പാരമ്പര്യമായി കൈമാറിവന്ന മുടിവളര്‍ച്ച രഹസ്യം

മൂന്ന് മാസം സമയം

എന്നാല്‍ ഈ എണ്ണ തയ്യാറാക്കി അത് മുടി വളര്‍ത്താന്‍ മൂന്ന് മാസം മാത്രം മതി. തീര്‍ച്ചയായും നിങ്ങളുടെ മുടി വളരും എന്ന കാര്യത്തില്‍ സംശയം വേണ്ട. അതിനായി എങ്ങനെ ഈ എണ്ണ തയ്യാറാക്കാം എന്ന് നോക്കാം.

ആവശ്യമുള്ള സാധനങ്ങള്‍

1 ലിറ്റര്‍ വെളിച്ചെണ്ണ, രണ്ട് കൈ നിറയെ കറിവേപ്പില, കാട്ടുമഞ്ഞള്‍ 30 ഗ്രാം, 250 ഗ്രാം നെല്ലിക്ക, ഒരു ടേബിള്‍ സ്പൂണ്‍ ഉലുവ എന്നിവയാണ് ഈ എണ്ണ തയ്യാറാക്കുന്നതിനായി ആവശ്യമുള്ള വസ്തുക്കള്‍.

തയ്യാറാക്കുന്ന വിധം

അടുപ്പില്‍ ഒരു പാത്രം വെച്ച് അതിലേക്ക് വെളിച്ചെണ്ണ ഒഴിക്കാം. ഇതിലേക്ക് കാട്ടുമഞ്ഞളും ബാക്കിയുള്ള ചേരുവകളും ചേര്‍ക്കാം. അരമണിക്കൂറോളം ഇത് ചെറിയ തീയില്‍ ഇളക്കിക്കൊണ്ടിരിയ്ക്കണം.

സ്‌റ്റെപ് 2

അതിനു ശേഷം എണ്ണ തീ കുറച്ച് വാങ്ങി വെയ്ക്കുക. ഒരു മണിക്കൂറോളം തണുക്കാനായി വെയ്ക്കണം. നന്നായി തണുത്ത ശേഷം ഇതില്‍ നിന്നും അല്‍പം എടുത്ത് എണ്ണയുടെ അഞ്ചിലൊന്ന് കടുകെണ്ണ മിക്‌സ് ചെയ്ത് ഉപയോഗിക്കാം.

ഉപയോഗിക്കേണ്ട വിധം

എണ്ണ നല്ലതു പോലെ തലയില്‍ തേച്ച് പിടിപ്പിച്ച് 10 മിനിട്ടോളം മസ്സാജ് ചെയ്യുക. ഒരു രാത്രി മുഴുവന്‍ എണ്ണ തലയിലുണ്ടാവണം. അടുത്ത ദിവസം രാവിലെ കഴുകിക്കളയാം. സ്ഥിരം ഉപയോഗിക്കുന്ന ഷാമ്പൂ തന്നെ ഉപയോഗിച്ചാവണം തല കഴുകേണ്ടത്.

മുടി വളരുന്നു

മുടി വളര്‍ച്ചയുടെ കാര്യത്തില്‍ പിന്നീട് തിരിഞ്ഞ് നോക്കേണ്ട അവസ്ഥ ഉണ്ടാകുന്നില്ല. മുടി വളരാന്‍ ഈ എണ്ണ ധാരാളം എന്നത് തന്നെയാണ് സത്യം.

താരന്‍ ഇല്ലാതാക്കുന്നു

താരനെ പ്രതിരോധിയ്ക്കാനും ഈര്, പേന്‍ തുടങ്ങിയവയെ ഇല്ലാതാക്കാനും ഈ എണ്ണ സഹായിക്കുന്നു. അത്രയേറെ മുടിയ്ക്ക് കരുത്തും തിളക്കവും നല്‍കും ഈ എണ്ണ.