മുടി കൊഴിച്ചിലിന്റെ കാര്യത്തില്‍ നോ ടെന്‍ഷന്‍

എണ്ണ ചൂടാക്കി ഉപയോഗിക്കാം

എത്രയായാലും മുടി വളരാനും കൊഴിയാതിരിക്കാനും എണ്ണ കൊണ്ടുള്ള മസാജ് അത്യാവശ്യമാണ്. പക്ഷേ എണ്ണ ചെറുകായി ചൂടാക്കി തലയില്‍ മസാജ് ചെയ്തു നോക്കൂ. ഒരു മണിക്കൂറിനു ശേഷം കഴുകിക്കളയാം. വ്യത്യാസം അനുഭവിച്ചറിയാം.

സൂക്ഷിച്ചു തോര്‍ത്തുക

നനഞ്ഞ മുടിയ്ക്കാണ് സംരക്ഷണം ഏറ്റവും കൂടുതല്‍ വേണ്ടത്. അതുകൊണ്ടു തന്നെ കുളി കഴിഞ്ഞ് മുടി തുവര്‍ത്തുമ്പോള്‍ അല്‍പം ശ്രദ്ധിക്കുന്നത് നന്നായിരിക്കും.

ചീപ്പിലും അല്‍പം ശ്രദ്ധ

പലപ്പോഴും ചീപ്പ് ഉപയോഗിക്കുന്ന കാര്യത്തില്‍ നമ്മള്‍ ശ്രദ്ധിക്കാറില്ല. പല്ലകലം കൂടി ചീപ്പ് ഉപയോഗിക്കുന്നതാണ് ഏറ്റവും നല്ലത്.

സ്‌റ്റൈലിഷാവാം

വിവാഹത്തിനും മറ്റും പോകുമ്പോള്‍ അല്‍പം ഫാഷനബിള്‍ ആകാന്‍ ശ്രമം നടത്താം. എന്നാല്‍ പലപ്പോഴും ഇവയില്‍ അല്‍പം കൂടുതല്‍ ശ്രദ്ധിക്കുന്നത് എന്തുകൊണ്ടും നല്ലതാണ്.

ഗ്രീന്‍ ടീ ഉപയോഗിക്കാം

ഗ്രീന്‍ ടീ ആരോഗ്യത്തിന് മാത്രമല്ല മുടി സംരക്ഷണത്തിനും നല്ലതാണ്. ഒരു കപ്പ് വെള്ളത്തില്‍ രണ്ടു ഗ്രീന്‍ ടീ ബാഗിട്ട് തിളപ്പിച്ച് ചൂടാറിയ ശേഷം തലയില്‍ തേച്ചു പിടിപ്പിച്ച് ഒരു മണിക്കൂര്‍ കഴിഞ്ഞ് കഴുകിക്കളയാം.

ഡയറ്റിംങ് ശ്രദ്ധിച്ച്

ഡയറ്റിങ്ങിന്റെ കാര്യത്തിലും അല്‍പം ശ്രദ്ധ കൊടുക്കുന്നത് നല്ലതാണ്. തടി കുറയ്ക്കാന്‍ ഭക്ഷണം കുറയ്ക്കുന്നതോടൊപ്പം മുടിയുടെ ആരോഗ്യവും കൂടെ നശിക്കും എന്നതാണ് സത്യം.

മാനസിക സമ്മര്‍ദ്ദം കുറയ്ക്കുക

മാനസിക സമ്മര്‍ദ്ദം കൂടുതലുള്ള ജീവിത രീതിയാണ് ഇന്ന് ഉള്ളത്. എന്നാല്‍ ഇത്തരത്തിലുള്ള മാനസിക സമ്മര്‍ദ്ദം പലപ്പോഴും നമ്മുടെ മുടിയുടെ ആരോഗ്യം നശിപ്പിക്കും.