങള്‍.