ഈ കുളി ശീലങ്ങള്‍ മുടിയ്ക്ക് അപകടം

ഷാമ്പൂ ഉപയോഗിക്കുന്നത്

ഷാമ്പൂ ഉപയോഗിക്കുന്നത് ശ്രദ്ധിക്കേണ്ടതാണ്. കാരണം മുടി നനയുന്നതിനു മുന്‍പ് തന്നെ ഷാമ്പൂ ഉപയോഗിക്കുന്ന ശീലം ഉള്ളവരാണ് നമ്മളില്‍ പലരും. ഇത് തലയോട്ടിയെ വൃത്തിയാക്കില്ലെന്നു മാത്രമല്ല പലപ്പോഴും മുടി ഇടയ്ക്ക് വെച്ച് പൊട്ടിപ്പോവാനും കാരണമാകും.

ഇടയ്ക്കിടക്ക് ഷാമ്പൂ മാറ്റുന്നത്

ഗുണമില്ലെന്നു കണ്ട് ഉടന്‍ തന്നെ ഷാമ്പൂ മാറ്റുന്നത് മുടിയുടെ ആരോഗ്യത്തെ കാര്യമായി തന്നെ ബാധിയ്ക്കും. ഉപയോഗിച്ച് തുടങ്ങി അല്‍പസമയം കാത്തിരുന്നാല്‍ മാത്രമേ ഫലം ലഭിയ്ക്കൂ എന്നതാണ് യാഥാര്‍ത്ഥ്യം.

മുടിയ്ക്കനുസരിച്ച ഉത്പ്പന്നങ്ങള്‍

മുടിയ്ക്കനുസരിച്ച ഉത്പ്പന്നങ്ങളാണ് ഉപയോഗിക്കുന്നത് എന്ന് ഉറപ്പു വരുത്തുക. വില കണ്ടും പരസ്യം കണ്ടും ഇത്തരം സൗന്ദര്യവര്‍ദ്ധക വസ്തുക്കള്‍ ഉപയോഗിക്കാതിരിക്കുക.

കണ്ടീഷണര്‍ ഉപയോഗിക്കുമ്പോള്‍

കണ്ടീഷണര്‍ ഉപയോഗിക്കുമ്പോഴും ശ്രദ്ധ നല്‍കുക. ഇവ ഉപയോഗിക്കുമ്പോള്‍ തലയോട്ടിയില്‍ ആവാതിരിയ്ക്കാന്‍ ശ്രദ്ധിക്കുക. ഇത് മുടി കൊഴിച്ചിലിന് കാരണമാകും.

ദിവസവും മുടി കഴുകുന്നത്

ദിവസവും മുടി കഴുകുന്നതും മുടിയുടെ ആരോഗ്യത്തെ പ്രതികൂലമായി ബാധിയ്ക്കും. ഇത് മുടിയിലെ ഫോളിക്കിള്‍സിനെ ഇല്ലാതാക്കും.

അമിതമായി ഉപയോഗിക്കരുത്

അമിതമായ രീതിയില്‍ ഒരിക്കലും കണ്ടീഷണറോ ഷാമ്പൂവോ മുടിയില്‍ ഉപയോഗിക്കരുത്. ഇത് മുടിയേയും മുടിയുടെ ചര്‍മ്മത്തേയും വരണ്ടതാക്കും.

ചൂടുവെള്ളത്തില്‍ മുടി കഴുകുന്നത്

ചൂടു വെള്ളത്തില്‍ യാതൊരു കാരണവശാലും മുടി കഴുകരുത്. ഇത് മുടി കൊഴിച്ചില്‍ നിയന്ത്രിക്കാന്‍ പറ്റാത്ത രീതിയിലാക്കും.

കഴുകുമ്പോള്‍ ശ്രദ്ധ

ഷാമ്പൂ ആയാലും കണ്ടീഷണര്‍ ആയാലും ഉപയോഗിച്ച് കഴിഞ്ഞാല്‍ മുഴുവനായി കഴുകിക്കളയണം. അല്ലാത്ത പക്ഷം താരന്‍ പോലുള്ള പ്രശ്‌നങ്ങള്‍ കാരണമാകും.

തുവര്‍ത്തുമ്പോള്‍ ശ്രദ്ധ നല്‍കുക

നനഞ്ഞ മുടി ടവ്വല്‍ ഉപയോഗിച്ച് തുവര്‍ത്തുമ്പോഴും ശ്രദ്ധ നല്‍കണം. കാരണം അമര്‍ത്തി തുടയ്ക്കുന്നത് മുടിയുടെ ആരോഗ്യത്തെ പ്രതികൂലമായി ബാധിയ്ക്കും.

നനഞ്ഞ മുടി ചീകരുത്

നനഞ്ഞ മുടി ഒരിക്കലും ചീകരുത് എന്നതാണ് കാര്യം. നനഞ്ഞ മുടി ചീകുന്നത് മുടി പൊട്ടിപ്പോകാനും മുടിയുടെ അറ്റം പിളരാനും കാരണമാകും.