മുടിയോട് ചെയ്യരുതാത്ത ദ്രോഹങ്ങള്‍

ഹെയര്‍ഡ്രൈയര്‍ ഉപയോഗിക്കുന്നത്

ഇന്നത്തെ തലമുറയുടെ എല്ലാം പ്രശ്‌നം ഇതാണ്. ഹെയര്‍ഡ്രൈയര്‍ ഉപയോഗിച്ച് മുടി ഉണക്കുന്നതാണ് ഇന്നത്തെ ഏറ്റവും വലിയ വെല്ലുവിളി. ഇത് മുടിയുടെ ആരോഗ്യം നശിപ്പിക്കും എന്ന കാര്യത്തില്‍ സംശയം വേണ്ട.

നനഞ്ഞ മുടി കെട്ടിവെയ്ക്കുക

നനഞ്ഞ മുടി കെട്ടിവെയ്ക്കുന്നതും മുടിയുടെ ആരോഗ്യത്തെ പ്രതികൂലമായി ബാധിയ്ക്കും. ഇത് മുടിയുടെ ആരോഗ്യം ഇല്ലാതാക്കുകയും മുടി പൊട്ടിപ്പോകാന്‍ ഇടയാക്കുകയും ചെയ്യുന്നു.

ഫാഷന്‍സങ്കല്‍പം മാറുമ്പോള്‍

മുടിയില്‍ എന്ത് കോമാളിത്തരങ്ങളും ചെയ്യുമ്പോള്‍ അതുണ്ടാക്കുന്ന ആഘാതം മുടിയ്ക്ക് എത്രത്തോളം ദോഷകരമാണെന്നത് പലരും തിരിച്ചറിയുന്നില്ല. മുടിയോട് ഫാഷന്‍ അനുസരിച്ച് നാം കാണിച്ചു കൂട്ടുന്ന ഇത്തരം ദ്രോഹങ്ങാണ് പ്ര്ശ്‌നമുണ്ടാക്കുന്നത്,

നനഞ്ഞ മുടി ചീകുന്നത്

നനഞ്ഞ മുടി ചീകുന്നതും ഇത്തരത്തില്‍ പ്രശ്‌നമുണ്ടാക്കുന്ന ഒന്നാണ്. നനഞ്ഞ മുടി ചീകുമ്പോള്‍ ഇത് മുടിയുടെ വേരുകളുടെ ബലത്തെ പ്രതികൂലമായി ബാധിയ്ക്കുന്നു. മാത്രമല്ല മുടി പൊട്ടിപ്പോകാനും കാരണമാകും.

വിയര്‍പ്പും പ്രശ്‌നം

വിയര്‍പ്പ് അധികമുള്ള മുടി കെട്ടിവെയ്ക്കുന്നത് പലപ്പോഴും പ്രശ്‌നങ്ങള്‍ക്ക് കാരണമാകും. ഇതും മുടിയുടെ അറ്റം പിളരാനുള്ള കാരണങ്ങളില്‍ ഏറ്റവും പ്രധാനമേറിയതാണ്.

ഉപയോഗിച്ചത് വീണ്ടും

ഒരാള്‍ ഉപയോഗിച്ച ചീര്‍പ്പ് തന്നെ വീണ്ടും ഉപയോഗിക്കുന്നത് പലപ്പോഴും മുടിയുടെ ആരോഗ്യത്തിന് മാറ്റം വരുത്തും. ഇത് താരനും മുടി കൊഴിച്ചിലും വര്‍ദ്ധിക്കാന്‍ കാരണമാകും.