കഷണ്ടിയോട് പൊരുതാന്‍ ഉള്ളി നീര് തന്നെ ധാരാളം

ഉള്ളി ജ്യൂസ്

ഉള്ളി ജ്യൂസ് എങ്ങനെ ഉണ്ടാക്കും എന്നറിയാമോ? ചെറുതായി അരിഞ്ഞ ഉള്ളി അല്‍പം വെള്ളം ചേര്‍ത്ത് ചൂടാക്കുക. ശേഷം ഇതിന്റെ വെള്ളം എടുത്ത് തലയോട്ടിയില്‍ നല്ലതു പോലെ മസ്സാജ് ചെയ്യുക. മസ്സാജ് ചെയ്തതിനു ശേഷം അരമണിക്കൂര്‍ കഴിഞ്ഞ് വീര്യം കുറഞ്ഞ ഷാമ്പൂ ഉപയോഗിച്ച് തല കഴുകാം.

ഉപയോഗിക്കേണ്ട മറ്റൊരു രീതി

തല കഴുകിയതിനു ശേഷം ഉള്ളി നീര് ഉപയോഗിച്ച് ഒന്നു കൂടി തല കഴുകാം. നല്ലതുപോലെ തലയോട്ടിയിലും മറ്റും തേച്ചു പിടിപ്പിച്ച് ശേഷം തണുത്ത വെള്ളത്തില്‍ തല കഴുകുക. ശേഷം താളി ഉപയോഗിച്ച് തല കഴുകുക.

ഉള്ളി നീരും വെളിച്ചെണ്ണയും

വെളിച്ചെണ്ണ മുടി വളര്‍ത്തുന്നതില്‍ മുന്നില്‍ നില്‍ക്കുന്നതാണ് എന്ന കാര്യത്തില്‍ സംശയമില്ല. എന്നാല്‍ വെളിച്ചെണ്ണയില്‍ അല്‍പം ഉള്ളി നീരു കൂടി ചേര്‍ത്തു നോക്കൂ ഇത് മുടി വളര്‍ച്ച വര്‍ദ്ധിപ്പിക്കുകയും കഷണ്ടിയായ സ്ഥലങ്ങളില്‍ വീണ്ടും മുടി കിളിര്‍ക്കാന്‍ സഹായിക്കുകയും ചെയ്യും.

മദ്യത്തോടൊപ്പം ഉള്ളി നീര്

മദ്യത്തോടൊപ്പം ഉള്ളി നീര് ചേര്‍ത്ത് തലയില്‍ പുരട്ടുന്നതും കഷണ്ടി പ്രതിരോധിയ്ക്കുന്നു. 60 മില്ലി റമ്മില്‍ അല്‍പം ഉള്ളി നീര് ചേര്‍ത്ത് തലയില്‍ പുരട്ടുന്നത് മുടി വളര്‍ച്ചയ്ക്കും കഷണ്ടി മറയാനും സഹായിക്കുന്നു.

തേനും ഉള്ളി നീരും

തേനും ഉള്ളി നീരും ചേര്‍ത്ത് തലയില്‍ പുരട്ടുന്നതും കഷണ്ടിയെ പ്രതിരോധിയ്ക്കുന്നു. ഇത് മുടിയ്ക്ക് ആരോഗ്യം നല്‍കുന്നതിനും ഉറപ്പ് നല്‍കുന്നതിനും സഹായിക്കുന്നു.

ഒലീവ് ഓയിലും ഉള്ളി നീരും

ഒലീവ് ഓയില്‍ മുടിയില്‍ 15 മിനിട്ട് മസ്സാജ് ചെയ്തതിനു ശേഷം ഉള്ളി നീര് ഉപയോഗിച്ച് തല കഴുകുക. ശേഷം തലയോട്ടിയെ ഉണങ്ങാന്‍ അനുവദിയ്ക്കുക. അതിനു ശേഷം വെള്ളം ഉപയോഗിച്ച് തല കഴുകാം.

ബിയറിനൊപ്പം

ബിയര്‍ ഉപയോഗിച്ച് തല കഴുകാം. അതിനു ശേഷം 8 മണിക്കൂര്‍ കഴിഞ്ഞ് ഉള്ളി നീരു കൊണ്ട് മസ്സാജ് ചെയ്യാം. ഇത് തിരിച്ചും ചെയ്യാം. കഷണ്ടി പ്രതിരോധിയ്ക്കാനുള്ള എളുപ്പ വഴിയാണ് ഇത്.