താരനെന്ന വില്ലനെ അകറ്റാനുള്ള മാര്‍ഗ്ഗങ്ങള്‍

മുട്ടകൊണ്ട് താരനെ കൊല്ലാം

മുട്ട സൗന്ദര്യ വര്‍ദ്ധക വസ്തുക്കളില്‍ മുന്‍പിലാണ്. മുട്ട നന്നായി പതപ്പിച്ച് തലയോട്ടിയില്‍ നന്നായി തേച്ചു പിടിപ്പിയ്ക്കുക. 15 മിനിട്ടിനു ശേഷം ഇത് കഴുകിക്കളയുക.

വിനാഗിരി കൊണ്ട് താരനെ തുരത്താം

ആറ് ടേബിള്‍ സ്പൂണ്‍ വെള്ളവും രണ്ട് ടേബിള്‍ സ്പൂണ്‍ വിനാഗിരിയും മിക്‌സ് ചെയ്ത് തലയില്‍ ഒരു രാത്രി മുഴുവന്‍ പുരട്ടി വെയ്ക്കുക. പിറ്റേ ദിവസം രാവിലെ തണുത്ത വെള്ളത്തില്‍ മുടി കഴുകുക.

ഉലുവ പേസ്റ്റ്

ഉലുവ പേസ്റ്റാക്കി തലയോട്ടിയില്‍ തേച്ചു പിടിപ്പിക്കുക. ഒരു മണിക്കൂറിനു ശേഷം ഇത് കഴുകിക്കളയുക. താരന്‍ പോകുമെന്ന കാര്യത്തില്‍ സംശയമില്ല.

തൈരും താരനും

താരനെ തുരത്താന്‍ ഏറ്റവും ബെസ്റ്റ് വഴിയാണ് തൈര്. തലയോട്ടിയില്‍ തൈര് തേച്ചു പിടിപ്പിച്ച് അരമണിക്കൂര്‍ കഴിഞ്ഞ് കഴുകിക്കളയുക. ഇത് താരന്‍ പോകാനും മുടിയ്ക്ക തിളക്കം വര്‍ദ്ധിപ്പിക്കാനും സഹായിക്കുന്നു.

ഒലീവ് ഓയിലും ഇഞ്ചിയും

ഒലീവ് ഓയിലും ഇഞ്ചി നീരും മിക്‌സ് ചെയ്ത് തലയില്‍ തേച്ചു പിടിപ്പിക്കുക. ഇതും താരനെ പ്രതിരോധിയ്ക്കുന്നതില്‍ മുന്‍പിലാണ്.

നാരങ്ങാനീരിലുണ്ട് താരനെതിരെയുള്ള പ്രയോഗം

നാരങ്ങാ നീരും സാന്‍ഡല്‍ വുഡ് ഓയിലും മിക്‌സ് ചെയ്ത് തലയില്‍ പുരട്ടുക. ഇതും താരനെ പ്രതിരോധിയ്ക്കാനുള്ള ഏറ്റവും നല്ല വഴിയാണ്.

ആല്‍മണ്ട് ഓയിലും റോസ് വാട്ടറും

ആല്‍മണ്ട് ഓയിലും റോസ് വാട്ടറും താരനെതിരെ പട പൊരുതാന്‍ മിടുക്കരാണ്. സള്‍ഫര്‍ പൗഡറും ആല്‍മണ്ട് ഓയിലും റോസ് വാട്ടറും മിക്‌സ് ചെയ്ത് മിക്‌സ് ചെയ്ത് തലയില്‍ പുരട്ടുക. ഇതും താരനെ പ്രതിരോധിയ്ക്കുന്നു.

കറ്റാര്‍വാഴ നല്ലത്

മുടി വളര്‍ച്ചയ്ക്കും സൗന്ദര്യ സംരക്ഷണത്തിനും മുന്നിലാണ് കറ്റാര്‍ വാഴ. കറ്റാര്‍ വാഴയുടെ നീര് തലയോട്ടിയില്‍ തേച്ചു പിടിപ്പിയ്ക്കുന്നത് താരനെ പ്രതിരോധിയ്ക്കും. ഇത് തലയോട്ടിയില്‍ തേച്ച പിടിപ്പിച്ച ശേഷം അടുത്ത ദിവസം രാവിലെ കഴുകിക്കളയുക.