മുടിയ്ക്കു കറുപ്പു ലഭിയ്ക്കാന്‍ വീട്ടുവൈദ്യം

നെല്ലിക്കാപ്പൊടി

അര ലിറ്റര്‍ വെള്ളമെടുത്ത് ഇതില്‍ രണ്ടു ടേബിള്‍ സ്പൂണ്‍ നെല്ലിക്കാപ്പൊടി ചേര്‍ത്തിളക്കുക. ഇതില്‍ അര ടീസ്പൂണ്‍ ചെറുനാരങ്ങാനീരും ചേര്‍ക്കാം. ഇതുകൊണ്ടു മുടി കഴുകുന്നതും ഈ വെള്ളം പുരട്ടുന്നതുമെല്ലാം ഗുണം ചെയ്യും.

നെയ്യ്‌

ഒരു ലിറ്റര്‍ നെല്ലിക്കാ ജ്യൂസില്‍ ഒരു കിലോ നെയ്യു ചേര്‍ത്തിളക്കുക. 250 ഗ്രാം ഇരട്ടി മധുരവും ചേര്‍ക്കാം. ഇത് കുറഞ്ഞ തീയില്‍ വച്ചിളക്കി വെള്ളം മുഴുവന്‍ വറ്റിച്ചു ക്രീമാക്കുക. തണുത്ത ഇത് സൂക്ഷിച്ചു വച്ച് കുളിയ്ക്കുന്നതിനു മുന്‍പ് മുടിയില്‍ പുരട്ടാം.

പച്ചമാങ്ങ

പച്ചമാങ്ങയുടെ തൊലി കളഞ്ഞതും മാവിലയും ചേര്‍ത്തരച്ചു പേസ്റ്റാക്കുക. ഇതില്‍ എണ്ണ ചേര്‍ത്തിളക്കാം. ഇത് കുറേനേരം സൂര്യപ്രകാശത്തില്‍ വയ്ക്കണം. ഈ മിശ്രിതം തലയില്‍ പുരട്ടുന്നതും മുടിയ്ക്കു കറുപ്പു നല്‍കും.

ഓറഞ്ച് നീരില്‍ നെല്ലിക്കാപ്പൊടി

ഓറഞ്ച് നീരില്‍ നെല്ലിക്കാപ്പൊടി ചേര്‍ത്തിളക്കി തലയില്‍ പുരട്ടുന്നത് മുടിയ്ക്കു കറുപ്പു നല്‍കാന്‍ നല്ലതാണ്.

വെളിച്ചെണ്ണ, നാരങ്ങാനീരും

വെളിച്ചെണ്ണ ചെറുതായി ചൂടാക്കുക. ഇതില്‍ ചെറുനാരങ്ങാനീരു പിഴിഞ്ഞൊഴിയ്ക്കാം. ഇത് മുടിയില്‍ പുരട്ടുന്നതും മുടിയ്ക്കു കറുപ്പു നല്‍കും. സവാളനീരും നാരങ്ങാനീരും ചേര്‍ത്തു പുരട്ടുന്നതും ബദാം ഓയിലില്‍ ചെറുനാരങ്ങാനീരു കലര്‍ത്തി പുരട്ടുന്നതുമെല്ലാം ഗുണം നല്‍കും.

കറിവേപ്പില

കറിവേപ്പിലയിട്ടു കാച്ചിയ വെളിച്ചെണ്ണ തേയ്ക്കുന്നത് മുടിയ്ക്കു കറുപ്പു നല്‍കാന്‍ ഏറെ സഹായകമാണ്.