അകാല നരയ്ക്ക് ആയുര്‍വ്വേദത്തിലുണ്ട് പരിഹാരം

നെല്ലിക്ക

മുടിയുടെ ആരോഗ്യ കാര്യത്തില്‍ അത്രയേറെ പ്രാധാന്യമുള്ള വസ്തുവാണ് നെല്ലിക്ക. നാലോ അഞ്ചോ നെല്ലിക്ക എടുത്ത് പേസ്റ്റാക്കി അത് തലയോട്ടിയില്‍ നന്നായി തേച്ചു പിടിപ്പിക്കുക. പതിനഞ്ച് മിനിട്ടിനു ശേഷം തണുത്ത വെള്ളത്തില്‍ തല കഴുകുക.

വെളിച്ചെണ്ണയും കറിവേപ്പിലയും

വെളിച്ചെണ്ണയും കറിവേപ്പിലയും മുടി വളര്‍ച്ചയെ കാര്യമായി സഹായിക്കുന്നതാണ്. അരക്കപ്പ് വെളിച്ചെണ്ണയ്ക്ക് കാല്‍ക്കപ്പ് കറിവേപ്പിലയാണ് ആവശ്യമായിട്ടുള്ളത്. വെളിച്ചെണ്ണയില്‍ കറിവേപ്പിലയിട്ട് ചൂടാക്കുക. ഈ എണ്ണ തലയില്‍ തേച്ചു പിടിപ്പിച്ച് 20 മിനിട്ടിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയുക. ദിവസവും ഇത്തരത്തില്‍ ചെയ്താല്‍ അകാല നര ഇല്ലാതാകുന്നു.

ബദാം ഓയില്‍, നാരങ്ങാ നീര്, നെല്ലിക്ക നീര്

നാല് ടേബിള്‍ സ്പൂണ്‍ ബദാം ഓയിലും ഒരു ടേബിള്‍ സ്പൂണ്‍ നെല്ലിക്ക നീരും ഒരു ടേബിള്‍ സ്പൂണ്‍ നാരങ്ങാ നീരും മിക്‌സ് ചെയ്ത്. തലയോട്ടിയില്‍ നന്നായി തേച്ചു പിടിപ്പിക്കുക. ഇത് തലയില്‍ തേച്ച് 45 മിനിട്ടിനു ശേഷം കഴുകിക്കളയുക. അകാല നര മാറും.

നാരങ്ങാ നീരും നെല്ലിക്കപ്പൊടിയും

നാല് ടീസ്പൂണ്‍ നെല്ലിക്ക പൊടിയില്‍ ഒരു നാരങ്ങയുടെ നീര് മിക്‌സ് ചെയ്ത് ഒരു മണിക്കൂര്‍ വെയ്ക്കുക. ഇതിനു ശേഷം മുടിയുടെ വേരില്‍ ഈ പേസ്റ്റ് തേച്ചു പിടിപ്പിക്കുക. 25 മിനിട്ടിനു ശേഷം തല കഴുകുക. എന്നാല്‍ ഷാമ്പൂവും സോപ്പും ഉടന്‍ തന്നെ തലയില്‍ ഉപയോഗിക്കരുതെന്നത് ശ്രദ്ധിക്കണം.

ഉലുവയും ഹെന്നയും

രണ്ട് ടീസ്പൂണ്‍ ഹെന്ന ഒരു ടീസ്പൂണ്‍ ഉലുവപൊടിയില്‍ മിക്‌സ് ചെയ്ത് തലയില്‍ തേച്ചു പിടിപ്പിക്കുക. രണ്ട് മണിക്കൂറിനു ശേഷം കഴുകിക്കളയുക. കറ്റാര്‍ വീഴ നീര് ഉപയോഗിച്ച് ഇതിനു ശേഷം തല വൃത്തിയാക്കാം.

നാരങ്ങാ നീരും വെളിച്ചെണ്ണയും

നാരങ്ങാ നീരും വെളിച്ചെണ്ണയും മുടി വളര്‍ച്ചയേയും സഹായിക്കുന്നു. അകാല നരയെ പ്രതിരോധിയ്ക്കാന്‍ ഇത്രയും ഫലപ്രദമായ വസ്തുക്കളാണ്. എന്നും ഇവ രണ്ടും ഉപയോഗിച്ച് തല നന്നായി മസ്സാജ് ചെയ്യുക.

വെണ്ണ

ശുദ്ധമായ പശുവിന്‍ പാലില്‍ നിന്നെടുത്ത വെണ്ണ അകാല നരയ്ക്ക് ഉത്തമപ്രതിവിധിയാണ്. വെണ്ണ ഉപയോഗിച്ച് തലയില്‍ മസാജ് ചെയ്യുന്നതാണ് ഏറ്റവും ഉത്തമം.