മുടിവളരാന്‍ ഇനി കഷ്ടപ്പെടേണ്ട

മുടി മുറിയ്ക്കുക

മുടി മുറിച്ചാല്‍ വളരും എന്ന തെറ്റിധാരണ ഇതിന്റെ പുറകിലുണ്ട്. എന്നാല്‍ മുടിയുടെ അറ്റം പൊട്ടിപ്പോവാതിരിക്കാന്‍ മുടിയുടെ തുമ്പ് കൃത്യമായ ഇടവേളകളില്‍ മുറിക്കണം. മുടി കൃത്യമാ ഇടവേളകളില്‍ മുറിച്ചില്ലെങ്കില്‍ ഇത് മുടിയുടെ വളര്‍ച്ചയെ തന്നെ മുരടിപ്പിക്കും.

ഉറങ്ങുമ്പോഴും മുടി സംരക്ഷണം

മുടി കെട്ടിവച്ച് ഉറങ്ങുന്ന ശീലമായിരിക്കും നമ്മുടേത്. എന്നാല്‍ അധികം മുറുക്കാതെ കെട്ടിവെയ്ക്കണം എന്നതാണ് ശ്രദ്ധിക്കേണ്ട കാര്യം. അധികം മുറുകിയാല്‍ മുടി പൊട്ടിപ്പോവാന് ഇടയാകും.

എപ്പോഴും ഒരേ സ്‌റ്റൈല്‍

എപ്പോഴും ഒരേ രീതിയില്‍ മുടി കെട്ടുന്നത് മുടിയുടെ ആരോഗ്യത്തെ മോശമാക്കും. ഓരോ തവണയും പുതിയ രീതികള്‍ പരീക്ഷിക്കുന്നത് നന്നായിരിക്കും.

ചീപ്പിന്റെ കാര്യത്തിലും ശ്രദ്ധിക്കാം

ചീപ്പിന്റെ കാര്യത്തിലും അല്‍പം ശ്രദ്ധ കൊടുക്കുന്നത് നന്നായിരിക്കും. ഇഴയടുപ്പം ഉള്ള ചീപ്പ് ഉപയോഗിക്കാന്‍ ശ്രമിക്കുക. ഇത് മുടി പൊട്ടിപ്പോവുന്നത് ഇല്ലാതാക്കും.

പുതിയ പരീക്ഷണങ്ങള്‍ വേണ്ട

മുടിയില്‍ നാ കാണിച്ചു കൂട്ടുന്ന ഓരോ പരീക്ഷണങ്ങളുടേയും ഫലമാണ് പലപ്പോഴും മുടി പൊട്ടിപ്പോവാനും മുടി കൊഴിച്ചിലിനും കാരണമാകുന്നത്. അതുകൊണ്ട് തന്നെ ഇത്തരത്തിലുള്ള പരീക്ഷണങ്ങള്‍ കുറയ്ക്കുന്നതാണ് മുടിയുടെ അഴകിനും ആരോഗ്യത്തിനും നല്ലത്.

ഷാമ്പൂ എപ്പോഴും വേണ്ട

കുളിയ്ക്കുമ്പോഴെല്ലാം ഷാമ്പൂ ഉപയോഗിക്കുന്ന രീതിയും നിര്‍ത്തുന്നതാണ് ആരോഗ്യമുള്ള മുടിയ്ക്ക് നല്ലത്. ഷാമ്പൂവില്‍ അടങ്ങിയിട്ടുള്ള പല കെമിക്കല്‍സും ഇത്തരത്തില്‍ മുടിയ്ക്ക് പ്രതികൂലാവസ്ഥയാണ് ഉണ്ടാക്കുക.