മുടിയഴകിന്‍ രഹസ്യം ആവണക്കെണ്ണയും പേരയിലയും

പേരയിലയുടെ ഗുണം

പലപ്പോഴും പേരയിലയെ വേണ്ടത്ര പ്രാധാന്യത്തോടെ നമ്മള്‍ കാണാത്തത് തന്നെയാണ് അതിന്റെ ഗുണങ്ങളെപ്പറ്റി അറിവില്ലാതിരിയ്ക്കാന്‍ കാരണമാകുന്നത്. എന്നാല്‍ പേരയില ഒരു തവണ ഉപയോഗിച്ച് കഴിഞ്ഞാല്‍ അത് വീണ്ടും ഉപയോഗിക്കാതിരിയ്ക്കാന്‍ കഴിയില്ല എന്നതാണ് സത്യം.

ഉപയോഗിക്കേണ്ട വിധം

പേരയില വെള്ളത്തിലിട്ട് 20 മിനിട്ട് തിളപ്പിക്കുക. അതിനു ശേഷം ഇത് തണുപ്പിയ്ക്കാന്‍ വെയ്ക്കുക. തണുത്തതിനു ശേഷം ഉപയോഗിക്കാം.

സ്‌റ്റെപ് 1

മുടി നല്ലതു പോലെ ഉണങ്ങിയ ശേഷം ഇത് മുടിയില്‍ തേച്ച് പിടിപ്പിക്കാം. 10 മിനിട്ട് നല്ലതുപോലെ മസ്സാജ് ചെയ്യുക. തലയോട്ടിയില്‍ എല്ലായിടത്തും മിശ്രിതം നല്ലതുപോലെ തേച്ച് പിടിപ്പിക്കാം.

സ്റ്റെപ് 2

മസ്സാജ് ചെയ്യുമ്പോള്‍ മുടിയുടെ വേരുകളിലും നല്ലതുപോലെ തേച്ച് പിടിപ്പിക്കണം. ഇത് ചുരുങ്ങിയത് രണ്ട് മണിക്കൂറെങ്കിലും തലയില്‍ തേച്ച് പിടിപ്പിക്കണം. തല നല്ലതു പോലെ ടവ്വല്‍ കൊണ്ടോ മറ്റോ മൂടിക്കെട്ടി വെയ്ക്കാം.

സ്‌റ്റെപ് 3

തണുത്ത വെള്ളത്തില്‍ മുടി കഴുകിയെടുക്കാം.ഒരിക്കലും ചൂടുവെള്ളം തലയില്‍ ഒഴിക്കാന്‍ പാടില്ല. മാത്രമല്ല ചൂടുവെള്ളം തലയില്‍ ഒഴിയ്ക്കുന്നത് ശക്തമായ മുടി കൊഴിച്ചിലിന് കാരണമാകുന്നു.

സ്റ്റെപ് 4

മുടി കഴുകിയതിനു ശേഷം അല്‍പം ആവണക്കെണ്ണ നല്ലതുപോലെ തേച്ച് പിടിപ്പിക്കാം. ഇതും നല്ലതു പോലെ മസ്സാജ് ചെയ്തതിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയാം.

ആഴ്ചയില്‍ രണ്ട് തവണ

ആഴ്ചയില്‍ രണ്ട് തവണ ഇത് ഉപയോഗിക്കാം. മുടി വളര്‍ച്ചയുടെ കാര്യത്തില്‍ യാതൊരു വിധത്തിലുള്ള ടെന്‍ഷനും വേണ്ട എന്നത് നൂറ് ശതമാനം ഉറപ്പ് തരുന്ന വഴിയാണിത്.

മുടിയ്ക്ക തിളക്കം

മുടിയ്ക്ക് തിളക്കവും മുടിയുടെ വേരുകള്‍ക്ക് ബലവും നല്‍കുന്നതാണ് പേരയ്ക്കയില എന്ന കാര്യത്തില്‍ സംശയം വേണ്ട. കാരണം അത്രയേറെ ഫലപ്രദമാണ് ആവണക്കെണ്ണയും പേരയിലയും.