മുടിക്ക് നീളവും ആരോഗ്യവും നല്‍കും മുത്തശ്ശിവിദ്യ

തേങ്ങാപ്പാല്‍

മുടിയുടെ ആരോഗ്യത്തിന് വളരെയധികം സഹായിക്കുന്ന ഒന്നാണ് തേങ്ങാപ്പാല്‍. ഇത് മുടിക്ക് തിളക്കവും ആരോഗ്യവും കരുത്തും നല്‍കുന്നു. പണ്ട് കാലത്ത് വെളിച്ചെണ്ണയേക്കാള്‍ കൂടുതല്‍ തേങ്ങാപ്പാലാണ് പലരും ഉപയോഗിച്ചിരുന്നത്. അതുകൊണ്ട് തന്നെയാണ് അവരുടെ മുടിക്ക് അത് തിളക്കവും ആരോഗ്യവും നല്‍കുന്നത്. തേങ്ങാപ്പാല്‍ നല്ലതു പോലെ തലയില്‍ പുരട്ടി മസ്സാജ് ചെയ്യുക. അരമണിക്കൂറിനു ശേഷം കഴുകിവൃത്തിയ്ക്കാം. ഇത് മുടിയിലെ അഴുക്കിനെ പൂര്‍ണമായും ഇല്ലാതാക്കി മുടിക്ക് തിളക്കം നല്‍കുന്നതിന് സഹായിക്കുന്നു. മാത്രമല്ല നല്ല കരുത്തുള്ള മുടി ഉണ്ടാവുന്നതിനും ഇത് സഹായിക്കുന്നു. മുടിയുടെ ആരോഗ്യം സംരക്ഷിക്കുന്നതിന് വേണ്ടി തേങ്ങാപ്പാല്‍ ഉപയോഗിക്കാവുന്നതാണ്.

നെല്ലിക്ക

കേശസംരക്ഷണത്തിന് നെല്ലിക്ക നല്‍കുന്ന ഗുണങ്ങള്‍ ചില്ലറയല്ല. ഇത് ആരോഗ്യത്തിനും കരുത്തിനും സഹായിക്കുന്നു. മുടിക്ക് വളര്‍ച്ച മാത്രമല്ല പല ഗുണങ്ങളും നെല്ലിക്ക ഉപയോഗിക്കുന്നതിലൂടെ ലഭിക്കുന്നു. നെല്ലിക്കയെല്ലാം മുടി വളര്‍ച്ചയുടെ കാര്യത്തില്‍ ഒരിക്കലും പുറകോട്ട് പോവാത്ത ഒന്നാണ്. രണ്ട് ടീസ്പൂണ്‍ നെല്ലിക്ക പൗഡറില്‍ ചെറുനാരങ്ങ നീര് ചേര്‍ത്ത് മുടിയില്‍ തേച്ച് പിടിപ്പിക്കാം. അരമണിക്കൂറിനു ശേഷം കഴുകിക്കളയാവുന്നതാണ്. ഇത് അകാല നരയെ വരെ പ്രതിരോധിക്കുന്നു. നല്ല ഉള്ളുള്ള മുടി ഉണ്ടാവും എന്ന കാര്യത്തില്‍ സംശയം വേണ്ട. അതുകൊണ്ട് തന്നെ ഇത് കേശസംരക്ഷണത്തിന് സംശയിക്കാതെ ഉപയോഗിക്കാന്‍ കഴിയുന്ന ഒന്നാണ്.

ജീരകം

ജീരകത്തിന്റെ ഉപയോഗത്തിലൂടെയും മുടിയുടെ ആരോഗ്യവും കരുത്തും നമുക്ക് സംരക്ഷിക്കാവുന്നതാണ്. ജീരകത്തിന്റെ ആരോഗ്യ ഗുണങ്ങള്‍ നമുക്കറിയാം. എന്നാല്‍ ഇതിന്റെ സൗന്ദര്യ ഗുണങ്ങളാണ് മറ്റൊരു പ്രത്യേകത. ജീരകപ്പൊടിയില്‍ അല്‍പം ഒലീവ് ഓയില്‍ ചേര്‍ത്ത് തലയില്‍ തേച്ച് പിടിപ്പിക്കാം. 15 മിനിട്ടിനു ശേഷം കഴുകിക്കളയാവുന്നതാണ്. ഇത് മുടിയില്‍ പ്രശ്‌നമുണ്ടാക്കുന്ന താരനെ എന്നന്നേക്കുമായി ഇല്ലാതാക്കുന്നു. മാത്രമല്ല മുടിക്ക് പ്രതിസന്ധി സൃഷ്ടിക്കുന്ന പല അവസ്ഥകള്‍ക്കും പെട്ടെന്ന് പരിഹാരം കാണുന്നതിന് ജീരകം മികച്ചതാണ്.

ഗ്രീന്‍ടീ ഉപയോഗിക്കാം

ഗ്രീന്‍ ടീ മുത്തശ്ശിമാര്‍ ഉപയോഗിച്ചിട്ടില്ലെങ്കിലും മുടിയുടെ ആരോഗ്യത്തിന് ഉപയോഗിക്കാവുന്ന ഒന്നാണ് ഗ്രീന്‍ ടീ. ഗ്രീന്‍ ടീ അല്‍പം മോഡേണ്‍ പരിഹാരമാണ്. ഗ്രീന്‍ ടീ ഉപയോഗിച്ച് മുടിയില്‍ നല്ലതു പോലെ മസ്സാജ് ചെയ്യുക. ഇത് മുടിവളര്‍ച്ച വര്‍ദ്ധിപ്പിക്കും. മാത്രമല്ല മുടിയുടെ ആരോഗ്യത്തിന് വില്ലനാവുന്ന പല അവസ്ഥകള്‍ക്കും പരിഹാരം കാണുന്നതിനും ഇത് സഹായിക്കുന്നു. അതുകൊണ്ട് തന്നെ ഇത്തരം അവസ്ഥകള്‍ക്ക് ഗ്രീന്‍ ടീ കേശസംരക്ഷണത്തിന് ഉത്തമമായ പരിഹാരമാണ് എന്ന കാര്യത്തില്‍ സംശയിക്കേണ്ട.

കുരുമുളക്

മുടി വളരാന്‍ കുരുമുളകോ എന്ന് വിചാരിക്കുന്നവര്‍ കേട്ടോളൂ. ഉണങ്ങിയ കുരുമുളക് പൊടിയില്‍ ചെറുനാരങ്ങ നീര് ചേര്‍ത്ത് പേസ്റ്റാക്കി ഇത് തലയില്‍ തേച്ച് പിടിപ്പിക്കാം. ഇത് താരനെ പൂര്‍ണമായും ഇല്ലാതാക്കി മുടി നല്ല ആരോഗ്യമുള്ളതും ഉള്ളുള്ളതും ആക്കി മാറ്റുന്നു. മാത്രമല്ല തലയോട്ടിയിലെ ചൊറിച്ചിലിനെ പൂര്‍ണമായും ഇല്ലാതാക്കുന്നതിനും ഇത് സഹായിക്കുന്നു. അതുകൊണ്ട് ധൈര്യമായി ഉപയോഗിക്കാവുന്ന ഒന്നാണ് കുരുമുളക് എന്ന കാര്യത്തില്‍ സംശയം വേണ്ട.

ചെമ്പരത്തി താളി

പണ്ടുള്ളവര്‍ ഉപയോഗിക്കുന്ന ഒന്നാണ് ചെമ്പരത്തി. എന്നാല്‍ ഇതിലൂടെ നമുക്ക് പല വിധത്തിലുള്ള കേശസംരക്ഷണ പ്രതിസന്ധികള്‍ക്കും പരിഹാരം കാണാവുന്നതാണ്. കാലങ്ങളായി പലരും ഉപയോഗിച്ച് ഫലം കണ്ടു കൊണ്ടിരിയ്ക്കുന്ന ഒന്നാണ് ചെമ്പരത്തി താളി. ചെമ്പരത്തി താളി മുടിയില്‍ തേച്ച് പിടിപ്പിച്ച് അരമണിക്കൂറിനു ശേഷം കഴുകിക്കളയാം. ഇത് മുടി വളരുന്നതിനും മുടിക്ക് തിളക്കം നല്‍കുന്നതിനും മുടിയുടെ ആരോഗ്യത്തിനും സഹായിക്കുന്നു.

വേവിച്ച വെളുത്തുള്ളി

മുടി വളരാന്‍ പണ്ടുള്ളവര്‍ വെളുത്തുള്ളിയിലും ഒറ്റമൂലി ചെയ്തിരുന്നു. എന്നാല്‍ അതിന് ഉപയോഗിക്കുന്നത് വേവിച്ച വെളുത്തുള്ളിയാണ് എന്നതാണ് ശ്രദ്ധിക്കേണ്ടത്. വേവിച്ച വെളുത്തുള്ളിയില്‍ ഒലീവ് ഓയില്‍ ചേര്‍ത്ത് പേസ്റ്റ് രൂപത്തിലാക്കി മുടിയില്‍ തേച്ച് പിടിപ്പിക്കാം. ഒരാഴ്ച കൊണ്ട് തന്നെ മികച്ച ഫലം നല്‍കും ഈ ഒറ്റമൂലി. പെട്ടെന്ന് തന്നെ മുടിയുടെ ആരോഗ്യം വര്‍ദ്ധിപ്പിക്കുന്ന കാര്യത്തില്‍ ഇത് വളരെയധികം സഹായിക്കുന്നു.

കര്‍പ്പൂര തുളസി എണ്ണ

കര്‍പ്പൂര തുളസിയെണ്ണയാണ് മറ്റൊരു പരിഹാരമാര്‍ഗ്ഗം. ഇത് നല്ലതു പോലെ തലയില്‍ തേച്ച് പിടിപ്പിക്കാം. കര്‍പ്പൂര തുളസിയെണ്ണ തലയില്‍ തേച്ച് പിടിപ്പിച്ച് അല്‍പസമയത്തിനു ശേഷം കഴുകിക്കളയാം. ഇത് താരനെ ഇല്ലാതാക്കി അകാല നരയെ ചെറുക്കുന്നതിന് സഹായിക്കുന്നു. പല കേശസംരക്ഷണ പ്രതിസന്ധികള്‍ക്കും അവസാന വാക്കാണ് ഇതെന്ന കാര്യത്തില്‍ സംശയിക്കേണ്ടതില്ല.