മുടി കൊഴിച്ചിലിനും താരനും ഓട്‌സിലെ ഒറ്റമൂലി

ഓട്‌സ് പാക്ക് തയ്യാറാക്കാന്‍

രണ്ട് ടേബിള്‍ സ്പൂണ്‍ പാല്‍, രണ്ട് ടേബിള്‍ സ്പൂണ്‍ ബദാം ഓയില്‍, നാല് ടേബിള്‍ സ്പൂണ്‍ ഓട്‌സ് എന്നിവ നല്ലതു പോലെ മിക്‌സ് ചെയ്യുക. ഇവ മൂന്നും കൂടി മിക്‌സ് ചെയ്ത് പേസ്റ്റ് രൂപത്തിലാക്കുക.

ഉപയോഗിക്കുന്ന വിധം

മുടിയില്‍ ഈ പേസ്റ്റ് നല്ലതു പോലെ തേച്ച് പിടിപ്പിക്കാം. 15 മിനിട്ടോളം ഇത് തലയില്‍ തേച്ച് മസ്സാജ് ചെയ്യണം. എങ്കിലേ ഉദ്ദേശിച്ച ഫലം ലഭിക്കുകയുള്ളൂ.

കഴുകിക്കളയേണ്ടത്

പതിനഞ്ച് മിനിട്ടിനു ശേഷം തലയില്‍ തേച്ച് പിടിപ്പിച്ച ഈ മിശ്രിതം കഴുകിക്കളയേണ്ടതാണ്. അതും വീര്യം കുറഞ്ഞ ഷാമ്പൂവും തണുത്ത വെള്ളവും ഉപയോഗിച്ച് കഴുകിക്കളയണം.

തലയിലെ ചൊറിച്ചിലിന് പരിഹാരം

തലയില്‍ യാതൊരു കാരണവും ഇല്ലാതെ ഉണ്ടാവുന്ന ചൊറിച്ചിലിന് പരിഹാരം കാണാന്‍ ഏറ്റവും ഉത്തമമാണ് ഈ ഓട്‌സ് പാക്ക്. മാത്രമല്ല കേശസംരക്ഷണത്തിന് വളരെയധികം സഹായിക്കുന്നു ഈ ഓട്‌സ് പാക്ക്.

താരന് പരിഹാരം

താരനെ പ്രതിരോധിക്കാന്‍ പഠിച്ച പണികള്‍ പതിനെട്ടും നോക്കിയിട്ടും പരിഹാരം കിട്ടാത്തവര്‍ക്ക് ഉത്തമമായ പരിഹാരമാണ് ഈ ഹെയര്‍പാക്ക്. ഇത് താരനെ ഇല്ലാതാക്കും എന്ന കാര്യത്തില്‍ സംശയം വേണ്ട. താരനെ പ്രതിരോധിക്കുകയും മുടി വളര്‍ച്ച കേമമാക്കുകയും ചെയ്യുന്നു.

മുടി കൊഴിച്ചില്‍ പരിഹാരം

മുടി കൊഴിച്ചിലിനും പരിഹാരം കാണുന്നു. മുടിയുടെ വേരുകള്‍ക്ക് നല്ല ബലവും മുടിക്ക് തിളക്കവും നല്‍കാന്‍ ഓട്‌സ് ഫേസ് പാക്ക് സഹായിക്കുന്നു.

ചര്‍മ്മകോശങ്ങള്‍ അടര്‍ന്നു പോരുന്നത്

ചിലര്‍ക്ക് താരന്‍ വരുമ്പോള്‍ തലയില്‍ നിന്നും തൊലി അടര്‍ന്നു പോരുന്നു. ഇതിന് പരിഹാരം കാണാന്‍ ഏറ്റവും ഉത്തമമായ ഒന്നാണ് ഓട്‌സ് ഹെയര്‍ പാക്ക്. ഓട്‌സ് ഹെയര്‍ പാക്ക് ഉപയോഗിച്ച് ഇതിന് പരിഹാരം കാണാം.

ആഴ്ചയില്‍ ഒരു തവണ

ആഴ്ചയില്‍ ഒരു തവണ ഉപയോഗിക്കാം. താരന്‍ കുറയുന്നതിനനുസരിച്ച് ഇതിന്റെ ഉപയോഗം കുറക്കാവുന്നതാണ്. നെല്ലിക്ക ഹെയര്‍പാക്കും ഇതേ പോലെ തന്നെ ഗുണം നല്‍കുന്ന ഒന്നാണ്.