നല്ല മുടി ഉറപ്പ് നല്‍കും നാടന്‍ വൈദ്യം

ഒലീവ് ഓയില്‍

ഒലീവ് ഓയില്‍ മുടിയുടെ ഏത് പ്രശ്‌നത്തിനും പരിഹാരമാണ്. നിരവധി ആന്റി ഓക്‌സിഡന്റുകളാല്‍ സമ്പുഷ്ടമാണ് ഒലീവ് ഓയില്‍. മാത്രമല്ല വിറ്റാമിന്‍ ഇ മുടി വേരുകളെ ബലമുള്ളതാക്കി മാറ്റാനും സഹായിക്കുന്നു.

മുട്ട

നിരവധി തവണ നമ്മള്‍ കേട്ട് ശീലിച്ച ഒന്നാണ് മുട്ട കൊണ്ടുള്ള മുടി സംരക്ഷണം. മുട്ട മുടിയെ കരുത്തുള്ളതും മുടിക്ക് തിളക്കം നല്‍കാനും സഹായിക്കുന്നു. ആഴ്ചയില്‍ ഒരിക്കല്‍ മുട്ട ഉപയോഗിച്ച് മുടി കഴുകാവുന്നതാണ്.

കറ്റാര്‍ വാഴ

മുടി സംരക്ഷണത്തിന്റെ കാര്യത്തില്‍ യാതൊരു വിധത്തിലുള്ള ഒത്തുതീര്‍പ്പിനും കറ്റാര്‍ വാഴ തയ്യാറാവില്ല. ഇതിലുള്ള വിറ്റാമിന്‍ ഇയും വിറ്റാമിന്‍ സിയും തന്നെയാണ് ഏറ്റവും ഫലപ്രദമായി മുടിയെ സംരക്ഷിക്കുന്നത്.

വെളിച്ചെണ്ണ

മലയാളിയെങ്കില്‍ ആഴ്ചയില്‍ മൂന്ന് ദിവസമെങ്കിലും വെളിച്ചെണ്ണ തേച്ചൊരു കുളി പതിവാണ്. കാരണം മുടിക്ക് ആരോഗ്യം നല്‍കാനും തലക്ക് തണുപ്പ് നല്‍കാനും ഇത്രയും പറ്റിയ വേറൊരും വൈദ്യം ഇല്ലെന്ന് തന്നെ പറയാം.

പഴം

മുടിയില്‍ പഴമോ? എന്നാല്‍ സത്യമാണ് മുടിയില്‍ നല്ലതു പോലെ പഴുത്ത പഴം തേച്ച് പിടിപ്പിച്ച് ചീത്ത മുടിയെ ഇല്ലാതാക്കാം. പഴത്തിലുള്ള പൊട്ടാസ്യം വിറ്റാമിന്‍ എന്നിവ കൊണ്ട് മുടിയെ സംരക്ഷിക്കാം.

ചെമ്പരത്തി

നല്ല നാടന്‍ പ്രയോഗമാണ് ചെമ്പരത്തിയുടേത്. ചെമ്പരത്തി മുടിയുടെ മൊത്തത്തിലുള്ള ഭംഗിക്ക് തന്നെ കാരണമാകുന്നു. മുടിക്ക് തിളക്കം നല്‍കാനും മുടിയുടെ സൗന്ദര്യത്തിനും വരണ്ട മുടിയെ പ്രതിരോധിക്കാനും ചെമ്പരത്തി സഹായിക്കുന്നു.

കട്ടന്‍ചായ

കട്ടന്‍ചായയാണ് മറ്റൊരു പ്രതിവിധി. വിറ്റാമിന്‍ സിയും വിറ്റാമിന്‍ ഇയും ധാരാളം അടങ്ങിയിട്ടുണ്ട്. ഇത് അള്‍ട്രാവയലറ്റ് രശ്മികളില്‍ നിന്നും മുടിയെ സംരക്ഷിക്കുന്നു.

തേന്‍

തേന്‍ പുരട്ടിയാല്‍ മുടി നരക്കും എന്നൊരു ചൊല്ലുണ്ട്. എന്നാല്‍ ശുദ്ധമായ തേനില്‍ വെള്ളം ചേര്‍ത്ത് പുരട്ടിയാല്‍ ഇത് മുടിക്ക് തിളക്കവും സൗന്ദര്യവും ബലവും നല്‍കുന്നു.

വിനാഗിരി

വെള്ള വിനാഗിരിയാണ് മുടിയുടെ ആരോഗ്യം സംരക്ഷിക്കാനുള്ള മറ്റൊരു പ്രധാനപ്പെട്ട മാര്‍ഗ്ഗം. ഒരു കപ്പ് വിനാഗിരിയില്‍ മൂന്ന് കപ്പ് വെള്ളം ചേര്‍ത്ത് നല്ലതു പോലെ മുടി കഴുകുക. അഞ്ച് മിനിട്ടോളം കഴുകിയ ശേഷം തണുത്ത വെള്ളത്തില്‍ കഴുകിക്കളയാവുന്നതാണ്. ഇത് മുടി വേരുകള്‍ക്ക് ബലം നല്‍കാന്‍ സഹായിക്കുന്നു.