അകാല നര പ്രതിരോധിക്കാന്‍ കറിവേപ്പില?

കറിവേപ്പില എങ്ങനെ ഉപയോഗിക്കാം?

വെളിച്ചെണ്ണയില്‍ കറിവേപ്പിലയിട്ട് എണ്ണ കാച്ചുക. കറിവേപ്പില ബ്രൗണ്‍ നിറമാകുന്നതു വരെ എണ്ണ തിളപ്പിക്കു. അതിനു ശേഷം എണ്ണ വാങ്ങി വെയ്ക്കുക. ഇത് തണുത്തു കഴിഞ്ഞതിനു ശേഷം ഉപയോഗിക്കാം.

ഉപയോഗിക്കേണ്ട രീതി

കറിവേപ്പില എണ്ണ ഉപയോഗിക്കേണ്ടത് എങ്ങനെയെന്ന് നോക്കാം. ആദ്യം തലയോട്ടിയില്‍ അല്‍പാല്‍പ്പം എണ്ണ തേയ്ക്കുക. പിന്നീട് ഓരോ മുടിയിഴകളിലും എണ്ണ വീഴുന്ന രീതിയില്‍ എണ്ണ തേയ്ക്കുക. തലയോട്ടിയില്‍ നന്നായി മസ്സാജ് ചെയ്ത ശേഷം തല കവര്‍ ചെയ്ത് കിടന്നുറങ്ങുക. പിറ്റേ ദിവസം രാവിലെ വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയാം. ആഴ്ചയില്‍ രണ്ട് നേരം ഇത്തരത്തില്‍ ചെയ്യാവുന്നതാണ്.

കറിവേപ്പില വെള്ളത്തിലിട്ടും ഉപയോഗിക്കാം

രണ്ടോ മൂന്നോ തണ്ട് കറിവേപ്പില ഒരു ദിവസം മുഴുവന്‍ വെള്ളത്തിലിട്ട് വെച്ച് ആ വെള്ളം കൊണ്ട് പിറ്റേ ദിവസം മുടി കഴുകുക. ഇത് അകാല നരയെ പ്രതിരോധിയ്ക്കാനുള്ള ഫലപ്രദമായ മാര്‍ഗ്ഗമാണ്.

മുടി വളര്‍ച്ചയ്ക്കും കറിവേപ്പില

അകാല നരയെ പ്രതിരോധിയ്ക്കാന്‍ മാത്രമല്ല കറിവേപ്പില ഉപയോഗിക്കുന്നത്. മുടിവളര്‍ച്ചയ്ക്കും കറിവേപ്പില വളരെ നല്ലതാണ്. കറിവേപ്പില അരച്ച് തലയില്‍ തേച്ചു പിടിപ്പിക്കുന്നത് മുടി വളര്‍ച്ചയെ സഹായിക്കുന്നു.

ഹെയര്‍മാസ്‌ക്

ഒരു കൈ നിറയെ കറിവേപ്പിലയും അല്‍പം തൈരും മിക്‌സ് ചെയ്ത് ഹെയര്‍മാസ്‌ക് ഉണ്ടാക്കാം. കറിവേപ്പില അരച്ച് പേസ്റ്റാക്കി തൈരിന്‍ മിക്‌സ് ചെയ്ത് തലയോട്ടിയില്‍ തേച്ചു പിടിപ്പിക്കുക. ഇത് 30 മിനിട്ടിനു ശേഷം കഴുകിക്കളയുക.

ഭക്ഷണത്തില്‍ കറിവേപ്പില

നമ്മുടെ സ്ഥിരം ഭക്ഷണത്തില്‍ കറിവേപ്പില ഉള്‍പ്പെടുത്തുക. ഇത് അകാല നരയെ പ്രതിരോധിയ്ക്കുകയും മുടിവളര്‍ച്ചയെ സഹായിക്കുകയും ചെയ്യുന്നു.