എള്ളെണ്ണ,ആവണക്കെണ്ണ, ഒറ്റമുടി കൊഴിയില്ല...

ആവണക്കെണ്ണ

മുടി മാത്രമല്ല, ശരീരത്തിലെവിടേയും രോമം വളര്‍ത്തുന്ന ഒന്നാണ് ആവണക്കെണ്ണയെന്നു പറയാം. ഫംഗസ്, ബാക്ടീരിയ, വൈറസ് എന്നിവയ്‌ക്കെതിരെ പ്രവര്‍ത്തിയ്ക്കുള്ള ശേഷിയുള്ളവയാണ് ഈ എണ്ണകള്‍. ഇതുകൊണ്ടുതന്നെ ശിരോചര്‍മത്തിലെ അണുബാധകള്‍ തടയാനുമാകും.

റിസിനോലിക് ആസിഡ്

ഇതിലെ റിസിനോലിക് ആസിഡ് തലയിലെ രക്തപ്രവാഹം വര്‍ദ്ധിപ്പിയ്ക്കാന്‍ സഹായിക്കും. ഇതു മുടിവളര്‍ച്ചയ്ക്കു സഹായിക്കുന്ന ഒരു ഘടകമാണ്. ധാരാളം ആന്റിഓക്‌സിഡന്റുകള്‍ അടങ്ങിയ ആവണെക്കെണ്ണ മുടിയെ കെരറ്റാന്‍ സമ്പുഷ്ടമാക്കുന്നു. ഇതുവഴി തിളക്കവും ആരോഗ്യവുമുള്ള മുടി നല്‍കുകയും ചെയ്യുന്നു.

ആന്റിഓക്‌സിഡന്റ്

ആന്റിഓക്‌സിഡന്റ് സമ്പുഷ്ടമാണ് ആവണക്കെണ്ണ. ഇതിലെ കെരാട്ടിന്‍ മുടി വരണ്ടുപറക്കാതെ മിനുക്കമുള്ളതായി സൂക്ഷിയ്ക്കുന്നു.

എള്ളെണ്ണ

പ്രോട്ടീന്‍, വൈറ്റമിന്‍ ഇ, ബി എന്നിവയടങ്ങിയ എള്ളെണ്ണയും മുടിയുടെ ആരോഗ്യത്തിന് അത്യുത്തമമാണ്. ഇതില്‍ മഗ്നീഷ്യം, ഫോസ്ഫറസ്, കാല്‍സ്യം എന്നിവയടങ്ങിയിട്ടുണ്ട്. ശിരോചര്‍മത്തിന്റെ വരണ്ട സ്വഭാവം മാററി മുടിവേരുകള്‍ക്കു പോഷകം നല്‍കാന്‍ ഇതു സഹായിക്കും.

ആവണക്കണ്ണ, എള്ളെണ്ണ

ആവണക്കണ്ണ, എള്ളെണ്ണ എന്നിവ ചേര്‍ന്നാല്‍ ആന്റിഓക്‌സിഡന്റുകള്‍, പ്രോട്ടീന്‍ എന്നിവ മുടിയ്ക്കു ലഭിയ്ക്കും. ഇത് മുടിയുടെ ആരോഗ്യത്തിന് അത്യുത്തമമാണ്.

രണ്ടു മിശ്രിതങ്ങളും

ഈ രണ്ടു മിശ്രിതങ്ങളും ചേര്‍ത്തു മുടി കൊഴിച്ചില്‍ എങ്ങനെ തയാന്‍ പറ്റുമെന്നറിയൂ,ആവണെക്കെണ്ണ, എള്ളെണ്ണ എന്നിവയ്‌ക്കൊപ്പം വെളിച്ചെണ്ണയും ഒലീവ് ഓയിലും കൂടി ഇതിനായി ഉപയോഗിയ്ക്കാം.

ഓയില്‍ ചൂടാക്കുക

2 ടീസ്പൂണ്‍ വീതം വെളിച്ചെണ്ണ, ഒലീവ് ഓയില്‍ എന്നിവയ്‌ക്കൊപ്പം 1 ടീസ്പൂണ്‍ വീതം ആവണെക്കെണ്ണ, എള്ളെണ്ണ എന്നിവ ചേര്‍ക്കണം. ഇത് ചെറുതായി ചൂടാക്കുക.

ഈര്‍പ്പമുള്ള മുടി

മുടി നനയ്ക്കുക. ഈര്‍പ്പമുള്ള മുടിയിലാണ് ഇതു കൂടുതല്‍ ഗുണം ചെയ്യുക. ഇത് ശിരോചര്‍മത്തില്‍ പുരട്ടി മസാജ് ചെയ്യണം. സര്‍കുലാര്‍ രീതിയില്‍ പതുക്കെ മസാജ് ചെയ്യുക.

ടവല്‍ മുക്കിപ്പിഴിഞ്ഞ്

ചൂടുവെള്ളത്തില്‍ ടവല്‍ മുക്കിപ്പിഴിഞ്ഞ് മുടിയില്‍ കെട്ടി വയ്ക്കുക. ശിരോചര്‍മമുള്‍പ്പെടെ തല മൂടിക്കെട്ടണം. ഒന്നു രണ്ടു മണിക്കൂര്‍ ശേഷം ഷാംപൂ ഉപയോഗിച്ചു കഴുകാം.