കഷണ്ടിയെ ദിവസങ്ങള്‍ക്കുള്ളില്‍ തുരത്താം

എന്താണ് കഷണ്ടി

കഷണ്ടിയായി എന്ന് കിടന്ന് നിലവിളിയ്ക്കുമ്പോള്‍ എന്താണ് കഷണ്ടി എന്ന് പലര്‍ക്കും അറിയില്ല. 15 മുതല്‍ 25 വയസ്സിനുള്ളില്‍ വരെ കഷണ്ടി ഉണ്ടാവാം. നെറ്റി കേറലാണ് കഷണ്ടിയുടെ ആദ്യ പ്രകടമായ ലക്ഷണം. എന്നാല്‍ ഇതിനേ വേണ്ടത്ര ഗൗരവം നല്‍കാത്തത് പലപ്പോഴും മറ്റു പ്രശ്‌നങ്ങളിലേക്ക് നയിക്കും.

എന്തുകൊണ്ട് പുരുഷന്‍മാരില്‍ കൂടുതല്‍

കഷണ്ടിയുടെ പ്രയാസം ഏറ്റവും കൂടുതല്‍ അനുഭവിയ്ക്കുന്നത് പുരുഷന്മാരാണ്. സ്ത്രീകളിലും ഉണ്ടാകുമെങ്കിലും മുടി കൊഴിച്ചില്‍ എന്ന രീതിയിലേക്ക് മാത്രമായി ഇത് പലപ്പോഴും ഒതുങ്ങും.

തലയോട്ടി ചെറുതാവുന്നു

കഷണ്ടി വരുന്നവരില്‍ മുടിയില്ലാത്ത സ്ഥലം പലപ്പോഴും തലയിലെ മറ്റു ഭാഗങ്ങളെ അപേക്ഷിച്ച് ചെറുതാവുന്നു. ഇത് പുതിയ മുടി വളരാനുള്ള സ്ഥലം ഇല്ലാതാക്കുന്നു.

കഷണ്ടിയ്ക്കു മുന്‍പേ ലക്ഷണങ്ങള്‍

കഷണ്ടി ആരംഭിയ്ക്കുന്നതിന് ഒരു വപര്‍ഷം മുന്‍പ് തന്നെ ലക്ഷണങ്ങള്‍ പ്രകടമായി തുടങ്ങും. ഇതില്‍ തന്നെ മുടി വെട്ടിക്കഴിഞ്ഞാലും അത് വളരാനെടുക്കുന്ന സമയം ആണ് ശ്രദ്ധിക്കേണ്ടത്. സാധാരണയില്‍ കൂടുതല്‍ സമയം എടുക്കുന്നുണ്ടെങ്കില്‍ കഷണ്ടി വരാനുള്ള സാധ്യത വളരെ കൂടുതലാണ്.

ഹോര്‍മോണ്‍ മാറ്റങ്ങള്‍

പലപ്പോഴും പുരുഷ ഹോര്‍മോണിലുണ്ടാകുന്ന മാറ്റങ്ങളും കഷണ്ടിയ്ക്ക് പ്രധാന കാരണമാണ്. അതുകൊണ്ട് തന്നെയാണ് മാനസിക സമ്മര്‍ദ്ദം അനുഭവിക്കുന്ന പുരുഷന്‍മാരില്‍ ഏറ്റവും കൂടുതല്‍ കഷണ്ടി കാണപ്പെടുന്നതും.

സൂര്യാഘാതം

സൂര്യാഘാതം കൊണ്ട് കഷണ്ടിയോ, എന്നാല്‍ സത്യമാണ് പലപ്പോഴും അമിതമായി സൂര്യപ്രകാശമേല്‍ക്കുന്നവര്‍ക്ക് കഷണ്ടി വരാനുള്ള സാധ്യത വളരെ കൂടുതലാണ്.

പ്രതിവിധികള്‍

ധാരാളം പ്രതിവിധികള്‍ കഷണ്ടിയ്ക്ക് ഇപ്പോള്‍ നിലവിലുണ്ട്. എന്നാല്‍ പലപ്പോഴും അതിനെടുക്കുന്ന കാലതാമസം വരെ ആര്‍ക്കും കാത്തിരിയ്ക്കാന്‍ ക്ഷമയുണ്ടാവില്ല എന്നതാണ് സത്യം. അതുകൊണ്ട് തന്നെ ചികിത്സ തേടുന്നവര്‍ക്ക് ശ്വാശ്വതമായ പരിഹാരം ലഭിയ്ക്കുന്നില്ല.

ആരോഗ്യമുള്ള ഭക്ഷണം

ആരോഗ്യമുള്ള ഭക്ഷണം കഴിയ്ക്കുന്നതാണ് മുടി വളര്‍ച്ച് വര്‍ദ്ധിപ്പിക്കാനുള്ള പ്രധാന കാരണം. മുടി വളര്‍ച്ചയെ ശക്തിപ്പെടുത്തുന്ന രീതിയിലുള്ള ഭക്ഷണം കഴിയ്ക്കാന്‍ ശ്രദ്ധിക്കുക.

കറിവേപ്പില എണ്ണ

കറിവേപ്പില ആരോഗ്യത്തിന് മാത്രമല്ല മുടി സംരക്ഷണത്തിനും മുന്നില്‍ നില്‍ക്കുന്നതാണ്. അതുകൊണ്ട് തന്നെ ആഴ്ചയില്‍ രണ്ട് ദിവസമെങ്കിലും കറിവേപ്പില ഇട്ട എണ്ണ മുടിയില്‍ തേച്ച് കുളിയ്ക്കുക.