മുടി വളരാന്‍ ഉറപ്പ് നല്‍കുന്നു ഉലുവ

മുടി കൊഴിച്ചിലിന് ഉലുവ

മുടി കൊഴിച്ചിലിന് ഏറ്റവും മികച്ച് രീതിയില്‍ പരിഹാരം കാണാവുന്ന ഒന്നാണ് ഉലുവ. ഉലുവ ഒരു ദിവസം മുഴുവന്‍ വെള്ളത്തില്‍ കുതിര്‍ത്ത് അടുത്ത ദിവസം രാവിലെ പേസ്റ്റ് രൂപത്തില്‍ അരച്ചെടുക്കുക. ഇത് വെള്ളവുമായി മിക്‌സ് ചെയ്ത് തലയില്‍ തേക്കാന്‍ പാകത്തില്‍ ആക്കിയെടുക്കാം. ഇത് നല്ലതു പോലെ തലയില്‍ തേച്ച് പിടിപ്പിച്ച് മസ്സാജ് ചെയ്ത് 45 മിനിട്ടോളം കവര്‍ ചെയ്ത് വെക്കാവുന്നതാണ്. അത്രയും സമയത്തിനു ശേഷം ഷാമ്പൂ ഉപയോഗിക്കാതെ തന്നെ വെറും വെള്ളത്തില്‍ ഇത് കഴുകിക്കളയാവുന്നതാണ്. ഇത് മുടി കൊഴിച്ചില്‍ പൂര്‍ണമായും നിര്‍ത്തുകയും മുടി നല്ലതു പോലെ സില്‍ക്കി ആക്കുകയും ചെയ്യുന്നു.

മുടി വളര്‍ച്ചക്ക്

മുടിയുടെ വളര്‍ച്ചക്ക് ഏറ്റവും അത്യാവശ്യമായിട്ടുള്ള ഒന്നാണ് ഉലുവ. വെളിച്ചെണ്ണയില്‍ ഉലുവ ചൂടാക്കി ചുവന്ന നിറമായി മാറുമ്പോള്‍ ഇത് വാങ്ങി തണുക്കാനായി വെക്കുക. ശേഷം ഇത് നല്ലതു പോലെ തലയില്‍ തേച്ച് പിടിപ്പിച്ച് ഒരു രാത്രി മുഴുവന്‍ വെക്കുക. ശേഷം ഷാമ്പൂ ഉപയോഗിച്ച് അടുത്ത ദിവസം രാവിലെ കഴുകിക്കളയാവുന്നതാണ്. ഇത് ആഴ്ചയില്‍ രണ്ട് തവണ ശീലമാക്കുക. ഇത് മുടി വളര്‍ച്ചക്ക് പല വിധത്തിലുള്ള ഗുണങ്ങളും നല്‍കുന്നു.

തലയിലെ ചൊറിച്ചിലിന് ആശ്വാസം

തലയിലെ ചൊറിച്ചിലിന് ആശ്വാസം കാണാന്‍ ഏറ്റവും മികച്ച മാര്‍ഗ്ഗമാണ് ഉലുവ.ഉലുവ പേസ്റ്റ് രൂപത്തിലാക്കി ഇതില്‍ ഒരു മുട്ടയുടെ മഞ്ഞ മിക്‌സ് ചെയ്ത് ഇത് മുടിയിലും തലയോട്ടിയിലും നല്ലതു പോലെ തേച്ച് പിടിപ്പിക്കാം. 30 മിനിട്ടിനു ശേഷം തണുത്ത വെള്ളത്തില്‍ കഴുകിക്കളയാവുന്നതാണ്. മുട്ടയുടെ മണം മുടിയില്‍ നിന്ന് പോവാന്‍ അല്‍പം ഷാമ്പൂ ഉപയോഗിക്കാം. ഇത് തലയോട്ടിയിലെ ചൊറിച്ചില്‍ മാറ്റുകയും മുടിക്ക് ആരോഗ്യം നല്‍കുകയും ചെയ്യുന്നു.

ഉലുവ കൊണ്ട് മുടി കൊഴിച്ചിലിന് പരിഹാരം

രണ്ട് ടേബിള്‍ സ്പൂണ്‍ ഉലുവ എടുക്കാം. ഇത് മിക്‌സിയില്‍ അടിച്ച് പൗഡര്‍ രൂപത്തില്‍ ആക്കാം. ഇതിലേക്ക് അല്‍പം ഒലീവ് ഓയിലും അല്‍പം വെളിച്ചെണ്ണയും മിക്‌സ് ചെയ്യാം. പേസ്റ്റ് പരുവത്തില്‍ ഇതി മാറ്റിയെടുക്കാം. ശേഷം ഇത് മുടിയില്‍ തേച്ച് പിടിപ്പിച്ച് ഷാമ്പൂ ഉപയോഗിച്ച് കഴുകിക്കളയാവുന്നതാണ്. ഇത് മുടി കൊഴിച്ചിലിന് പരിഹാരം കാണുന് കാര്യത്തില്‍ ഗ്യാരണ്ടി നല്‍കുന്ന ഒരു പരിഹാര മാര്‍ഗ്ഗമാണ്.

ഉലുവ കഴിച്ചാല്‍

ഭക്ഷണത്തില്‍ ഉലുവ ചേര്‍ക്കുന്നവരാണ് നമ്മളില്‍ പലരും. എന്നാല്‍ കഴിക്കുന്ന ഉലുവയുടെ അളവ് വളരെ കുറവായിരിക്കും. പക്ഷേ ഉലുവ രണ്ട് ഗ്ലാസ്സ് വെള്ളത്തില്‍ കുതിര്‍ത്ത് അടുത്ത ദിവസം രാവിലെ ഉലുവ കളഞ്ഞ് ആ വെള്ളം കുടിക്കുക. ഇത് വയറിനും ആരോഗ്യം നല്‍കുന്ന ഒന്നാണ്. അതിലുപരി മുടിക്ക് തിളക്കവും ആരോഗ്യവും ഭംഗിയും നല്‍കുന്നു.

താരന്‍

താരന് പരിഹാരം കാണാന്‍ സഹായിക്കുന്ന ഒന്നാണ് ഉലുവ. താരന്‍ കൊണ്ട് ബുദ്ധിമുട്ടുന്നവര്‍ ഇനി ഈ ഉലുവ ചികിത്സ അല്‍പം ശ്രദ്ധിച്ചാല്‍ മതി. ഉലുവ പേസ്റ്റ് രൂപത്തിലാക്കി അതില്‍ അല്‍പം നാരങ്ങ നീര് മിക്‌സ് ചെയ്ത് തലയില്‍ തേച്ച് പിടിപ്പിച്ചാല്‍ അത് താരനെ പരിഹരിക്കുന്നു. താരന് പരിഹാരം കാണാന്‍ ഏറ്റവും മികച്ച മാര്‍ഗ്ഗങ്ങളില്‍ ഒന്നാണ് ഇത്.

മുടിയുടെ അറ്റം പിളരുന്നതിന്

മുടിയുടെ അറ്റം പിളരുന്നതിന് ഏറ്റവും മികച്ച മാര്‍ഗ്ഗമാണ് ഉലുവ. മുടിയുടെ അറ്റം പിളരുന്നതിന്റെ പ്രധാന കാരണം മലിനീകരണമാണ്. ഇത് വഴി തലയില്‍ താരന്‍ വര്‍ദ്ധിക്കാനും ഇത് മുടിയുടെ ആരോഗ്യത്തിനും പ്രശ്‌നമുണ്ടാക്കുന്നു. എന്നാല്‍ ഇനി ഇത്തരം പ്രശ്‌നങ്ങള്‍ക്ക് പരിഹാരം കാണാനും മുടിയുടെ അറ്റം പിളരുന്നതിനെ ഇല്ലാതാക്കാനും ഏറ്റവും അധികം സഹായിക്കുന്ന മാര്‍ഗ്ഗമാണ് ഉലുവ. ഉലുവ പേസ്റ്റ് രൂപത്തിലാക്കി മുടിയുടെ അറ്റത്ത് തേച്ച് പിടിപ്പിക്കാം. ഇത് മുടിക്ക് ആരോഗ്യവും അഴകും നല്‍കുന്നു. അതോടൊപ്പം തന്നെ മുടിയുടെ അറ്റം പിളരുന്നതിനെ ഇല്ലാതാക്കുകയും ചെയ്യുന്നു.

നല്ലൊരു കണ്ടീഷണര്‍

നല്ലൊരു കണ്ടീഷണര്‍ ആയി ഉപയോഗിക്കാവുന്ന ഒന്നാണ് ഉലുവ. ഉലുവ ഒലീവ ഓയില്‍ മിക്‌സ് ചെയ്ത് അരച്ച് തേച്ചാല്‍ അത് മുടിക്ക് ആരോഗ്യം നല്‍കാന്‍ സഹായിക്കുന്നു. അതിലുപരി മുടിയുടെ ആരോഗ്യത്തിനും സഹായിക്കുന്നു.

അധികമുള്ള എണ്ണയെ ഇല്ലാതാക്കുന്നു

തലയിലുള്ള അമിത എണ്ണമയത്തെ ഇല്ലാതാക്കാന്‍ ഏറ്റവും മികച്ച ഒന്നാണ് ഉലുവ. അമിത എണ്ണമയം തന്നെയാണ് പലപ്പോഴും താരന്‍, പേന്‍ പോലുള്ള പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നതും. ആപ്പിള്‍ സിഡാര്‍ വീനിഗറില്‍ ഉലുവ അരച്ച് തേച്ച് അത് മുടിയില്‍ തേച്ച് പിടിപ്പിക്കാം. ഇത് മുടിക്ക് ആരോഗ്യവും നല്‍കുന്നതോടൊപ്പം അമിത എണ്ണമയത്തെ ഇല്ലാതാക്കുകയും ചെയ്യുന്നു.

അകാല നരയെ ഇല്ലാതാക്കുന്നു

അകാല നരയെ ഇല്ലാതാക്കുന്ന കാര്യത്തില്‍ ഏറ്റവും മികച്ച് നില്‍ക്കുന്ന ഒന്നാണ് ഉലുവ. ഉലുവയോടൊപ്പം അല്‍പം കറിവേപ്പില കൂടി മിക്‌സ് ചെയ്ത് അരച്ച് അത് തലയില്‍ നല്ലതു പോലെ തേച്ച് പിടിപ്പിക്കാം. ഇത് മുടിക്ക് ആരോഗ്യവും അഴകും നല്‍കുന്നതോടൊപ്പം അകാല നരയെന്ന പ്രശ്‌നത്തെ പടിക്ക് പുറത്ത് നിര്‍ത്തുന്നു. 30 മിനിട്ട് ഈ മിശ്രിതം തലയില്‍ വെക്കണം. അതിനു ശേഷം മാത്രമേ കഴുകിക്കളയാന്‍ പാടുകയുള്ളൂ. അതുകൊണ്ട് തന്നെ മുടിക്ക് ആരോഗ്യവും അഴകും നല്‍കാന്‍ സഹായിക്കുന്ന ഒന്നാണ് ഉലുവ.

മുടിക്ക് ബലം

മുടി പെട്ടെന്ന് പൊട്ടിപ്പോവുന്നതും ബലക്കുറവ് കൊണ്ട് തന്നെയാണ്. എന്നാല്‍ ഇനി മുടിയുടെ ബലക്കുറവ് പരിഹരിച്ച് മുടിക്ക് ആരോഗ്യം നല്‍കാന്‍ സഹായിക്കുന്ന മാര്‍ഗ്ഗങ്ങള്‍ ഇവയാണ്. ഇതില്‍ തന്നെ ഉലുവ ഉപയോഗിച്ച് ഏത് പ്രശ്‌നത്തേയും നമുക്ക് പരിഹരിക്കാവുന്നതാണ്. നാല് ടേബിള്‍ സ്പൂണ്‍ ഉലുവ കുതിര്‍ത്ത് പേസ്റ്റ് രൂപത്തില്‍ അരച്ചെടുക്കുക. ഇതില്‍ അതേ അളവില്‍ തന്നെ തേങ്ങാപ്പാല്‍ ചേര്‍ത്ത് തലയോട്ടിയില്‍ തേച്ച് പിടിപ്പിക്കാം. ഒരു മണിക്കൂറിന് ശേഷം കഴുകിക്കളയാവുന്നതാണ്. ഇത് മുടിക്ക് ബലവും ആരോഗ്യവും നല്‍കുന്നു.

മുടിയുടെ കട്ടി കുറയുന്നതിന് പരിഹാരം

മുടിയുടെ കട്ടി കുറയുന്നതിന് മികച്ച പരിഹാര മാര്‍ഗ്ഗമാണ് ഉലുവ. ഒരു രാത്രി മുഴുവന്‍ ഉലുവ വെളിച്ചെണ്ണയില്‍ കുതിര്‍ത്ത് ഇടുക. ഒരു അരിപ്പ ഉപയോഗിച്ച്ച അടുത്തദിവസം ഇത് അരിച്ചെടുക്കുക. ഈ എണ്ണ തലയില്‍ നല്ലതു പോലെ തേച്ച് പിടിപ്പിക്കാവുന്നതാണ്. 15 മിനിട്ടിനു ശേഷം ഇത് കഴുകിക്കളയണം. ആഴ്ചയില്‍ മൂന്ന് തവണ ഇത് ചെയ്യണം. ഇത് മുടിക്ക് ആരോഗ്യവും കട്ടിയും നല്‍കുന്നു.