തലമുടി നരയ്ക്കുന്നുവോ, ടെന്‍ഷന്‍ വേണ്ട

വറുത്തതും പൊരിച്ചതും ഒഴിവാക്കുക

മസാലകള്‍ അധികം ചേര്‍ത്തതും വറുത്തതും പൊരിച്ചതുമായ ഭക്ഷണങ്ങള്‍ ഒഴിവാക്കുക. ഇത് പലപ്പോഴും അകാല നരയിലേക്ക് നമ്മളെ നയിക്കുന്നു എന്നതാണ് ശ്രദ്ധേയം

ക്യാരറ്റ്, ചീര ധാരാളം

ക്യാരറ്റ്, ചീര എന്നിവ ധാരാളം കഴിയ്ക്കുക. ഇത് നമ്മുടെ ഭക്ഷണ ശീലത്തിന്റെ ഭാഗമാക്കുകയാണ് ആദ്യം ചെയ്യേണ്ട കാര്യം.

മുട്ടയും ചിക്കനും

മുട്ടയും ചിക്കനും ധാരാളം കഴിയ്ക്കുന്നതും നല്ലതാണ്. മുട്ടയിലും ചിക്കനിലും അടങ്ങിയിട്ടുള്ള പ്രോട്ടീനുകള്‍ അകാല നരയെ ചെറുക്കുന്നു.

മദ്യപാനം കുറയ്ക്കുക

മദ്യപാന ശീലമുള്ളവരുടെ തല നരയ്ക്കുന്ന കാര്യത്തില്‍ സംശയമില്ല. അതുകൊണ്ട് തന്നെ മദ്യപിക്കുന്നവര്‍ അത് കുറച്ചാല്‍ തലമുടി നരയ്ക്കുന്ന പ്രശ്‌നത്തില്‍ നിന്നും രക്ഷപ്പെടാം.

ഉറക്കവും നരയും

ഉറക്കം നഷ്ടപ്പെടുത്തുന്നതും അകാല നരയിലേക്ക് വഴിവെയ്ക്കും. ആവശ്യത്തിന് ഉറക്കം ലഭിയ്ക്കാത്തത് അകാലനരയ്ക്കും മുടി കൊഴിച്ചിലിനും മറ്റ് ആരോഗ്യപ്രശ്‌നങ്ങള്‍ക്കും കാരണമാകും.

നെല്ലിക്ക നരയെ ചെറുക്കും

നെല്ലിക്ക കഴിയ്ക്കുന്നത് നരയെ ചെറുക്കുന്നു. നെല്ലിക്ക കഴിയ്ക്കുന്നതും നെല്ലിക്കയിട്ടു കാച്ചിയ എണ്ണ തേയ്ക്കുന്നതും മുടിവളര്‍ച്ചയേയും ത്വരിതഗതിയിലാക്കുന്നു.

ഓറഞ്ച് നാരങ്ങ സ്ഥിരമാക്കുക

ഓറഞ്ച്, നാരങ്ങ തുടങ്ങിയ വിറ്റാമിന്‍ സി ധാരാളം അടങ്ങിയ പഴവര്‍ഗ്ഗങ്ങള്‍ ശീലമാക്കുക. ഇത് അകാല നരയെ ചെറുക്കുന്നു.

വെളിച്ചെണ്ണ ഉപയോഗിക്കുക

മുടിയില്‍ സ്ഥിരമായി വെളിച്ചെണ്ണ ഉപയോഗിക്കുക. ഇത് അകാലനരയെ ചെറുക്കുമെന്ന് മാത്രമല്ല മുടിവളര്‍ച്ചയ്ക്കും കാരണമാകും.