ഈ കുളി ശീലങ്ങള്‍ മുടിയ്ക്ക് അപകടം

Published: Monday, May 30, 2016, 17:13 [IST]

നമ്മുടെ പല ശീലങ്ങളും നമ്മുടെ ആരോഗ്യത്തേയും സൗന്ദര്യത്തേയും പ്രതികൂലമായി ബാധിയ്ക്കുന്നുണ്ട്. ആരോഗ്യത്തെക്കാള്‍ കൂടുതല്‍ സൗന്ദര്യത്തെയാണ് ഇത് പ്രതീകൂലമായി ബാധിയ്ക്കുന്നത്. പ്രത്യേകിച്ച് സൗന്ദര്യത്തിന്റെ കാര്യത്തില്‍ പ്രധാന പങ്ക് വഹിക്കുന്ന മുടിയുടെ കാര്യത്തില്‍.

കാരണം നമ്മുടെ കുളിശീലങ്ങളില്‍ പലതും മുടിയുടെ ആരോഗ്യത്തെ മോശമായി ബാധിയ്ക്കുന്നവയാണ്. അവ എന്തൊക്കെയെന്ന് തിരിച്ചറിഞ്ഞ് ഇന്ന് തന്നെ മാറ്റാന്‍ ശ്രമിക്കുക. വെണ്ടയ്ക്ക മാറ്റും കഷണ്ടി അതും ഒരു മാസം കൊണ്ട്

ഷാമ്പൂ ഉപയോഗിക്കുന്നത്

ഷാമ്പൂ ഉപയോഗിക്കുന്നത് ശ്രദ്ധിക്കേണ്ടതാണ്. കാരണം മുടി നനയുന്നതിനു മുന്‍പ് തന്നെ ഷാമ്പൂ ഉപയോഗിക്കുന്ന ശീലം ഉള്ളവരാണ് നമ്മളില്‍ പലരും. ഇത് തലയോട്ടിയെ വൃത്തിയാക്കില്ലെന്നു മാത്രമല്ല പലപ്പോഴും മുടി ഇടയ്ക്ക് വെച്ച് പൊട്ടിപ്പോവാനും കാരണമാകും.

ഇടയ്ക്കിടക്ക് ഷാമ്പൂ മാറ്റുന്നത്

ഗുണമില്ലെന്നു കണ്ട് ഉടന്‍ തന്നെ ഷാമ്പൂ മാറ്റുന്നത് മുടിയുടെ ആരോഗ്യത്തെ കാര്യമായി തന്നെ ബാധിയ്ക്കും. ഉപയോഗിച്ച് തുടങ്ങി അല്‍പസമയം കാത്തിരുന്നാല്‍ മാത്രമേ ഫലം ലഭിയ്ക്കൂ എന്നതാണ് യാഥാര്‍ത്ഥ്യം.

മുടിയ്ക്കനുസരിച്ച ഉത്പ്പന്നങ്ങള്‍

മുടിയ്ക്കനുസരിച്ച ഉത്പ്പന്നങ്ങളാണ് ഉപയോഗിക്കുന്നത് എന്ന് ഉറപ്പു വരുത്തുക. വില കണ്ടും പരസ്യം കണ്ടും ഇത്തരം സൗന്ദര്യവര്‍ദ്ധക വസ്തുക്കള്‍ ഉപയോഗിക്കാതിരിക്കുക.