ആവണക്കെണ്ണയും തേനും മതി മുടി തിളങ്ങാന്‍

ഹെയര്‍മാസ്‌ക് തയ്യാറാക്കാം

ആവണക്കെണ്ണയും തേനും തലയില്‍ തേച്ചാല്‍ മുടിയ്ക്ക് തിളക്കം ലഭിയ്ക്കില്ല. അതിനായി ആദ്യം ഇവ ഉപയോഗിക്കേണ്ട രീതിയുണ്ട്. അതെങ്ങനെയെന്ന് നോക്കാം.

തയ്യാറാക്കുന്ന വിധം

ആവണക്കെണ്ണ മൂന്ന് ടേബിള്‍ സ്പൂണ്‍ എടുത്ത് അതിലേക്ക് മൂന്ന് ടേബിള്‍ സ്പൂണ്‍ തേന്‍ മിക്‌സ് ചെയ്യുക. ഇത് രണ്ടും നന്നായി യോജിപ്പിക്കുക.

ഉപയോഗിക്കുന്നത്

പേസ്റ്റ് പോലാക്കിയ ഈ മിശ്രിതം തലയോട്ടിയില്‍ നല്ലതുപോലെ തേച്ചു പിടിപ്പിക്കുക. മുടിയുടെ വേരുകളിലേക്ക് ഇറങ്ങിപ്പോകുന്ന തരത്തില്‍ വരെ ഇത് ഉപയോഗിച്ച് മസ്സാജ് ചെയ്യണം.

കഴുകിക്കളയുക

ഇരുപത് മിനിട്ടിനു ശേഷം ഇത് വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയുക. ഉണങ്ങിയതിനു ശേഷം ശ്രദ്ധിച്ചാല്‍ മുടിയില്‍ വന്ന വ്യത്യാസം മനസ്സിലാകും

മുടിയുടെ ബലം

മുടിയ്ക്ക് നല്ല ബലം നല്‍കുന്നതിനും ഈ മിശ്രിതം സഹായിക്കുന്നു. മുടിയുടെ ആരോഗ്യം വീണ്ടെടുക്കുന്നതിനും ഈ മിശ്രിതത്തിന്റെ പങ്ക് വളരെ വലുതാണ്.

അറ്റം പിളരുന്നത്

മുടിയുടെ അറ്റം പിളരുക എന്നത് ഇന്നത്തെ കാലത്ത് ഏറ്റവും പ്രശ്‌നമുള്ള കാര്യമാണ്. അതുകൊണ്ട് തന്നെ മുടിയുടെ അറ്റം പിളരാതിരിയ്ക്കാനും മുടിയുടെ ആരോഗ്യത്തിനും ഏറ്റവും നല്ല ഔഷധമാണ് ആവണക്കെണ്ണയും തേനും.

മുടിയില്‍ ജലാംശം

മുടി വരണ്ടതാകുന്നതാണ് പലപ്പോും പ്രശ്‌നങ്ങള്‍ സൃഷ്ടിയ്ക്കുന്നത്. അതുകൊണ്ട് തന്നെ മുടിയുടെ വരള്‍ച്ച ഇല്ലാതാക്കാനും ഈ മിശ്രിതം സഹായിക്കുന്നു. എന്നാല്‍ നമ്മളെടുക്കുന്ന തേനിന്റെ അളവ് അല്‍പം വര്‍ദ്ധിച്ചാല്‍ അത് വിപരീത ഫലമാണ് ഉണ്ടാക്കുന്നത് എന്നതാണ് കാര്യം.