മുടി സില്‍ക്കിയാവാന്‍ കടുകെണ്ണ പ്രയോഗം

മുടിക്ക് എങ്ങനെ കടുകെണ്ണ

ഓയില്‍ മസ്സാജ് എന്ന് പറയുന്നത് മുടിയുടെ വളര്‍ച്ചക്ക് വളരെ അത്യാവശ്യമായിട്ടുള്ള ഒന്നാണ്. ഇത് തലയോട്ടിയിലെ രക്തയോട്ടം വര്‍ദ്ധിപ്പിക്കുകയും മുടിക്ക് ബലവും ആരോഗ്യവും നല്‍കുകയും ചെയ്യുന്നു. മാത്രമല്ല വിറ്റാമിന്‍ ഇ കൊണ്ട് സമ്പുഷ്ടമാണ് കടുകെണ്ണ. ഇത് മുടിക്ക് മിനുസവും തിളക്കവും നല്‍കുന്നു.

കടുകെണ്ണയും വെളിച്ചെണ്ണയും

കടുകെണ്ണയും വെളിച്ചെണ്ണയും തുല്യ അളവില്‍ എടുത്ത് ഒരു പാനില്‍ വെച്ച് ഒരു മിനിട്ട് ചൂടാക്കാം. അധികം ചൂടാവാതെ ശ്രദ്ധിക്കണം. ഇത് മുടിയില്‍ നല്ലതു പോലെ മസ്സാജ് ചെയ്യാം. രണ്ടോ മൂന്നോ മണിക്കൂറിന് ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയാവുന്നതാണ്. ആഴ്ചയില്‍ രണ്ട് തവണ ശീലമാക്കാം.

കടുകെണ്ണയും ഉലുവയും

അല്‍പം ഉലുവ എടുത്ത് ഇത് കടുകെണ്ണയില്‍ രാത്രി മുഴുവന്‍ കുതിര്‍ത്തിടുക. അടുത്ത ദിവസം ഈ മിശ്രിതം ചെറുതായി ചൂടാക്കുക. തണുക്കാനായി വെച്ച ശേഷം മുടിയില്‍ നല്ലതു പോലെ തേച്ച് പിടിപ്പിക്കാം.നാല് മണിക്കൂറിനു ശേഷം ഷാമ്പൂ ഉപയോഗിച്ച് കഴുകിക്കളയാം.

കടുകെണ്ണയും കറിവേപ്പിലയും

കടുകെണ്ണയില്‍ അല്‍പം കറിവേപ്പില ഇട്ട് ചൂടാക്കി എടുക്കുക. ഇത് തണുത്ത ശേഷം തലയില്‍ തേച്ച് പിടിപ്പിക്കാം. രണ്ട് മൂന്ന് മണിക്കൂറിനു ശേഷം തലക്ക് കഴുകിക്കളയാവുന്നതാണ്. ഇത് തലക്ക് തണുപ്പും മുടിക്ക് ആരോഗ്യവും നല്‍കുന്നു.

മുടിയുടെ തിളക്കം

കടുകെണ്ണ മുടിയില്‍ തേക്കുന്നത് മുടിക്ക് തിളക്കം നല്‍കുന്നു. മാത്രമല്ല മുടിയുടെ ആരോഗ്യത്തിനും മുടി സില്‍ക്ക് പോലെ ആവുന്നതിനും സഹായിക്കുന്നു.

മുടി വളരാന്‍

മുടി വളരുന്ന കാര്യത്തിലും കടുകെണ്ണ മുന്നിലാണ്. മുടിക്ക് ആരോഗ്യം നല്‍കുന്ന കാര്യത്തില്‍ ഒരിക്കലും പുറകിലല്ല കടുകെണ്ണ. മറ്റേത് എണ്ണയേക്കാള്‍ കൂടുതല്‍ ആരോഗ്യവും തിളക്കവും മുടിക്ക് നല്‍കാന്‍ കടുകെണ്ണയിലൂടെ കഴിയുന്നു.